БА ИСТИҚБОЛИ 35-СОЛАГИИ ИСТИҚЛОЛИЯТИ ДАВЛАТӢ. Рушди иҷтимоию иқтисодии ноҳияи Данғара натиҷагирӣ гардид
ДУШАНБЕ, 11.10.2022 /АМИТ «Ховар»/. Натиҷаҳои рушди иҷтимоию иқтисодии ноҳияи Данғара дар нуҳ моҳи соли равон дар ҷаласаи ҷамъбастӣ, ки таҳти раёсати Раиси ноҳияи Данғара Раҳмон Исломиддин доир гардид, баррасӣ шуданд. Дар ин бора АМИТ «Ховар» бо истинод ба Мақомоти иҷроияи ҳокимияти давлатии ноҳияи Данғар иттилоъ медиҳад.
Дар ҷаласаи ҷамъбастӣ роҳбари гурӯҳи кории ҷумҳуриявӣ оид ба истиқболи ҷашни 35-солагии Истиқлолияти давлатии Ҷумҳурии Тоҷикистон дар ноҳияи Данғара, Ёрдамчии Президенти Ҷумҳурии Тоҷикистон Асадулло Раҳмон, муовини якуми Раиси вилояти Хатлон Амонулло Салимзода, муовинони раиси ноҳия, мудирони шуъбаю бахшҳои дастгоҳи раиси ноҳия, роҳбарони мақомоти ҳифзи ҳуқуқ, раисони ҷамоатҳои шаҳраку деҳот, роҳбарони ташкилоту муассиса ва фаъолону аҳли ҷамоат иштирок намуданд.
Дар ҷаласа оид ба нишондиҳандаҳои рушди иҷтимоию иқтисодии ноҳия дар ин давра муовини Раиси ноҳия Даврон Бегмуродзода ҳисобот дод. Зикр шуд, ки мақомоти иҷроияи ҳокимияти давлатии ноҳияи Данғара дар нуҳ моҳи соли равон фаъолияти худро ҷиҳати таъмини иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон, қарорҳои Ҳукумати Ҷумҳурии Тоҷикистон ба роҳ монда, барои таъмини волоияти қонун, тақвият бахшидан ба тарбияи ҳуқуқии шаҳрвандон, рушди муттасили саноату сохтмон, беҳтар намудани донишомӯзию тарбия дар муассисаҳои таълимӣ ва сазовор пешвоз гирифтани 35-солагии Истиқлолияти давлатии Ҷумҳурии Тоҷикистон аз тамоми имконият истифода бурда истодааст.
Дар анҷоми ҷаласа роҳбари гурӯҳи кории ҷумҳуриявӣ оид ба истиқболи ҷашни 35-солагии Истиқлолияти давлатии Ҷумҳурии Тоҷикистон дар ноҳияи Данғара, Ёрдамчии Президенти Ҷумҳурии Тоҷикистон Асадулло Раҳмон оид ба дастовардҳои ҷомеаи меҳнатии ноҳия дар ин давра ибрози назар намуда, ба масъулин ҷиҳати суръат бахшидани корҳои ободонию созандагӣ, омодагӣ ба мавсими зимистони солҳои 2022-2023 ва бартараф намудани камбудиҳои ҷойдошта дастуру супоришҳои мушаххас дод.
АКС: Мақомоти иҷроияи ҳокимияти давлатии ноҳияи Данғара
Дар Коллеҷи омори шаҳри Ваҳдат ба муносибати 35-солагии Истиқлоли давлатӣ ҳамоиш баргузор гардид
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
ИСТИҚЛОЛИЯТ ВА РУШДИ СОҲИБКОРӢ. Палатаи савдо ва саноати вилояти Хатлон беш аз 100 созишнома ва Ёддошти тафоҳум оид ба ҳамкорӣ ба имзо расонидааст
Идомаи табрикоти роҳбарони кишварҳои хориҷӣ ба Президенти Ҷумҳурии Тоҷикистон ба муносибати ҷашни истиқлоли давлатии Ҷумҳурии Тоҷикистон
Бахшида ба 35-солагии Истиқлоли давлатии Тоҷикистон дар шаҳри Новосибирски Русия чорабинии тантанавӣ доир шуд
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Ҷашни 35-солагии Истиқлоли давлатиро дар шаҳру ноҳияҳои тобеи ҷумҳурӣ ба таври шукуҳманд таҷлил намуданд
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
АЗ ИСТИҚЛОЛ ТО РУШДИ УСТУВОР. Андешаҳо дар мавриди 35 соли пурифтихори Истиқлолияти давлатӣ
