Соҳибкорони вилояти Суғд ва кишвари Красноярск 9 созишномаи ҳамкорӣ ба имзо расониданд
ДУШАНБЕ, 05.08.2022 /АМИТ «Ховар»/. Дар вилояти Суғд миёни Палатаи савдо ва саноати вилоят ва Агентии “Статус»-и кишвари Красноярск, Ассотсиатсияи соҳибкорони вилояти Суғд ва Иттифоқи соҳибкорони Красноярск, ширкатҳои «САМО» ва «Алянс Строй», “САМО» ва «Энергия», «МИН» ва «Селена фарм», «АгроБиоХим» ва «СИВЕР», ширкати нақлиётии «АВВАТ» ва «Железнодорожное снабжение» ва ғайраҳо созишномаҳои ҳамкорӣ ба имзо расонида шуданд, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.
4 август Раиси вилояти Суғд Раҷаббой Аҳмадзода бо гурӯҳи соҳибкорони кишвари Красноярски Федератсияи Русия, ки тӯли чор рӯз дар вилоят қарор доштанд, мулоқот намуд.
Соҳибкорони кишвари Красноярск бо роҳбарии ноиби Президенти Палатаи савдо ва саноати Сибири марказӣ Даря Ковалева ба вилоят омада, бо фаъолияти якчанд корхонаҳои саноатӣ шинос гардиданд.
Меҳмонон ҳамзамон аз минтақаҳои сайёҳии вилоят боздид намуда, бо шароиту имконоти мавҷудаи соҳаи сайёҳӣ шинос шуданд.
Зимни мулоқот Раиси вилоят доир ба зарфияти вилоят маълумот дода, иброз дошт, ки «ҳамкории мутақобилан судманди тиҷоратию иқтисодӣ миёни минтақаҳои Тоҷикистон ва Русия дар ҳоли рушд аст.
Бо сиёсати пешгирифтаи роҳбарони давлатҳои Тоҷикистон ва Федератсияи Русия мубодилаи молу маҳсулот сурат гирифта, Федератсияи Русия аз шарикони асосии Тоҷикистон маҳсуб мешавад».
Ҷонибҳо ҳавасмандии худро ҷиҳати тақвияти ҳамкорӣ дар бахшҳои саноати кӯҳӣ, саноати сабук, коркарди ниҳоии пахта, коркарди меваву сабзавот, консерва, банду басти меваи хушк ва содироти он ба Русия баён доштанд.
АКС: Мақомоти иҷроияи ҳокимияти давлатии вилояти Суғд
Дар Душанбе ҷаласаи Шӯрои ҳамоҳангсоз оид ба масъалаҳои идоракунии молияи давлатӣ баргузор шуд
«БЕҲТАРИН СОДИРОТКУНАНДАИ ТОҶИКИСТОН». Ҷаласаи васеи ҳайати комиссияи экспертии озмуни ҷумҳуриявӣ доир шуд
ДАР ТОШКАНД ФОРУМИ ДУЮМИ ИҚТИСОДИИ КИШВАРҲОИ УЗВИ СҲШ ДОИР МЕШАВАД. Бо ибтикори Тоҷикистон он бори аввал моҳи июни соли гузашта баргузор шуда буд
Ҳайати вилояти Сурхондарёи Узбекистон ба вилояти Хатлони Тоҷикистон омад
Муовини Сарвазири Тоҷикистон Сулаймон Зиёзода бо вазъи истифодаи замин дар минтақаи Рашт шинос гардид
«РОҲҲОИ ОБОДИ БАЙНИ ДЕҲОТ». Таҳти чунин унвон Вазорати нақлиёти Тоҷикистон озмун эълон намудааст
Завқӣ Завқизода ва Андреас Шнайдер масъалаи ҷалби грантҳоро барои рушди минтақаҳо баррасӣ намуданд
Маҳсулоти нассоҷии Тоҷикистон бори аввал дар намоишгоҳи «Central Asian Fashion» муаррифӣ мешавад
«ПОМИР-ИНВЕСТ 2022». Дар Вилояти Мухтори Кӯҳистони Бадахшон Форуми байналмилалии соҳибкорӣ доир мегардад
Модели динамикии мувозинати умумии макроиқтисодӣ барои иқтисоди Тоҷикистон муаррифӣ шуд
ГУБЕРНАТОР АЗ СИБИР БА ТОҶИКИСТОН МЕОЯД. Вилояти Хатлони мо ва вилояти Омски Русия созишномаи ҳамкорӣ омода мекунанд
Раиси «Амонатбонк» Сироҷиддин Икромӣ бо кормандони марказҳои хизматрасонии бонкии Бадахшон мулоқот намуд
