ДАЪВАТИ ТИРАМОҲӢ.Ҷамоатҳои деҳоти Ворух ва Чоркӯҳи шаҳри Исфара нахустин шуда, даъвати ҳарбиро иҷро намуданд
ДУШАНБЕ, 01.10.2022 /АМИТ «Ховар»/. Дар рӯзи нахустини даъвати тирамоҳии ҷавонон ба сафи Қувваҳои мусаллаҳи Ҷумҳурии Тоҷикистон ҷамоатҳои деҳоти Ворух ва Чоркӯҳи шаҳри Исфара аз аввалинҳо шуда, даъвати ҳарбиро иҷро намуданд. Дар ин бора ба АМИТ «Ховар» дар Хадамоти матбуоти Раиси вилояти Суғд хабар доданд.
Бо оғоз гардидани маъракаи даъвати ҷавонон ба сафи Қувваҳои мусаллаҳи мамлакат ҷавонони далеру шуҷоъ ва ватандӯсти деҳоти Ворух ва Чоркӯҳи шаҳри Исфара барои иҷрои қарзи шаҳрвандӣ омодагии худро изҳор дошта, собитқадамона барои хидмати ҳарбӣ қадам гузоштанд.
Ба муносибати гусели даъватшавандагон дар Ворух ва Чоркӯҳ, инчунин маркази шаҳри Исфара ҷамъомади тантанавӣ доир гардид.
Масъулин ва собиқадорону волидони даъватшавандагон хизмат дар сафи Артиши миллиро гузаштан аз мактаби мардонагӣ унвон намуда, бо ифтихори зиёд изҳор доштанд, ки ҷавонони Воруху Чоркӯҳ дар ҳимояи марзу буми меҳани хеш ҳамеша бояд дар сафи пеш бошанд. Зеро ин минтақаҳои марзии кишвар буда, аз ҳомиёни Ватан дар ҳама давру замон матонат, далерию шуҷоатро тақозо мекунанд.
Чорабинии гусели наваскарон дар шаҳри Исфара бо риояи тамоми анъанаҳо баргузор гардид. Дар ҳузури иштирокдорон пешсафон, волидони сарбозон ва наваскарон бо туҳфаҳо қадрдонӣ карда шуданд.
Барномаи рангини фарҳангӣ ба ҷамъомад шукӯҳу шаҳомати хосса бахшид. Диловарони ватан ҳамроҳи азизони худ то дер гоҳ хурсандӣ намуда, бо рӯҳияи баланд ба хизмати ҳарбӣ гусел карда шуданд.
АКС: Хадамоти матбуоти Раиси вилояти Суғд
«Нозирони навраси ҳаракат»-и Тоҷикистон дар озмуни байналмилалӣ соҳиби ҷойи якум гардиданд
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
