Дар Душанбе оид ба беҳтар намудани шароити қутоспарварӣ машварати омӯзишӣ доир шуд
ДУШАНБЕ, 29.10.2022 /АМИТ «Ховар»/. Дар шаҳри Душанбе машварати омӯзишии «Беҳтар намудани шароити қутоспарварӣ дар Ҷумҳурии Тоҷикистон» баргузор гардид, ки дар кори он раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода, роҳбари намояндагии Барномаи Рушди СММ дар Тоҷикистон Монтиел Ленни, муовини Раиси Вилояти Мухтори Кӯҳистони Бадахшон Умед Носирзода ва Раиси Палатаи савдо ва саноати кишвар Ҷамшед Ҷумъахонзода иштирок намуданд.
Тавре ба АМИТ «Ховар» дар Кумитаи ҳифзи муҳити зист хабар доданд, ҳадафи асосии машварати омӯзишӣ- ин гирифтани маълумоти аниқу воқеӣ оид ба аҳамияту зарурати рушди самти қутоспарварӣ, дастгирии мардум дар минтақаҳои аз ҷиҳати ҷуғрофӣ дурдасти Тоҷикистон бо ҳамкории ниҳодҳои давлатӣ ва дигар созмону ташкилоти байналмилалӣ мебошад.
Дар машварат зикр гардид, ки қутоспарварӣ дар Ҷумҳурии Тоҷикистон барои зиёд намудани саршумори чорво ва баланд бардоштани сифатҳои генетикии маҳсулот дар баробари таъмини эҳтиёҷоти хоҷагиҳои деҳқонӣ, таъмини аҳолии Тоҷикистон бо маводи озуқаворӣ ва фароҳам овардани ҷойҳои нави корӣ барои сокинони ноҳияҳои кӯҳӣ муҳим арзёбӣ мегардад.
Тибқи маълумоти Агентии омори назди Президенти Ҷумҳурии Тоҷикистон, агар даҳсолаҳои пеш саршумори қутос дар ҷумҳурӣ 7 ҳазор сарро ташкил медод, имрӯз теъдоди он дар тамоми шаклҳои хоҷагидорӣ ба 28 ҳазору 362 сар расидааст.
Чунин машваратҳо метавонанд барои муайян намудани шарикони калидӣ ҷиҳати амалӣ намудани ҳадафҳои зикргардида ҳаматарафа кумак намоянд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Имсол ба Вилояти Мухтори Кӯҳистони Бадахшон беш аз 17 ҳазор сайёҳ ворид гардидааст
35-СОЛАГИИ ИСТИҚЛОЛИ ДАВЛАТӢ. Дар Истаравшан 100 корхонаи саноатӣ фаъолият менамояд
Фаъолияти марказҳои «Тоҷикстандарт» дар вилояти Суғд тақвият меёбад
«Centrum Air» парвозҳои мустақимро дар масири Тошканд-Душанбе-Тошканд оғоз намуд
Дар Душанбе бо ҳайати намояндагони Бонки Осиёии рушд масоили рушди инфрасохтори гумрукӣ баррасӣ шуд
Ҳаҷми истеҳсоли маҳсулоти кишоварзӣ дар Тоҷикистон беш аз 23 миллиард сомониро ташкил дод
Маконҳои таърихӣ, фарҳангӣ ва сайёҳии Тоҷикистонро беш аз 760 ҳазор сайёҳи хориҷӣ тамошо намуданд
Логистика ба бахши ҷудонопазир ва муҳаррики муҳими иқтисод табдил меёбад
Ҷаласаи Кумитаи тадорукот оид ба омодагӣ ва баргузории Форуми байналмилалии сармоягузории «Душанбе Инвест-2025» доир шуд
Дар Форуми иқтисодӣ, сармоягузорӣ ва сайёҳӣ зиёда аз 100 ширкати Тоҷикистон ва Амороти Муттаҳидаи Араб иштирок намуданд
Байни Ҳукумати Ҷумҳурии Тоҷикистон ва Ҳукумати Амороти Муттаҳидаи Араб Созишномаи ҳамкорӣ оид ба алоқаи ҳавоӣ ба имзо расид
Форуми иқтисодӣ, сармоягузорӣ ва сайёҳии Ҷумҳурии Тоҷикистон ва Амороти Муттаҳидаи Араб доир гардид
