Дар ноҳияи Тоҷикобод бар асари бориши зиёди борон сел омад

ДУШАНБЕ, 26.10.2022 /АМИТ «Ховар»/. 25 октябр дар километри 202-юми шоҳроҳи байналмилалии «Душанбе — Ваҳдат — Рашт — Лахш – Саритош», ки аз ҳудуди Ҷамоати деҳоти «Қалъаи Лаби об»-и ноҳияи Тоҷикобод мегузарад, бар асари боронгариҳо сел омад, ки дар натиҷа роҳ муваққатан баста шуд. Дар ин бора ба АМИТ «Ховар» дар Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар доданд.

Барои бартараф намудани оқибатҳои сел техникаи муҳандисии хадамоти роҳи ноҳия сафарбар карда шуд. Дар паҳлӯи ин роҳ барои таъмини ҳаракати мошинҳо роҳи садамавӣ кушода шуда, феълан ҳаракати ҳама намуди нақлиёт таъмин аст.

Дар робита ба ин, Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бо мақсади пешгирии садамаҳои нақлиётӣ дар роҳҳо, бахусус ҳангоми истифодаи роҳҳои кӯҳӣ ва ағбаҳо, аз ронандагоне, ки мошинҳояшон дорои тирезаҳои сиёҳанд, хоҳиш мекунад, ки ҳаракати худро дар вақти муайяншуда маҳдуд намоянд.

АКС аз манбаъҳои боз