«СУХАНРОНИИ ЖАПАРОВ МЕТАВОНАД САБАБИ БАДТАР ШУДАНИ ВАЗЪИ АМНИЯТ ДАР ОСИЁИ МАРКАЗӢ ГАРДАД». Чунин мешуморад сиёсатшиноси мустақил, номзади илмҳои сиёсӣ Шералӣ Ризоён
ДУШАНБЕ, 21.09.2022 /АМИТ «Ховар»/. Суханронии Садир Жапаров аз минбари Маҷмаи Умумии Созмони Милали Муттаҳид ба рӯҳияи неки ҳамсоягӣ ва бандҳои протоколи дирӯза, ки аз ҷониби роҳбарони комиссияи байниҳукуматии Тоҷикистон ва Қирғизистон оид ба демаркатсия ва делимитатсияи сарҳадҳои давлатӣ ба имзо расид, мухолиф аст. Дар ин бора ба АМИТ «Ховар» сиёсатшиноси мустақил, номзади илмҳои сиёсӣ Шералӣ Ризоён изҳор дошт.
Ӯ дар идома чунин гуфт:
— Ҳанӯз дирӯз ҷонибҳо масоили таъмини субот дар минтақаи марзии ду кишвар ва риояи ҳатмии низоми оташбасро баррасӣ намуданд. Дар натиҷаи музокирот ҷонибҳо протоколи иборат аз се бандро ба имзо расониданд: 1) аз хати сарҳадӣ ба макони доимии будубош бурдани низомиён; 2) дар сарҳади ду кишвар боқӣ мондани танҳо сарҳадбонон; 3) идома ёфтани раванди ҳалли масъалаҳои марзӣ ва муътадил гардондани вазъият дар ин ҳудудҳо.
Ривоятҳое, ки Садир Жапаров таҳия кардааст, ба моделсозии даргириҳои калонмиқёси мусаллаҳона бо ҳамсоя равона гардидаанд. Акнун, умедворам, маълум мешавад, ки дар ниҳояти кор ташаббускори тамоми моҷароҳои наздисарҳадӣ кист ва фаҳмидани он чиз махсусан муҳим аст, ки чаро ин корҳо карда мешаванд?
Дурӯғҳои бешармонае, ки аз тарафи президенти Қирғизистон садо доданд, ҷониби Тоҷикистонро ба нашри ҳамаи мавод дар бораи муноқишаҳои марзӣ, нишон додани шоҳидони воқеӣ дар марз ва бахусус онҳое, ки аз худсарии низомиёни қирғиз дар Ворух, Хоҷаи Аъло, Чоркӯҳ, Овчиқалъача зарар дидаанд, водор мекунад.
Дар Тоҷикистон хеле умедвор буданд, ки созишҳои ҳосилшуда дар мавриди ба эътидол овардани вазъ дар марз амалӣ мешаванд ва мо бори дигар шоҳиди иғвои Қирғизистон нахоҳем шуд.
Суханронии Садир Жапаров дар Маҷмаи Умумии Созмони Милали Муттаҳид метавонад сабаби ташаннуҷи вазъ на танҳо дар марз бо Тоҷикистон, балки ба таври ҷиддӣ бадтар шудани амният дар саросари Осиёи Марказӣ гардад.
АКС: АМИТ «Ховар»
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
