Гардиши савдои хориҷӣ миёни Тоҷикистон ва Русия 42 фоиз афзоиш ёфтааст
ДУШАНБЕ, 12.09.2022 /АМИТ «Ховар»/. Дар 7 моҳи соли равон гардиши савдои хориҷӣ миёни Ҷумҳурии Тоҷикистон ва Федератсияи Русия 908,3 млн доллари ИМА-ро ташкил намуд, ки ин нишондиҳанда нисбат ба ҳамин давраи соли 2021 268 млн доллар ё 42 фоиз афзоиш ёфтааст. Ин нукта зимни вохӯрии ҳайати расмии Ҷумҳурии Тоҷикистон бо Раиси Ҳукумати Федератсияи Русия-Вазири саноат ва тиҷорат Денис Мантуров зикр карда шуд.
Тавре ба АМИТ «Ховар» дар Вазорати рушди иқтисод ва савдои кишвар хабар доданд, 8-12 сентябр ҳайати расмии Ҷумҳурии Тоҷикистон иборат аз Вазири рушди иқтисод ва савдо Завқӣ Завқизода, Вазири саноат ва технологияҳои нав Шералӣ Кабир, Раиси Кумитаи давлатии сармоягузорӣ ва идораи амволи давлатӣ Саъдӣ Қодирзода, Раиси Палатаи савдо ва саноат Ҷамшед Ҷумахонзода ва роҳбарияти ҶСК «ТАЛКО» ҷиҳати иҷрои супориши сарварони ҳарду кишвар вобаста ба густариши ҳамкории тиҷоратию иқтисодӣ, омодагӣ ба ҷаласаи Комиссияи навбатии Тоҷикистон ва Русия оид ба ҳамкории тиҷоратию иқтисодӣ ва пайгирии ҷараёни иҷрои протоколи ҷаласаи қаблии Комиссия ба шаҳри Москваи Федератсияи Русия сафари расмӣ анҷом дод.
Дар доираи ин сафар бо мақсади тавсеаи ҳамкории дуҷониба дар соҳаҳои тиҷорат, саноат ва сармоягузорӣ бо муовини Раиси Ҳукумати Федератсияи Русия-Вазири саноат ва тиҷорат Денис Мантуров мулоқот баргузор гардид.
Зимни вохӯрӣ аз ҳамкории стратегии дуҷониба изҳори қаноатмандӣ гардида, зикр карда шуд, ки Федератсияи Русия дар гардиши савдои умумии Ҷумҳурии Тоҷикистон тӯли чанд соли охир дар ҷои аввал меистад.
Соли 2021 нишондиҳандаи гардиши савдои дуҷониба ба 1,4 млрд доллар баробар шуда, нисбат ба соли 2020 380 млн доллар ё ин ки 40 фоиз афзоиш ёфт.
Зимни мулоқот аз муовини Раиси Ҳукумати Федератсияи Русия — Вазири саноат ва тиҷорат хоҳиш карда шуд, ки ба таъсиси корхонаҳои муштараки саноатӣ дар Ҷумҳурии Тоҷикистон ва иштироки роҳбарони аввали корхонаҳои саноатию сармоягузорони Федератсияи Русия дар Форуми сармоягузории Тоҷикистон ва Русия, ки баргузории он 14–15 сентябри соли 2022 дар шаҳри Душанбе ба нақша гирифта шудааст, мусоидат намояд.
АКС: Вазорати рушди иқтисод ва савдои ҶТ
Дар Душанбе вохӯрии минтақавии ниҳодҳои пешбарандаи содироти мамлакатҳои Осиёи Марказӣ баргузор шуд
Ҳайати Тоҷикистон бо раиси Бонки миллии Швейтсария роҳҳои тақвияти ҳамкориро баррасӣ намуд
Ҳайати Тоҷикистон дар мулоқот бо намояндагони Хазинаи Байналмилалии Асъор масъалаҳои марбут ба низоми бонкиро баррасӣ намуд
Саҳми Бонки ҷаҳонӣ дар татбиқи ислоҳоти сохтории иқтисодиёти Тоҷикистон назаррас арзёбӣ гардид
Намоишгоҳи молу маҳсулоти корхонаҳои саноатии Узбекистон дар маркази ЭКСПО-и шаҳри Душанбе то 21 апрел идома меёбад
Дар қаламрави Тоҷикистону Узбекистон қариб 400 корхонаи муштарак фаъолият менамояд
Дар вилояти Хатлон татбиқи 368 лоиҳа ба маблағи 8,5 миллиард сомонӣ пешбинӣ шудааст
Вазири кишоварзии Узбекистон дар шаҳри Ҳисор бо фаъолияти корхонаи «Агротехсервис» шинос гардид
«Гардиши мол байни ду давлат дар ояндаи наздик ба 1 миллиард доллари амрикоӣ расонида мешавад», — бардошт аз Форуми соҳибкорию сармоягузории Тоҷикистон ва Узбекистон
Ҳайати Тоҷикистон бо роҳбарияти IFC роҳҳои тавсеаи ҳамкориро баррасӣ намуд
Дар Душанбе ҷаласаи Кумитаи муштараки роҳбарикунанда оид ба муаррифии ҳисоботи СММ баргузор шуд
Татбиқи лоиҳаҳои муштарак байни Тоҷикистон ва Узбекистон баррасӣ шуд
