Масъалаи рушди табодули маҳсулот миёни Тоҷикистон ва Арабистони Саудӣ баррасӣ гардид
ДУШАНБЕ, 17.08.2022 /АМИТ «Ховар»/. 15 август муовини Раиси Палатаи савдо ва саноати Ҷумҳурии Тоҷикистон Манзура Рустамова бо Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид Абдурраҳмон Ар–Рушайдон мулоқот намуд, ки зимни он масъалаи рушди табодули молу маҳсулот миёни Ҷумҳурии Тоҷикистон ва Арабистони Саудӣ баррасӣ гардид.
Тавре ба АМИТ «Ховар» дар Палатаи савдо ва саноати кишвар хабар доданд, зимни мулоқот Манзура Рустамова оид ба фаъолият ва нақшаҳои ояндаи Палата дар самти баргузории намоишгоҳҳо, бизнес–форумҳо ва дигар чорабиниҳои тиҷоратӣ маълумот дода, аз сафир Валид Абдурраҳмон Ар–Рушайдон даъват ба амал овард, ки ҷиҳати иштироки ширкату корхонаҳо ва соҳибкорону сармоягузорони Арабистони Саудӣ зимни баргузории чорабиниҳои тиҷоратие, ки дар қаламрави Ҷумҳурии Тоҷикистон баргузор мешаванд, мусоидат намояд.
Сафир Валид Абдурраҳмон Ар–Рушайдон баргузории чорабиниҳои зикргардидаро дар рушди бахши хусусӣ иқдоми нек шуморида, иброз дошт, ки барои иштироки ширкату корхонаҳо ва соҳибкорону сармоягузорони Арабистони Саудӣ дар чорабиниҳои тиҷоратӣ дар Ҷумҳурии Тоҷикистон ҳамкорӣ менамояд.
Манзура Рустамова ҷиҳати ҷалби сармоягузорони Арабистони Саудӣ дар бунёди корхонаҳои муштарак дар ҳудуди минтақаҳои озоди иқтисодии ҷумҳурӣ ва рушди табодули молу маҳсулот миёни Ҷумҳурии Тоҷикистон ва Арабистони Саудӣ маълумоти мушаххас пешниҳод намуд.
АКС: Маркази матбуоти ПСС ҶТ
Дар Душанбе ҷаласаи Ситод оид ба омодагӣ ба давраи тирамоҳу зимистони солҳои 2026-2027 баргузор шуд
НИШАСТИ МАТБУОТӢ. Дар Файзобод дар шаш моҳ 10,6 миллион сомонӣ ба фаъолияти соҳибкорӣ равона гардидааст
Байни вазоратҳои адлияи Тоҷикистон ва Узбекистон Ёддошти тафоҳум ба имзо расид
НИШАСТИ МАТБУОТӢ. Ҳаҷми истеҳсоли маҳсулоти саноатӣ дар корхонаҳои шаҳри Ваҳдат беш аз 600 миллион сомониро ташкил дод
Беш аз 60 маркази шаҳру ноҳияҳо бо нақшаи генералӣ таъмин мебошанд
Дурнамои ҳамкории дуҷонибаи вазоратҳои молияи Тоҷикистон ва Беларус баррасӣ гардид
Ҳаҷми истеҳсоли маҳсулоти кишоварзӣ дар минтақаи Кӯлоб ба беш аз 5 миллиард сомонӣ расонида шудааст
Дар ноҳияи Бобоҷон Ғафуров корхонаи нави истеҳсоли обҳои ташнагишикан бунёд карда мешавад
Бонкҳо ва ташкилоти қарзии Тоҷикистон ба соҳибкорон беш аз 6,3 миллиард сомонӣ қарз пешниҳод намудаанд
Масоили таъсиси корхонаи истеҳсоли триоксиди сурма дар Тоҷикистон баррасӣ гардид
Дар Душанбе ҷаласаи дуюми Шурои миллии об баргузор шуд
Дар шаҳри Душанбе қабул ба «Школа 21» оғоз гардид
