КМИР: Алишер Мирзонабот ва Азизулло Исматзода аъзои нави Маҷлиси миллии Маҷлиси Олии Ҷумҳурии Тоҷикистон интихоб шуданд
ДУШАНБЕ, 26.08.2022 /АМИТ «Ховар»/. Имрӯз Раиси ВМКБ Алишер Мирзонабот бо гирифтани 315 (100%) овози вакилони интихобкунанда ва Раиси ноҳияи Рӯдакӣ Азизулло Исматзода бо гирифтани 339 (97,41%) овози вакилони интихобкунанда аъзои нави Маҷлиси миллии Маҷлиси Олии Ҷумҳурии Тоҷикистон интихоб гардиданд. Дар ин бора АМИТ «Ховар» бо истинод ба Комиссияи марказии интихобот ва раъйпурсии Ҷумҳурии Тоҷикистон иттилоъ медиҳад.
Ба иттилои Комиссияи марказӣ, дар асоси моддаҳои 51 ва 52 Қонуни конститутсионии мамлакат «Дар бораи интихоботи Маҷлиси Олии Ҷумҳурии Тоҷикистон» дар интихоботи имрӯза (26 август) номзадҳо Алишер Мирзонабот бо гирифтани 315 (100%) овози вакилони интихобкунанда дар ҳавзаи интихоботии бисёрмандатӣ оид ба интихоботи аъзои Маҷлиси миллӣ аз Вилояти Мухтори Кӯҳистони Бадахшон №1 ва Азизулло Исматзода бо гирифтани 339 (97,41%) овози вакилони интихобкунанда дар ҳавзаи интихоботии бисёрмандатӣ оид ба интихоботи аъзои Маҷлиси миллӣ аз шаҳру ноҳияҳои тобеи ҷумҳурӣ №5 аъзои Маҷлиси миллии Маҷлиси Олии Ҷумҳурии Тоҷикистон интихоб гардида, ба қайд гирифта ва ваколатҳояшон тасдиқ карда шуданд.
Имрӯз таҳти роҳбарии Раиси КМИР Бахтиёр Худоёрзода ҷаласаи Комиссияи марказӣ баргузор гардид, ки дар он масъалаи тасдиқи натиҷаҳои интихоботи аъзои Маҷлиси миллӣ ба ивази аъзои хориҷшуда дар ҳавзаҳои интихоботии бисёрмандатӣ аз ВМКБ №1 ва шаҳру ноҳияҳои тобеи ҷумҳурӣ №5 мавриди баррасӣ қарор гирифт.
Гуфта шуд, ки бо риояи талаботи Қонуни конститутсионӣ «Дар бораи интихоботи Маҷлиси Олии Ҷумҳурии Тоҷикистон» дар асоси пешниҳодҳои Маҷлисҳои вакилони халқи вилоят ва шаҳру ноҳияҳои он ва шаҳру ноҳияҳои тобеи ҷумҳурӣ дар ҳавзаҳои интихоботии бисёрмандатии болозикр ду номзад ба аъзогии Маҷлиси миллӣ ба қайд гирифта шуда буд.
Дар асоси протоколҳои комиссияҳои ҳавзавии интихоботии бисёрмандатӣ дар интихоботи миёнадаврӣ 97,5 фоиз вакилони интихобкунанда аз ВМКБ ва 83,45 фоиз вакилони интихобкунанда аз шаҳру ноҳияҳои тобеи ҷумҳурӣ иштирок намуданд.
Тибқи талаботи моддаи 43 Қонуни конститутсионӣ «Дар бораи интихоботи Маҷлиси Олии Ҷумҳурии Тоҷикистон» ҷаласаҳои якҷояи Маҷлисҳои вакилони халқи ВМКБ, шаҳру ноҳияҳои он ва шаҳру ноҳияҳои тобеи ҷумҳурӣ оид ба интихоботи аъзои Маҷлиси миллӣ ба ивази аъзои хориҷшуда дар ҳавзаҳои интихоботии бисёрмандатии болозикр салоҳиятнок ҳисобида шуд.
Ҳамин тавр, интихоботи аъзои Маҷлиси миллӣ ба ивази аъзои хориҷшуда дар ҳавзаҳои интихоботии бисёрмандатии зикргардида ба таври ошкоро, шаффоф ва озод бо иштироки фаъоли вакилони интихобкунанда баргузор гардид.
АКС: Мақомоти иҷроияи ҳокимияти давлатии ВМКБ
Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Қирғизистон ба тасвиб расид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум доир шуд
Файзалӣ Идизода бо Раиси Маҷлиси аш — Шурои Шоҳигарии Арабистони Саудӣ вохӯрӣ намуд
Раиси Маҷлиси намояндагони Тоҷикистон бо муовини якуми Раиси Федератсияи палатаҳои тиҷоратии Шоҳигарии Арабистони Саудӣ вохӯрӣ намуд
Раиси Маҷлиси намояндагони Тоҷикистон бо Раиси Агентии рушди сармоягузории Шоҳигарии Арабистони Саудӣ вохӯрӣ намуд
Дар Донишгоҳи давлатии Хуҷанд вохӯрии вакилони Маҷлиси намояндагон бо устодону донишҷӯён доир гардид
Ба омӯзгорону донишҷӯёни Коллеҷи омӯзгории шаҳри Хуҷанд муҳтавои Паёми Президенти Тоҷикистон расонида шуд
Ба сокинони ноҳияҳои Шамсиддини Шоҳин, Муъминобод ва Ховалинг Паёми Президенти Тоҷикистон шарҳ дода шуд
Раиси Маҷлиси намояндагон Файзалӣ Идизода ба сокинони Рашт нуктаҳои асосии Паёми Президенти Тоҷикистонро шарҳ дод
Дар ноҳияи Шоҳмансури шаҳри Душанбе вохӯрии вакилон бо интихобкунандагон доир шуд
Дар ноҳияи Мастчоҳ вохӯрии вакили Маҷлиси намояндагон бо интихобкунандагон доир шуд
Мулоқоти вакилони Маҷлиси намояндагон бо интихобкунандагон оғоз гардид
