ФУТБОЛ. «Истаравшан» ва «Истиқлол» дар даври 15-уми Чемпионати Тоҷикистон миёни дастаҳои Лигаи олӣ ғолиб омаданд
ДУШАНБЕ, 12.08.2022 /АМИТ «Ховар»/. 10-11 сентябр бозиҳои даври 15-уми Чемпионати Тоҷикистон оид ба футбол миёни дастаҳои Лигаи олӣ дар варзишгоҳҳои мамлакат хеле ҷолиб баргузор шуданд. Дар ин бора ба шореҳи варзиши АМИТ «Ховар» дар Федератсияи футболи Тоҷикистон хабар доданд.
Дар ду бозӣ дастаҳои мизбон ва дар як бозӣ дастаи меҳмон ғалаба карда, ду бозии дигар мусовӣ анҷом ёфт. Дастаи футболи КМВА-и шаҳри Душанбе дар бозии хонагӣ бар дастаи «Хуҷанд»-и шаҳри Хуҷанд бо ҳисоби 1:0 пирӯз шуд. Голи ягонаро Асадбек Ҷурабекзода ба нишон расонид.
Дастаи «Регар-ТадАЗ»-и шаҳри Турсунзода дар сафар аз дастаи футболи «Истаравшан»-и шаҳри Истравшан бо ҳисоби 1:2 шикаст хӯрд. Ҳар се голро истаравшаниҳо заданд. Ҷаъфар Исмоилов дар дақиқаи 13 ҳисобро кушод. Ҳусейн Нурматов як гол ба дарвозаи дастааш, як голи дигар ба дарвозаи ҳариф зад.
Дар бозии дигар дастаи футболи «Истиқлол»-и шаҳри Душанбе ба дарвозаи дастаи «Эсхата»-и шаҳри Хуҷанд ду голи беҷавоб зад. Манучеҳр Ҷалилов дар дақиқаи 68 аз пеналтӣ ҳисобро кушод, голи дуюмро Шервонӣ Мабатшоев дар охирин дақиқаҳои дидор (90+6) ба нишон расонид. Ду бозии дигар миёни дастаҳои футболи «Равшан»-и шаҳри Кӯлоб бо «Равшан»-и ноҳияи Зафаробод (2:2) ва «Хатлон»-и шаҳри Бохтар бо «Файзканд»-и ноҳияи Восеъ (0:0) мусовӣ анҷом ёфт.
Хотиррасон мешавем, ки бозиҳои даври навбатӣ 30 сентябр, 1-2 октябр ба нақша гирифта шудаанд. Дар даври 16-ум 30 сентябр дастаҳои футболи «Эсхата»-и шаҳри Хуҷанд бо «Хатлон»-и шаҳри Бохтар, 1 октябр «Хуҷанд»-и шаҳри Хуҷанд бо «Файзканд»-и ноҳияи Восеъ, «Равшан»-и шаҳри Кӯлоб бо «Регар-ТадАЗ»-и шаҳри Турсунзода, 2 октябр «Истаравшан»-и шаҳри Истравшан бо «Истиқлол»-и шаҳри Душанбе ва КМВА-и шаҳри Душанбе бо «Равшан»-и ноҳияи Зафаробод вомехӯранд.
Қабл аз ин бозиҳо 17-18 сентябр бозиҳои даври нимфинали Ҷоми Тоҷикистон-2022 доир мешавад.
Натиҷаи дастаҳо дар ҷадвали Чемпионати Тоҷикистон оид ба футбол миёни дастаҳои Лигаи олӣ
| Б | Ғ | М | Б | Т-Т | Х | ||
| 1 | «Истиқлол» (Душанбе) | 13 | 9 | 3 | 1 | 30-7 | 30 |
| 2 | «Равшан» (Кӯлоб) | 15 | 6 | 6 | 3 | 17-14 | 24 |
| 3 | «Хатлон» (Бохтар) | 14 | 6 | 5 | 3 | 13-7 | 23 |
| 4 | «Хуҷанд» (Хуҷанд) | 14 | 6 | 4 | 4 | 15-9 | 22 |
| 5 | «Файзканд» (Восеъ) | 14 | 6 | 4 | 4 | 16-19 | 22 |
| 6 | КМВА (Душанбе) | 14 | 6 | 2 | 6 | 17-20 | 20 |
| 7 | «Истаравшан» (Истаравшан) | 15 | 5 | 3 | 7 | 20-16 | 18 |
| 8 | «Эсхата» (Хуҷанд) | 14 | 4 | 2 | 8 | 17-26 | 14 |
| 9 | «Равшан» (Зафарабад) | 15 | 2 | 6 | 7 | 15-32 | 12 |
| 10 | «Регар-ТадАЗ» (Турсунзода) | 14 | 3 | 1 | 10 | 11-21 | 10 |
Рӯйхати беҳтарин нишонзанҳо: Шервонӣ Мабатшоев «Истиқлол»)- 10 гол, Дилшод Бозоров («Эсхата») – 9 гол, Манучеҳр Ҷалилов, ( «Истиқлол»)-8 гол, Абдухалил Боронов («Равшан» Кӯлоб) – 6 гол, Фатҳулло Фатҳуллоев («Регар-ТадАЗ»), Санҷар Рисқибоев («Эсхата»), Шарафҷон Солеҳов аз дастаи КМВА-и шаҳри Душанбе, Отабек Зокиров бо ҳамроҳи Мбеке Сиябатчу Деудони («Истаравшан») – 5- голӣ ба нишон расониданд.
АКС: Федератсияи футболи Тоҷикистон
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
