«ТОҶИКИСТОН-ВАТАНИ АЗИЗИ МАН». Даври ниҳоии озмуни ҷумҳуриявӣ нимаи моҳи октябр доир мешавад
ДУШАНБЕ, 30.08.2022 /АМИТ «Ховар»/. Аз 18 то 23 октябр даври ниҳоии Озмуни ҷумҳуриявии «Тоҷикистон-Ватани азизи ман» бо иштироки 316 нафар ғолибони даври дуюм аз тамоми гӯшаву канори мамлакат баргузор мегардад, иттилоъ дод ба АМИТ «Ховар сардори Раёсати санъати Вазорати фарҳанги Ҷумҳурии Тоҷикистон Мирзоолим Саидов.
Мавсуф зикр намуд, ки баъди баргузории даври ниҳоии озмун аз 24 то 27 октябр омодагиҳо барои баргузории барномаи калони фарҳангӣ ва маросими ҷоизасупорӣ сурат мегиранд. Маросими супоридани мукофоту ҷоизаҳо ба ғолибони даври ниҳоии озмун ва барномаи калони фарҳангӣ бо иштироки ғолибони даври ниҳоӣ 28 октябр дар Театри давлатии академии опера ва балети Тоҷикистон ба номи С.Айнӣ баргузор мешавад.
Бояд гуфт, ки Озмуни ҷумҳуриявии «Тоҷикистон-Ватани азизи ман» соли равон бахшида ба ҷашни 30-солагии Иҷлосияи XVI Шӯрои Олии Ҷумҳурии Тоҷикистон тибқи тартиби муқарраргардидаи Низомнома дар саросари мамлакат доир гардид.
Тавре дар маркази матбуоти Вазорати фарҳанги мамлакат иттилоъ доданд, даври дуюми озмун аз 25 июл оғоз гардида, то 18 август дар марказҳои ВМКБ, вилоятҳои Суғду Хатлон, шаҳри Душанбе ва ноҳияҳои тобеи ҷумҳурӣ (шаҳри Ҳисор, ноҳияи Рашт) бо доварии ҳайати ҳакамони ҷумҳуриявӣ бомуваффақият ҷамъбаст гардид.
Аз 1323 нафар довталаб, ки дар даври дуюм ширкат варзиданд, 316 нафар ба даври ҷумҳуриявӣ роҳхат гирифтанд. Аз ин теъдод 167 нафар сароянда, 131 нафар навозанда ва 18 нафар композитор (оҳангсоз) мебошанд.
Тибқи тақсимоти синнусолӣ, ки дар Низомнома муқаррар гардидааст, дар даври ниҳоӣ аз 12 то 17-сола 143 нафар ва аз 18 то 40-сола 173 нафар иштирок менамоянд.
Аз Вилояти Мухтори Кӯҳистони Бадахшон аз 168 довталаб 51 нафар, вилояти Хатлон- аз 497 довталаб 81 нафар, вилояти Суғд- аз 185 довталаб 57 нафар, шаҳри Душанбе- аз 228 довталаб 80 нафар ва аз ноҳияҳои тобеи ҷумҳурӣ аз 245 довталаб (минтақаи Рашт 21, водии Ҳисор 26 нафар) 47 нафар ба даври ҷумҳуриявӣ роҳ ёфтанд.
Ёдовар мешавем, ки Озмуни ҷумҳуриявии «Тоҷикистон-Ватани азизи ман» соли чорум аст, ки бо Амри Президенти Ҷумҳурии Тоҷикистон дар мамлакат баргузор карда мешавад.
АКС аз бойгонӣ
Дар Душанбе конференсияи байналмилалии «Густариши ҳамкории мамлакатҳои Осиёи Марказӣ дар бахши обу энергетика» идома меёбад
Дар Бохтар аввалин Фестивал-намоишгоҳи байналмилалии донишгоҳҳои давлатҳои хориҷӣ баргузор гардид
Дар мавзуи «Паёми Президенти Тоҷикистон ва масъалаҳои рушди фаъолияти китобдорӣ ва бойгонишиносӣ» ҳамоиш доир шуд
Дар Академияи миллии илмҳои Тоҷикистон бо ҳайати намояндагони Академияи илмҳои Чин вохӯрӣ доир шуд
Дар Тоҷикистон барномаи омӯзишии Мактаби театрии Александрин мегузарад
ТАРБИЯИ ВАТАНДӮСТИИ ШАҲРВАНДОН. Дар шаҳри Ҳисор озмунҳои «Тоҷикистони ман!» ва «Шоҳнома Ватан аст!» доир мегарданд
Байни Тоҷикистон ва Италия Барномаи ҳамкории фарҳангӣ, илмӣ ва технологӣ барои солҳои 2024-2027 ба имзо расид
Дар Душанбе оид ба рушди ҳамкории мамлакатҳои Осиёи Марказӣ дар бахши обу энергетика конференсияи байналмилалӣ доир мегардад
САДРИДДИН АЙНӢ-БУНЁДГУЗОРИ АДАБИЁТИ НАВИНИ ТОҶИК. Дар Академияи миллии илмҳои Тоҷикистон конференсияи илмӣ-адабӣ гузаронида шуд
ИЛМ АЗ ДИДГОҲИ ОЛИМОНИ ҶАВОН. Дар ин мавзуъ конференсияи илмӣ-амалӣ баргузор гардид
«ДУРАХШИ АХТАРОН: ҶОМӢ ВА НАВОӢ». Протокол оид ба таҳияи филми ҳунарии муштараки Тоҷикистону Узбекистон ба тасвиб расид
Рӯзҳои синамои Узбекистон дар Тоҷикистон бо намоиши филми ҳунарии «Зинда бод, ҳамсар!» ҷамъбаст гардид
