Дар Боку масъалаи баргузории Конфронси оби СММ-2023 дар Ню-Йорк баррасӣ гардид
ДУШАНБЕ, 06.10.2022 /АМИТ «Ховар»/. Бо ташаббуси Сафорати Ҷумҳурии Тоҷикистон дар Ҷумҳурии Озарбойҷон мулоқоти муштараки сеҷонибаи Сафири Тоҷикистон Рустам Солӣ, сафири Шоҳигарии Нидерланд Паулин Айземан ва ҳамоҳангсози доимии СММ дар Ҷумҳурии Озарбойҷон Владанка Андреева бо вазири экология ва захираҳои табиии ин кишвар Мухтар Бабаев баргузор гардид. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Зимни мулоқот ҷонибҳо масъалаҳои татбиқи ташаббусҳои байналмилалии оби Тоҷикистон, натиҷаҳои Конфронси дуюми байналмилалии сатҳи баланд бахшида ба Даҳсолаи байналмилалии амал «Об барои рушди устувор, солҳои 2018-2028» (6-9 июни соли 2022, ш. Душанбе)-ро баррасӣ карданд.
Ҳамчунин дар вохӯрӣ масъалаҳои омодагӣ ба Конфронси дарпешистодаи Созмони Милали Муттаҳид оид ба об, ки 22-24 марти соли 2023 дар шаҳри Ню-Йорк таҳти раёсати Ҷумҳурии Тоҷикистон ва Шоҳигарии Нидерланд баргузор мегардад, мавриди баррасӣ қарор гирифтанд.
Вазири экология ва захираҳои табиии Ҷумҳурии Озарбойҷон омодагии худро барои ҳамкории фаъолона бо СММ ва кишварҳои ҳамраис ҷиҳати омодагӣ ба Конфронси дарпешистодаи об изҳор намуда, ҳамчунин пешниҳод намуд, ки бахшида ба Конфронси дарпешистодаи об дар Ню Йорк якчанд чорабиниҳои муштарак баргузор карда шаванд.
Акс: ВКХ ҶТ
Тоҷикистон ва Ҷумҳурии Корея ҳамкориро дар соҳаи геология ва захираҳои маъдан матраҳ намуданд
Сафири Тоҷикистон дар Швейтсария бо мушовири калони сиёсии ташкилоти «Global Cities HUB» мулоқот намуд
Дар Ню-Йорк нахустин вохӯрии Гурӯҳи дӯстони об дар соли 2025 баргузор гардид
Сафири Тоҷикистон бо директори генералии Агентии танзимкунандаи фаъолияти хайриявии Давлати Қатар мулоқот намуд
Дар Теҳрон иҷрои тавофуқоти дуҷониба байни Тоҷикистон ва Эрон баррасӣ гардид
Сафири Тоҷикистон бо Раиси Федератсияи палатаҳои тиҷоратии Арабистони Саудӣ мулоқот намуд
Президенти Ҷумҳурии Исломии Покистон бо Сафири Тоҷикистон мулоқот намуд
Давлатшоҳ Гулмаҳмадзода дар мулоқоти Вазири корҳои хориҷии Русия бо сафирони кишварҳои аъзои Иттиҳоди Давлатҳои Мустақил иштирок кард
Вазири корҳои хориҷии Тоҷикистон бо фиристодаи махсуси Иттиҳоди Аврупо оид ба Афғонистон мулоқот намуд
Дар Тошканд нишасти Шурои ҳамоҳангсозони миллӣ оид ба вохӯриҳои машваратии сарони давлатҳои Осиёи Марказӣ доир шуд
Сироҷиддин Муҳриддин бо мушовири махсуси Сарвазири Ҷопон мулоқот намуд
Вазири меҳнат, муҳоҷират ва шуғли аҳолии Тоҷикистон бо раис ва мудири иҷроияи Ширкати захираҳои инсонии «ARCO» мулоқот намуд
