БИСЁРИҲО МЕХОҲАНД ТАБИБ ШАВАНД. Донишҷӯён дар Тоҷикистон кадом донишгоҳҳо ва ихтисосҳоро интихоб кардаанд?
ДУШАНБЕ, 01.09.2022 /АМИТ «Ховар»/. «Табибӣ яке аз бонуфузтарин ва афзалтарин касб дар Тоҷикистон аст. Ин кори бисёр пуршараф ва масъулиятнок аст, зеро саломатӣ ва баъзан ҳаёти одамон низ аз он вобастагӣ дорад»,-иброз намуданд имрӯз Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар ҷараёни Дарси сулҳ дар Донишгоҳи давлатии тиббии Тоҷикистон ба номи Абуалӣ ибни Сино дар Душанбе.
Маълумоте, ки ба хабарнигори АМИТ «Ховар» дар Маркази миллии тестии назди Президенти Тоҷикистон дастрас гардид, суханони Сарвари давлатро тасдиқ менамоянд: бисёриҳо мехоҳанд табиб шаванд ва мардумро табобат кунанд.
Ҳамин тавр, имсол ба донишгоҳҳои ҷумҳурӣ 43 998 довталаб, 15740 нафар дар заминаи синфҳои 11 ва 7745 ҳазор нафар бо маълумоти умумии асосӣ (дар заминаи синфи 9) ба мактабҳои олӣ дохил шуданд.
Сараввал барои иштирок дар санҷиши тестӣ дар заминаи синфи 11 82 718 нафар, яъне довталабони дорои маълумоти умумӣ ва довталабони дорои маълумоти ибтидоии касбӣ ва миёнаи касбӣ ҳуҷҷат супориданд.
Миёни довталабони дорои таҳсили умумии асосӣ дар заминаи синфи 9 зиёда аз 13 000 нафар буданд.
Тибқи иттилои Маркази миллии тестӣ, донишҷӯёни тоҷик, мутаассифона, ба ихтисосҳои кластери якум ва дуюм (табиӣ-техникӣ, иқтисод ва ҷуғрофия) камтар ва ба кластери панҷум (тибб, биология ва варзиш) бештар таваҷҷуҳ кардаанд.
Маъруфтарин самтҳои касбии ҷавонони тоҷик «Эпидемиология», «Андозбандӣ», «Ташхиси судӣ» буданд. Озмун аз рӯи ин ихтисосҳо барои як ҷой мутаносибан бештар аз 364 нафар, 388 нафар, зиёда аз 364 нафарро фаро мегирад.
Дар баробари ин аз ҷиҳати шумораи довталабон касбҳои соҳаи тиб- «Кори тиббӣ» —бо зиёда аз 16 ҳазор нафар, «Педиатрия» — бо беш аз 12 ҳазор нафар довталабон пешсафанд.
Ҳамчунин миёни интихоби шакли таҳсил дар асоси пулакӣ интихоби довталабон бештар ба шакли рӯзонаи таҳсил дар риштаи «Кори тиббӣ» рост меояд, ки 8252 довталабро ташкил медиҳад.
Қобили зикр аст, ки бар асоси аризаҳои пешниҳоднамудаи довталабон барои интихоби ихтисосҳо сокинони Тоҷикистон бештар ба Донишгоҳи давлатии тиббии Тоҷикистон ба номи Абӯалӣ ибни Сино ва Донишгоҳи миллии Тоҷикистон дохил мешаванд.
АКС: Хадамоти матбуоти Президенти ҶТ/ АМИТ «Ховар»
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
