Сафорати Тоҷикистон дар Олмон вобаста ба муҳити зист ва обу энергетика ҳамоиши фосилавӣ баргузор кард
ДУШАНБЕ, 30.08.2022 /АМИТ «Ховар»/. 29 август бо ибтикори муштараки Сафорати Ҷумҳурии Тоҷикистон дар Ҷумҳурии Федеративии Олмон, Намояндагии иқтисоди Олмон дар Осиёи Марказӣ (AHK), ҳамчунин Палатаи савдо ва саноати Олмон (DIHK) вебинари маҷозӣ дар мавзӯи «Технологияҳои ҳифзи муҳити зист бо тамаркуз ба гидроэнергетика ва таъмини об» баргузор гардид. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Дар ҳамоиши фосилавӣ Сафири Тоҷикистон дар Олмон Имомудин Сатторов, инчунин намояндагони вазорату идораҳои марбутаи кишвар иштирок ва бо маърӯзаҳои худ вобаста ба имконияти фарохи ҳамкорӣ дар бахши иқтисод ва сармоягузорӣ суханронӣ карданд.
Имомудин Сатторов изҳор дошт, ки Тоҷикистон хостори густариши ҳарчи бештари равобит бо Олмон дар бахши иқтисод ва сармоягузорӣ мебошад. Аз ин рӯ, тақвияти ҳамкорӣ дар соҳаҳои гидроэнергетика, манбаъҳои энергияи таҷдидпазир ва татбиқи лоиҳаҳои муштараки сармоягузорӣ дар ин ҷода ҳамчун самтҳои ояндадор дониста мешаванд.
Дипломати тоҷик дар фароварди суханронии худ аз иштирокдорон, мақомоти расмӣ ва ширкатҳои бонуфузи олмонӣ даъват ба амал овард, ки бо назардошти зарфияти фаровон дар раванди татбиқи лоиҳаҳои афзалиятноки Тоҷикистон фаъолона иштирок намоянд.
Маърӯзакунандагон алоқамандии худро ба тавсеаи ҳамкории минбаъдаи барои тарафҳо манфиатовар изҳор доштанд.
Акс: ВКХ ҶТ
Сироҷиддин Муҳриддин бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ мулоқот намуд
«Барномаи ҳамкорӣ байни вазоратҳои корҳои хориҷии Тоҷикистон ва Туркманистон барои солҳои 2027–2028» ба имзо расид
Президенти Туркманистон бо Вазири корҳои хориҷии Тоҷикистон мулоқот намуд
Дар Теҳрон табодули таҷриба байни мутахассисони соҳаи тибби Тоҷикистон ва Эрон баррасӣ гардид
Сафири Тоҷикистон дар Кувайт бо раиси Гурӯҳи хадамоти ҳавопаймоии «Скай» мулоқот намуд
Дар Душанбе аҳаммияти ҳамкории байналмилалӣ барои таъмини рушди устувор баррасӣ гардид
Намояндаи доимии Тоҷикистон бо мудири кулли Дафтари СММ дар Вена мулоқот намуд
Дар Риёз ҳамкорӣ байни Муассисаи давлатии «Тоҷикфилм» ва Комиссияи синамои Арабистони Саудӣ баррасӣ шуд
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Сафири Тоҷикистон бо муовини вазири корҳои дохилии Миср мулоқот намуд
Сафири Тоҷикистон бо муовини Вазири адлияи Эрон мулоқот намуд
Сироҷиддин Муҳриддин бо муовини парлумонии вазири корҳои хориҷии Ҷопон Эри Арфия мулоқот намуд
