«ҲАФТАИ БАЙНАЛМИЛАЛИИ САБЗ-2023». Вазорати кишоварзии Тоҷикистон дар намоишгоҳи Олмон иштирок мекунад
ДУШАНБЕ, 26.10.2022 /АМИТ «Ховар»/. Вазорати кишоварзии Тоҷикистон барои иштирок дар намоишгоҳи «Ҳафтаи байналмилалии сабз-2023», ки моҳи январ дар Олмон доир мешавад, даъват гардид. Дар ҳошияи намоишгоҳ инчунин Форуми ҷаҳонии кишоварзӣ ва амнияти озуқаворӣ баргузор мегардад. Дар ин бора ба АМИТ «Ховар» дар маркази матбуоти Вазорати кишоварзии мамлакат иттилоъ доданд.
Тибқи иттилои манбаъ, имрӯз мулоқоти Вазири кишоварзии Ҷумҳурии Тоҷикистон Саъдӣ Каримзода бо Сафири Ҷумҳурии Федеративии Олмон дар Тоҷикистон Андреас Протманн баргузор гардид.
Зимни мулоқот Андреас Протманн даъватномаи Вазири кишоварзии Федеролии Олмонро ҷиҳати иштирок дар намоишгоҳи мазкур ба Вазири кишоварзии Ҷумҳурии Тоҷикистон супорид.
Дар ҷараёни мулоқот Вазири кишоварзии Ҷумҳурии Тоҷикистон оид ба ҳамкории муштарак бо Олмон дар доираи лоиҳаҳо, ҳамзамон иқтидору имконияти истеҳсолию содиротии Тоҷикистон ибрози андеша намуд.
Сафири Ҷумҳурии Федеративии Олмон дар Тоҷикистон аз сатҳу сифати ҳамкории мавҷуда изҳори қаноатмандӣ кард.
Дар мулоқот ҷонибҳо изҳори ҳавасмандии худро барои тақвияти ҳамкории муштарак дар соҳаи кишоварзӣ баён намуданд.
АКС: Вазорати кишоварзии ҶТ
Имсол дар хоҷагиҳои кишоварзии шаҳри Панҷакент дар 2,5 ҳазор гектар картошка кишт карда мешавад
ПАЙВАНДИ НИҲОЛ. Он ба афзоиш ёфтани ҳосили дарахтон мусоидат мекунад
ИСТИФОДАИ САМАРАНОКИ ЗАМИН. Дар ноҳияи Кӯшониён бештар зироати барвақтӣ кишт гардидааст
Дар водиҳои Тоҷикистон кишти баҳории картошка аз нимаи дуюми моҳи феврал оғоз мегардад
Дар Тоҷикистон беш аз 29 ҳазор тонна равғани растанӣ истеҳсол шудааст
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
