Президенти мамлакат Эмомалӣ Раҳмон Муассисаи таҳсилоти миёнаи умумии №7-и шаҳри Конибодомро мавриди баҳрабардорӣ қарор доданд

Август 11, 2022 11:26

ДУШАНБЕ, 11.08.2022 /АМИТ «Ховар»/. 11 август дар идомаи сафари корӣ дар шаҳри Конибодом Асосгузори сулҳу ваҳдати миллӣ–Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи омодагиҳо ба таҷлили шоистаи ҷашнҳои бузурги таърихӣ: 30-солагии Иҷлосияи 16-уми Шӯрои Олии Ҷумҳурии Тоҷикистон ва 35-солагии Истиқлолияти давлатӣ дар хиёбони Исмоили Сомонии шаҳр Муассисаи таҳсилоти миёнаи умумии рақами 7-ро мавриди баҳрабардорӣ қарор доданд.

Иншооти мазкур дар пайи тадбиқи сиёсати маорифпарваронаи роҳбарияти олии сиёсии Тоҷикистон бунёд шуда, бобати бо ҷойи нишаст таъмин кардани хонандагон мусоидати фаъол хоҳад кард.

Пешвои миллат муҳтарам Эмомалӣ Раҳмон зимни шиносоӣ бо имконияту шароити илмомӯзӣ дар иншооти тозабунёд ба сифати корҳои сохтмонӣ баҳои баланд доданд ва ҳайати омӯзгоронро ҷиҳати талоши бештар ба харҷ додан ба сифати таълиму тарбия ва таҳкими ғояҳои худшиносиву худогоҳии насли наврас ҳидоят карданд.

Муассисаи таълимии тозабунёд дорои 29 синфхона, 4 ҳуҷраи кории омӯзгорон, кабинетҳои муҷаҳҳази фаннӣ барои омӯзиши илмҳои дақиқу табиатшиносӣ, ошхона барои 75 нафар, маҷлисгоҳ барои 260 нафар, толори варзишӣ, китобхона ва бойгонӣ мебошад. Мактаби нав барои қабули 1000 нафар хонанда дар ду баст бо тарҳи ҷолиб ва ҷавобгӯ ба меъёрҳои муосири таълимӣ сохта, ба истифода дода шуд. Дар ин мактаб 42 нафар омӯзгор фаъолият менамоянд. Бинои нав ба системаи ягонаи гармидиҳӣ пайваст карда шудааст.

Дар иншооти тозабунёди таълимӣ инчунин ҷиҳати ҷалби густурдаи муҳассилин ба касбомӯзӣ марказҳои ҳунаромӯзиву маҳфилҳои эҷодӣ ташкил карда шудаанд.

Дар ин мактаб 42 нафар омӯзгорон фаъолияти доимӣ менамоянд, ки 41 нафари онҳоро бонувон ташкил медиҳанд. Ҳамаи мутахассисони ин даргоҳи илм омӯзгорони ҷавон мебошанд.

Иттилоъ дода шуд, ки соли равон 22 нафар муассисаи таълимиро хатм карданд, ки 98 фоизи хатмкунандагон тавассути Маркази миллии тестӣ ба муассисаҳои олии таълимии мамлакат шомил шуданд.

Зимни шиносоӣ бо имконияти мактаби нав Президенти мамлакат ба роҳбарияти Вазорати маориф ва илми Ҷумҳурии Тоҷикистон дастур доданд, ки хазинаи тамоми китобхонаҳои мактабии муассисаҳои таълимии ҷумҳурӣ дар баробари таъмини адабиёти дарсӣ бо китобҳои бадеӣ низ комил карда шавад.

Ифтитоҳи Муассисаи таҳсилоти миёнаи умумии №7-и шаҳри Конибодом 11.08.2022

Август 11, 2022 11:26

Хабарҳои дигари ин бахш

Сарвари давлат Эмомалӣ Раҳмон дар шаҳри Душанбе Муассисаи таҳсилоти миёнаи умумии хусусии «Гимназияи Нуриддин»-ро мавриди баҳрабардорӣ қарор доданд
ОСОРХОНАИ ТАЪРИХИИ ШАҲРИ ДУШАНБЕ. Ҳафт калиди тиллоии рамзии он ишора ба ҳафт шаҳри қаламрави имрӯзаи Тоҷикистон аст
Президенти мамлакат Эмомалӣ Раҳмон бо аҳли маорифи пойтахт дар Донишкадаи давлатии забонҳои Тоҷикистон ба номи Сотим Улуғзода мулоқот намуданд
Суханронии Пешвои миллат Эмомалӣ Раҳмон дар Донишкадаи давлатии забонҳои Тоҷикистон ба номи Сотим Улуғзода
Президенти Ҷумҳурии Тоҷикистон Эмомалӣ Раҳмон ба Президенти Федератсияи Россия Владимир Путин барқияи изҳори тасаллӣ ирсол намуданд
Пешвои миллат Эмомалӣ Раҳмон бинои нави маъмурӣ ва таълимии Донишкадаи давлатии забонҳои Тоҷикистон ба номи Сотим Улуғзодаро ифтитоҳ карданд
БА ИСТИҚБОЛИ 30-СОЛАГИИ ИҶЛОСИЯИ XVI ШӮРОИ ОЛӢ. Адолат Раҳмонова: «Бузургӣ ва марди худодод будани Эмомалӣ Раҳмон аз ҳамон лаҳзаҳо аллакай ҳувайдо буд»
ЭҲЁ ВА РУШДИ ЗАБОНИ ДАВЛАТӢ ДАР ПАРТАВИ СИЁСАТИ ФАРҲАНГИИ ПЕШВОИ МИЛЛАТ. Ба Рӯзи забони давлатии Ҷумҳурии Тоҷикистон бахшида мешавад
ҲАДИСИ МУСАВВАР. Роҳи мошингарди деҳаи Ориёно то шаҳраки Москваи ноҳияи Мир Сайид Алии Ҳамадонӣ мумфарш мегардад
БА ИСТИҚБОЛИ ҶАШНИ 35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Рашт 5 бунгоҳи тиббӣ мавриди истифода қарор гирифт
Кумаки навбатии Ҳукумати Ҷумҳурии Тоҷикистон ба оилаҳои аз низоъҳои сарҳадӣ зарардидаи шаҳри Исфара ва ноҳияи Бобоҷон Ғафурови вилояти Суғд
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Узбекистон Шавкат Мирзиёев суҳбати телефонӣ анҷом доданд