Сироҷиддин Муҳриддин бо Раиси иҷлоси 77-уми Маҷмаи Умумии СММ Чаба Корошӣ мулоқот кард
ДУШАНБЕ, 20.09.2022 /НИАТ «Ховар»/. Имрӯз, 20 сентябр дар ҳошияи «Ҳафтаи сатҳи баланд»-и иҷлоси 77-уми Маҷмаи Умумии Созмони Милали Муттаҳид дар шаҳри Ню-Йорк вохӯрии Вазири корҳои хориҷии Ҷумҳурии Тоҷикистон Сироҷиддин Муҳриддин бо Раиси иҷлоси 77-уми Маҷмаи Умумии СММ Чаба Корошӣ доир гардид. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Зимни вохӯрӣ ҷонибҳо атрофи масъалаҳои умдаи ҷаҳони муосир, иқдомҳои муштарак, инчунин татбиқи муассири Рӯзномаи 2030 ва Ҳадафҳои Устувори он мубодилаи афкор намуданд.
Ҳамчунин масъалаҳои марбут ба ислоҳоти СММ, тағйирёбии иқлим, обу энергетика ва амният дар минтақа, ба вежа вазъи Афғонистон дар меҳвари суҳбат қарор гирифтанд.
Изҳори умедворӣ карда шуд, ки Дафтари Раиси Маҷмаи Умумии СММ дар иҷрои уҳдадориҳои Тоҷикистон дар самти бомуваффақият баргузор намудани Конфронси оби СММ-2023 бо мақсади татбиқи саривақтии Ҳадафҳои рушди устувор, аз ҷумла ҳадафи 6-уми он, ҳамдастӣ хоҳад кард.
Ёдовар мешавем, ки Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028 таҳти унвони «Такон бахшидан ба амалҳо ва шарикӣ дар соҳаи об дар сатҳҳои маҳаллӣ, миллӣ, минтақавӣ ва ҷаҳонӣ” 6-9 июни соли 2022 дар Душанбе баргузор гардид.
Конфронси оби СММ 22-24 марти соли 2023 дар шаҳри Ню-Йорк таҳти раисии Ҷумҳурии Тоҷикистон ва Подшоҳии Нидерланд баргузор хоҳад шуд. Нишасти мазкур баъд аз Конфронси оби сатҳи баланди соли 1977 дар Мар-дел-Плата нахустин Конфронси оби СММ дар чунин сатҳ ба ҳисоб меравад.
Акс: ВКХ ҶТ
РАВАНДИ ОБИ ДУШАНБЕ. Дар Конфронси чоруми Душанбе се санади муҳими ҷамъбастӣ қабул карда мешаванд
Аҳднома оид ба ҳамҷавории неку абадӣ, дӯстӣ ва ҳамкорӣ байни Ҷумҳурии Тоҷикистон ва Ҷумҳурии Мардумии Чин ба имзо расид
РАВАНДИ ОБИ ДУШАНБЕ. Зиёда аз 110 ҳайати расмии давлатҳои аъзои СММ иштироки худро дар конфронс тасдиқ намуданд
Дастовардҳо ва иқтидори Тоҷикистон дар соҳаи зеҳни сунъӣ дар Амрико муаррифӣ гардид
Ҳамкории иқтисодию тиҷоратии Тоҷикистон ва Лаҳистон баррасӣ гардид
Сафири Тоҷикистон ба намояндагони расонаҳои Покистон оид ба ташаббусҳои байналмилалии мамлакат маълумот дод
Раиси Ҷумҳурии Мардумии Чин Си Ҷинпин: «Таҳти роҳбарии Эмомалӣ Раҳмон Тоҷикистон дар бунёди давлатдорӣ ба дастовардҳои назаррас ноил гардид»
Сафири Тоҷикистон бо вазири Девони амирии Давлати Кувайт шайх Ҳамад Ҷобир Ал-Алӣ Ас-Сабоҳ мулоқот намуд
Масоили муҳими ҳамкории дуҷонибаи Тоҷикистон ва Қатар дар соҳаҳои ҳифзи муҳити зист баррасӣ гардид
Дар Риёз масоили ҳамкории байнипарлумонии Тоҷикистону Арабистони Саудӣ баррасӣ гардид
Сироҷиддин Муҳриддин ва Лю Бин маҷмуи васеи масоили равобити дуҷонибаи Тоҷикистон ва Чинро баррасӣ карданд
Сафири Тоҷикистон бо сармуҳаррири рӯзномаи «Ар-Раъй»-и Давлати Кувайт вохӯрӣ намуд
