Сомон ва Холмаҳмад аз Мусобиқаи байналмилалии гӯштини дзюдо дар Қазоқистон бо медалҳои тилло баргаштанд
ДУШАНБЕ, 30.08.2022 /АМИТ «Ховар»/. Шаби 29 август варзишгарони навраси тоҷик — Сомон Турсунзода ва Холмаҳмад Пиров, ки дар Мусобиқаи байналмилалӣ оид ба гӯштини дзюдо дар шаҳри Тарази Ҷумҳурии Қазоқистон (27-28 август) сазовори ҷойҳои якум ва медалҳои тилло шуда, Парчами давлатии Тоҷикистонро дар арсаи байналмилалӣ баланд бардоштанд, ба Ватан омаданд. Дар ин бора Директори Муассисаи давлатии «Мактаби ҷумҳуриявии маҳорати олии варзишӣ оид ба варзиши сабук» Раҷабалӣ Турсунзода ба шореҳи варзиши АМИТ «Ховар» хабар дод.
Варзишгаронро дар Фурудгоҳи байналмилалии Душанбе масъулини бахшҳои кор бо ҷавонон ва варзиши ноҳияи Варзоб ва шаҳри Ҳисор пешвоз гирифтанд.
Бояд гуфт, ки варзишгари навраси тоҷик Сомон Турсунзода дар Мусобиқаи байналмилалӣ оид ба гӯштини дзюдо дар вазни то 23 кг медали тилло ба даст овард. Сомон Турсунзода то роҳ ёфтан ба марҳилаи ниҳоӣ варзишгарони Қазоқистон, Узбекистон ва Қирғизистонро мағлуб карда, соҳиби медали тиллои мусобиқа гардид.
Ҳамзамон аз ҷониби ҳайати доварони мусобиқа Сомон Турсунзода барои нишон додани маҳорати баланди техникӣ миёни иштирокчиён варзишгари беҳтарин дониста шуда, бо диплом қадрдонӣ гардид.
Паҳлавони навраси тоҷик Холмаҳмад Пиров низ дар мусобиқаи мазкур дар вазни то 50кг тавонист бар ҳарифонаш аз давлатҳои Қазоқистон, Узбекистон ва Қирғизистон ғолиб омада, сазовори медали тилло гардад.
Дар мусобиқа ба ифтихори ин наврасони тоҷик Парчами давлатии Тоҷикистон боло бардошта шуда, Суруди миллӣ садо дод.
АКС аз АМИТ «Ховар»
Бахшида ба Рӯзи Президент дар деҳаи Андарбаки ноҳияи Ванҷ толори муосири варзишӣ ба истифода дода шуд
Дар Хуҷанд мусобиқаи кушоди вилоятӣ оид ба бокс оғоз гардид
ҶОМИ ОСИЁ-2026. Рақибони дастаи мунтахаби Тоҷикистон оид ба футзал муайян шуданд
ҶОМИ ҶАҲОН-2025. Имрӯз дастаи мунтахаби наврасони Тоҷикистон (U-17) бо дастаи Буркина-Фасо бозӣ мекунад
Ҳайати дастаи мунтахаби Тоҷикистон барои бозии интихобии Ҷоми Осиё-2027 ба муқобили дастаи Тимори Шарқӣ муайян гардид
Мусобиқаи байналмилалӣ оид ба шоҳмот барои дарёфти «Ҷоми Президенти Ҷумҳурии Тоҷикистон» оғоз гардид
Варзишгарони тоҷик дар 6-умин Бозиҳои ҳамбастагии исломӣ-2025 соҳиби шаш медал гардиданд
Пагоҳ дар Душанбе Мусобиқаи байналмилалӣ барои дарёфти «Ҷоми Президенти Ҷумҳурии Тоҷикистон» оид ба шоҳмот оғоз мегардад
Байни Тоҷикистон ва Арабистони Саудӣ дар соҳаи тарбияи ҷисмонӣ ва варзиш барномаи ҳамкорӣ ба имзо расид
Иштироки ҳайати Тоҷикистон дар маросими ифтитоҳӣ 6-умин Бозиҳои ҳамбастагии исломӣ
ҶОМИ ҶАҲОН-2025. Имрӯз дастаи наврасони Тоҷикистон (U-17) дар даври дуюм бо дастаи футболи ИМА бозӣ мекунад
Тоҷикистонро дар Бозиҳои ҳамбастагии исломӣ 65 варзишгар намояндагӣ мекунанд
