ҶОМИ ОСИЁ ОИД БА ФУТЗАЛ. Имрӯз дастаҳои мунтахаби Тоҷикистон ва Узбекистон бозӣ мекунанд

ДУШАНБЕ, 29.09.2022. /АМИТ «Ховар»/. Имрӯз, соати 16:00 бо вақти Душанбе бозии даври дуюми Ҷоми Осиё-2022  миёни  дастаҳои мунтахаби футзали Тоҷикистон ва Узбекистон баргузор мегардад, хабар медиҳад шореҳи варзиши АМИТ «Ховар»  бо истинод ба Федератсияи футболи Тоҷикистон.

Аз ин  пештар  футзалбозони бомаҳорати  тоҷик   27 сентябр дар даври аввали бозиҳои гурӯҳи «В» бар дастаи мунтахаби Баҳрайн бо ҳисоби 4:3 пирӯз шуданд. Голҳои Умед Кузиев, Бахтиёр Солиев, Файзалӣ Сардоров ва Идрис Ёров ба дастаи мо се имтиёз оварданд.

Дар вохӯрии дигари гурӯҳи «В» дастаи мунтахаби Узбекистон бар  дастаи мунтахаби Туркманистон бо ҳисоби 8:0 зафар ёфт.

                                                                                                                                    Акс: ФФТ