«МУАММОҲОИ МУОСИРИ ФИЗИКА». Дар Институти физикаю техника конференсияи VIII байналмилалӣ баргузор шуд
ДУШАНБЕ, 24.10.2022 /АМИТ «Ховар»/. 21—22 октябр дар Институти физикаю техникаи ба номи С.Умаров конференсияи VIII байналмилалии «Муаммоҳои муосири физика» баргузор шуд, хабар доданд ба АМИТ «Ховар» дар институти мазкур.
Дар конференсия дар бахшҳои физикаи атмосфера, тағйирёбии иқлим ва энергияи таҷдидшаванда, пажӯҳиш дар риштаи муҳитҳои конденсӣ, нанотехнология ва маводи нав, физика ва технологияи ҳастаӣ, физикаи назариявӣ ва системаҳои динамикӣ мубоҳисаҳои илмӣ сурат гирифтанд.
Ба конференсия зиёда аз 90 маводи илмӣ ворид шуданд, ки ба онҳо маърӯзаҳои илмии олимони хориҷӣ аз муассисаҳои илмӣ ва таълимии Федератсияи Россия, Узбекистон, Озарбойҷон, Туркия, Португалия, Ҷумҳурии Мардумии Чин низ шомил буданд.
Дар мубоҳисаҳои илмӣ хосиятҳои диэлектрикии маҳлулҳои обии электролитҳо, масъалаҳои сигналҳои фотоакустикии маводи сахт, динамикаи молекулавии падидаҳои наномиқёс дар таҳқиқи маводи доругӣ ва маводи нав, хосиятҳои фавқулноқилҳои як ва ду-соҳавӣ, ташаккули объектҳои наноандоза дар монокристаллҳои кремний, усулҳои ҳисоб кардани сохтори электронии маводҳои нанокомпозитӣ, моделсозии динамикӣ-молекулавии устувории сохтории перовскитҳо ҳамчун асоси унсурҳои офтобӣ, истифодаи комплексии манбаъҳои барқароршавандаи энергия, моделсозии системаҳои квантӣ бо спини баланд, воридшавии чангу ғубор дар қисмати ҷанубӣ ва марказии Тоҷикистон, таҳлили консентратсияи ҷузъҳои карбон дар аэрозолҳои атмосфера, таҳқиқот оид ба консентратсияи металлҳои вазнин дар растаниҳои шифобахши Тоҷикистон ва хосиятҳои биологии металлҳои омӯхташуда, технологияи истифодаи антратсит барои истеҳсоли маводи карбон, экспедитсияи илмии «Помир-2022», ҳисобкунии коэффисиенти гармии хӯлаҳои алюминий, таъсири мутақобилаи дохилимолекулярӣ дар пайвастагиҳои гетеросиклӣ ва ғайра муҳокима шуданд.
Аз миёни онҳо беш аз 20 маърӯзаи олимони хориҷӣ тариқи маҷозӣ мавриди баррасӣ қарор гирифтанд.
Бояд гуфт, ки ин ҷамъомади илмӣ аз соли 2008 оғоз ёфта, ба таври анъанавӣ дар солҳои ҷуфт доир карда мешавад. Дар он ҳар ду сол олимони соҳаи физикаю техника пажӯҳиши худро ба баррасии илмӣ пешниҳод мекунанд.
АКС: Институти физикаю техникаи ба номи С.Умаров
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
