ФУТБОЛ. «Хатлон» ба садри ҷадвали Чемпионати Тоҷикистон миёни дастаҳои Лигаи олӣ баромад
ДУШАНБЕ, 25.08.2022 /АМИТ «Ховар»/. 24 август се бозии мавқуфмондаи марҳилаи аввали Чемпионати Тоҷикистон оид ба футбол миёни дастаҳои Лигаи олӣ баргузор гардиданд. Дастаи футболи «Равшан»-и шаҳри Кӯлоб ва «Истиқлол»-и шаҳри Душанбе ба дарвозаи ҳамдигар гол зада натавонистанд ва бозии мазкур бо ҳисоби мусовии 0:0 анҷом ёфт. Дар ин бора ба шореҳи варзиши АМИТ «Ховар» Меҳрони Қурбон дар Федератсияи футболи Тоҷикистон хабар доданд.
Дар ду бозии дигар дастаи футболи «Хатлон»-и шаҳри Бохтар бар дастаи КМВА-и шаҳри Душанбе ва «Хуҷанд»-и шаҳри Хуҷанд бар дастаи «РегарТадАЗ»-и шахри Турсунзода бо ҳисоби якхелаи 3:0 пирӯз шуданд. Голҳоро дар ҳайати дастаи «Хатлон»-и шаҳри Бохтар Нуриддин Ҳамроқулов, Саидшо Бозоров ва Тоҳир Тағойзода ба нишон расониданд. Дар ҳайати дастаи футболи «Хуҷанд»-и шаҳри Хуҷанд Далер Ёдгоров ду гол ва Сергей Сканян як гол ба номашон навиштанд.
Бозиҳои даври чордаҳум Чемпионати Тоҷикистон оид ба футбол миёни дастаҳои лигаи олӣ чунин аст:
2 сентябр (ҷумъа)
Оғоз – соати 17:00
«Эсхата» – «Регар-ТадАЗ»
3 сентябр (шанбе)
Оғоз – соати 17:00
«Истаравшан» – «Равшан» (Зафаробод)
«Равшан» (Кӯлоб) – КМВА
4 сентябр (якшанбе)
Оғоз – соати 17:00
«Хуҷанд» – «Хатлон»
«Файзканд» – «Истиқлол»
Натиҷаи дастаҳо дар ҷадвали Чемпионати Тоҷикистон оид ба футбол миёни дастаҳои Лигаи олӣ
| Б | Ғ | М | Б | Т-Т | Х | ||
| 1 | «Хатлон» (Бохтар) | 12 | 6 | 4 | 2 | 13-6 | 22 |
| 2 | «Истиқлол» (Душанбе) | 10 | 6 | 3 | 1 | 22-6 | 21 |
| 3 | «Файзканд» (Восеъ) | 12 | 6 | 3 | 3 | 15-16 | 21 |
| 4 | «Равшан» (Кӯлоб) | 13 | 5 | 5 | 3 | 14-12 | 20 |
| 5 | «Хуҷанд» (Хуҷанд) | 12 | 5 | 4 | 3 | 14-8 | 19 |
| 6 | КМВА (Душанбе) | 12 | 5 | 2 | 5 | 16-19 | 17 |
| 7 | «Истаравшан» (Истаравшан) | 12 | 4 | 2 | 6 | 16-10 | 14 |
| 8 | «Эсхата» (Хуҷанд) | 12 | 3 | 2 | 7 | 16-24 | 11 |
| 9 | «Регар-ТадАЗ» (Турсунзода) | 12 | 3 | 1 | 8 | 10-18 | 10 |
| 10 | «Равшан» (Зафарабад) | 13 | 2 | 4 | 7 | 11-28 | 10 |
Рӯйхати беҳтарин нишонзанҳо: Дилшод Бозоров («Эсхата») – 9 гол, Манучеҳр Ҷалилов, Шервонӣ Мабатшоев (ҳама аз – «Истиқлол») – 5- голӣ, Фатҳулло Фатҳуллоев («Регар-ТадАЗ»), Шарафҷон Солеҳов аз дастаи КМВА-и шаҳри Душанбе, Мбеке Сиябатчу Деудони («Истаравшан») – 5- голӣ.
АКС: Федератсияи футболи Тоҷикистон
Дар Тоҷикистон Фестивали бозиҳои миллии варзишӣ баргузор мегардад
Дастаи мунтахаби Тоҷикистон оид ба футзал ба Ҷоми Осиё-2026 омодагӣ мегирад
Дастаи мунтахаби наврасони Тоҷикистон (U-17) бо тимҳои Арабистони Саудӣ ва АМА бозиҳои дӯстона анҷом медиҳад
ФУТБОЛ. Доварони Тоҷикистон ба рӯйхати доварони ФИФА барои соли 2026 дохил шуданд
«Cоро компания» ғолиби Суперлигаи футзали Тоҷикистон-2025 гардид
Соли 2025 варзишгарони вилояти Хатлон беш аз 2 ҳазор медал ба даст оварданд
Ситораи футболи тоҷик Муҳсин Муҳаммадиев дар 60-солагӣ аз дунё даргузашт
Мутахассиси варзида аз Ҷумҳурии Сербия сармураббии нави дастаи «Хуҷанд» таъйин гардид
Ба дастаи «Сардор» медалҳои нуқраи Лигаи якуми Тоҷикистон-2025 супорида шуданд
Мутахассиси шинохтаи футболи тоҷик Шариф Назаров дар 80-солагӣ аз олам даргузашт
Федератсияи ҷиу-ҷитсуи Тоҷикистон бо Иттиҳодияи ҷиу-ҷитсуи Осиё (JJAU) ҳамкориро тақвият медиҳад
ЛИГАИ ЧЕМПИОНҲО-2-И ОСИЁ. «Истиқлол» дар сафар бар дастаи футболи «Гоа»-и Ҳиндустон ғолиб омад
