ДАЪВАТИ ТИРАМОҲӢ. Аввалин гурӯҳи ҷавонони шаҳри Панҷакент ба хизмати Ватан раҳсипор шуданд
ДУШАНБЕ, 06.10.2022 /АМИТ «Ховар»/. Дар саҳни Майдони Парчами шаҳри Панҷакент дар Рӯзи даъватшаванда аввалин гурӯҳи ҷавонон барои хизмат дар сафи Қувваҳои мусаллаҳи мамлакат гусел карда шуданд, хабар доданд ба АМИТ «Ховар» дар Мақомоти иҷроияи ҳокимияти давлатии шаҳри Панҷакент.
Раиси шаҳри Панҷакент Абдухолиқ Холиқзода ҳозиринро бо Рӯзи даъватшаванда ва маросими гусели шермардон ба хидмати ҳарбӣ табрик гуфта, иброз дошт, ки «хидмат ба Ватан, ҳимояи марзу буми он аз муҳимтарин вазифаҳои шаҳрвандӣ ва инсонии ҳар ҷавонмард аст. Хизмат дар сафи неруҳои мусаллаҳро Президенти Ҷумҳурии Тоҷикистон, Сарфармондеҳи Олии Қувваҳои мусаллаҳи мамлакат муҳтарам Эмомалӣ Раҳмон мактаби ватандорию мардонагӣ унвон кардаанд».
Дар ҳамоиш даъватшавандагон изҳор доштанд, ки хизмат ба Ватанро онҳо бо амри дил, ба хотири ҳифзи марзу бум ва осмони осоиштаи мамлакат интихоб кардаанд ва ин барои ҳар ҷавонмард бояд ҳам қарз ва ҳам фарз бошад. Волидони даъватшавандагон, собиқадорони меҳнат ба наваскарон барои хизмати шоиста ва садоқатмандона ба Ватан фотиҳаи нек доданд.
Дар ҳамоиш ба гурӯҳи аввали даъватшавандагон-ихтиёриён ва хатмкардагони мактаби техникии Ҷамъияти ихтиёрии мададгори мудофиа дар вазъияти тантанавӣ шаҳодатномаҳои ронандагӣ супорида шуданд.
Чун анъанаи нек даъватшавандагон луқмае аз нони модарон насиба карданд. Ин нон то бозгаши онҳо дар пешгоҳи хона, пеши назари модарон нигоҳдорӣ мешавад.
Санъаткорони шаҳр барномаи ҷолиби фарҳангӣ пешкаш намуданд ва зери садои мусиқӣ даъватшавандагон бо шӯру шавқ рақсида, шодмонӣ намуданд.
АКС: Мақомоти иҷроияи ҳокимияти давлатии шаҳри Панҷакент
Прокурори ҳарбии гарнизони Суғд: «Нақши Ваҳдати миллӣ дар рушди Қувваҳои Мусаллаҳ ва ҳифзи манфиатҳои миллӣ беназир аст»
Маркази матбуоти Вазорати корҳои дохилии Ҷумҳурии Тоҷикистон хабар медиҳад
Дар Душанбе корхонаи ғайриқонунии истеҳсоли доруворӣ ошкор гардид
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
