Дар Муъминобод иншооти гуногунсоҳа бунёд мешаванд
МУЪМИНОБОД, 09.09.2022. /АМИТ «Ховар»/. Ба истиқболи ҷашни 35-солагии Истиқлолияти давлатӣ ва иҷрои дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба корҳои ободонию созандагӣ дар ҷамоатҳои деҳоти ноҳияи Муъминобод аз 200 банди нақшаи чорабиниҳо беш аз 20% корҳо амалӣ гардидаанд. Имрӯзҳо дар Ҷамоати деҳоти Деҳибаланди ноҳия корҳои ободонию созандагӣ бо вусъати тоза ҷараён мегиранд.
Котиби Ҷамоати деҳоти Деҳибаланд Фаррух Наимов ба мухбири минтақавии АМИТ «Ховар» Сулаймон ХОЛЗОДА иттилоъ дод, ки «солҳои охир дар деҳоти Деҳибаланди ноҳияи Муъминобод қомат афрохтани иншооти гуногунсоҳа, таъмиру навсозии роҳҳои дорои аҳамияти маҳаллӣ, чароғоннамоӣ ва анҷоми дигар тадбирҳои ободонӣ ба он мусоидат намуд, ки симои деҳоти мазкур боз ҳам ободу зебо гардид. Дар идомаи чунин тадбирҳои ободонӣ ҷиҳати беҳтар кардани вазъи инфрасохтори деҳот ва ҳалли мушкилоти сокинон бо саҳми соҳибкорони маҳаллӣ иншооти хизматрасонии маишӣ низ ба истифода дода мешаванд».
Саҳми соҳибкорону шахсони ватандӯст дар бунёду навсозӣ ва сохтмони иншооти зарурӣ дар деҳаи Саримайдони деҳоти мазкур калон аст. Анҷом додани корҳои назаррас аз ҳисоби маблағҳои худӣ барои рушди минбаъдаи диёр арзишманд буда, бо бунёд ва истифодаи иншооти ҳаётан муҳим сатҳи некуаҳволии мардум беҳтар мегардад.
Сокини саховатманди деҳаи Саримайдон Назрӣ Давлатёров, ки дар бунёдкориҳо саҳми назаррас дорад, аз ҳисоби пасандози оилавӣ пули бар асари офати табиӣ зарардидаи деҳаро, ки ба ҳаракати воситаҳои нақлиёт ва рафту омади сокинон монеа эҷод менамуд, аз нав обод намуд.
Масъулини мақомоти иҷроияи ҳокимияти давлатӣ саҳми чунин шахсони ватандӯстро дар ободӣ, созандагию бунёдкорӣ ба истиқболи ҷашни 35-солагии Истиқлолияти давлатӣ муфид арзёбӣ намуда, таъкид доштанд, ки ҳар яки мо бояд дар ободонӣ ва ҳалли мушкилоти сокинон ҳисса гузорем.
Сокинони деҳоти Деҳибаланд ҷонибдории хешро нисбат ба сиёсати пешгирифтаи Ҳукумати Ҷумҳурии Тоҷикистон баён дошта, бо азми қавӣ иброз доштанд, ки ҷашни бошукӯҳи Ватан- 35-солагии Истиқлолияти давлатии Ҷумҳурии Тоҷикистонро бо дастовардҳои назаррас истиқбол мегиранд.
АКС: АМИТ «Ховар»
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
Пешвои миллат Эмомалӣ Раҳмон дар шаҳри Истаравшан бинои маҷмааи миллии соҳибкории «Роҳи Абрешим»-ро мавриди истифода қарор доданд
Сарвари давлат Эмомалӣ Раҳмон дар ноҳияи Шаҳристон дар Иди картошка иштирок намуданд
Сарвари давлат Эмомалӣ Раҳмон дар ноҳияи Шаҳристон барои бунёди 2 корхона санги асос гузоштанд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон муассисаи таълимии хусусии литсейи «Идрок»-ро ифтитоҳ намуданд
Пешвои миллат Эмомалӣ Раҳмон ба таври фосилавӣ дар ноҳияҳои Шаҳристон ва Айнӣ 9 иншоотро мавриди истифода қарор доданд
