Номи сарвазири нави Британия 5 сентябр маълум мешавад

Август 23, 2022 12:24

ДУШАНБЕ, 23.08.2022 /АМИТ «Ховар»/. Дар Британия номи роҳбари нави ҳукумат 5 сентябр эълон мегардад. Тавре АМИТ «Ховар» иттилоъ медиҳад, дар ин бора шабакаи телевизионии Sky News бо истинод ба ҳамраиси ҳизби консервативӣ Эндрю Стивенсон хабар додааст.

Ба гуфтаи ӯ, натиҷаи интихоботи раиси ин ҳизб, ки нахуствазири нав мешавад, баъд аз зуҳри 5 сентябр эълон хоҳад шуд.

Интизор меравад, ки ин рӯйдод соати 12:30 ба вақти маҳаллӣ рух диҳад. Аммо ин макон то ҳол ном бурда нашудааст, ба далели амниятӣ ширкаткунандагони маросим дар ин бора ҳамагӣ 48 соат пеш аз баргузории чорабинӣ иттилоъ хоҳанд ёфт.

Эҳтимол меравад, ки рӯзи дигар иҷрокунандаи вазифаи сарвазир Борис Ҷонсон ваколатҳоро ба вориси худ интиқол диҳад. Ва аллакай 7 сентябр дар парлумон ҷаласаи анъанавии саволҳо ба сарвазир баргузор мешавад.

Ёдовар мешавем, ки ба даври ниҳоии мубориза барои мақоми раҳбари Ҳизби консервативӣ вазири корҳои хориҷӣ Лиз Трасс ва вазири собиқи молия Риши Сунак роҳ ёфтанд. Нуҳ сиёсатмадори дигар пас аз чанд даври интихобот онро тарк карданд.

Интихоби ниҳоиро аъзои одии ҳизб, ки тақрибан аз 200 ҳазор британиягиҳо иборатанд, анҷом хоҳанд дод.

АКС: www.unsplash.com

Август 23, 2022 12:24

Хабарҳои дигари ин бахш

Анутхин Чанвиракун Сарвазири нави Таиланд интихоб гардид
Дар Покистон 766 ҳазор нафар аз минтақаҳои аз обхезӣ зарардида кӯчонида шуданд
Бар асари заминларзаи шадид дар Афғонистон беш аз 1120 нафар ҳалок шуданд
Дар Покистон бар асари боронҳои шадид ва обхезӣ 307 нафар ҳалок ва даҳҳо нафар маҷруҳ шуданд
Ҳамоиши Воситаҳои ахбори омма ва марказҳои таҳлилии СҲШ дар Чжэнчжоу баргузор мешавад
Дар натиҷаи суқути ҳавопаймои Ан-24 дар вилояти Амури Русия ҳамаи мусофирон ҳалок шуданд
Бемориҳои музмини ғайрисироятӣ ҳамасола сабаби 1,8 миллион марги пешгиришаванда мегарданд
Пешгӯиҳои ҳарорат барои соли 2050 аз соли 2025 оғоз мегарданд
Коршиносони ИДМ лоиҳаи Нақшаи чорабиниҳо бахшида ба 35-солагии Иттиҳодро мувофиқа намуданд
Бинобар гармии рекордӣ дар Чин талабот ба неруи барқ ба нуқтаи баландтарин расид
Хисороти аз офатҳои табиӣ расида дар Чин аз 7,5 миллиард доллар зиёд шуд
Гармои шадид дар Испания дар ду моҳи охир сабаби марги 1180 нафар гардид