Раисони кумитаҳои амният ва мудофиаи парлумонҳои кишварҳои СААД ҳамкории низомиро баррасӣ намуданд
ДУШАНБЕ, 20.10.2022 /АМИТ «Ховар»/. Имрӯз дар шаҳри Санкт-Петербурги Федератсияи Россия ҷаласаи ҳамоҳангсозии раисони кумитаҳо (комиссияҳо) оид ба мудофиа ва амнияти парлумонҳои кишварҳои узви СААД дар назди Шӯрои Ассамблеяи парлумонии СААД, таҳти раёсати Раиси ҷаласаи ҳамоҳангсоз, раиси кумитаи Маҷлиси намояндагони Маҷлиси Олии Ҷумҳурии Тоҷикистон оид ба тартиботи ҳуқуқӣ, мудофиа ва амният Рустам Шоҳмурод баргузор гардид.
Дар ин бора ба АМИТ «Ховар» котиби матбуоти Маҷлиси намояндагон Муҳаммадато Султонов хабар дод.
Иштирокчиёни ҷаласа дар оғоз гузориши муовини сардори Раёсати мушкилоти амнияти ҳарбии Котиботи СААД Олег Латиповро оид ба ҳолат ва дурнамои рушди ҳамкории низомӣ дар доираи СААД дар марҳилаи кунунӣ шуниданд.
Муовини Раиси комиссияи доимӣ оид ба мудофиа ва амнияти Маҷлиси миллии Ҷумҳурии Арманистон Армен Хачатрян дар бораи татбиқи афзалияти Ҷумҳурии Арманистон дар давраи раёсати СААД дар соли 2022 ва вазъи кунунии низомию сиёсӣ дар марзҳои минтақаи Қафқоз, амнияти дастҷамъии СААД дар асоси тамоюл ва дурнамои рушди он изҳори андеша намуд.
Сипас, аъзои ҷаласаи ҳамоҳангсозӣ дар бораи мушкилоти амнияти дастҷамъӣ дар минтақаҳои амнияти дастҷамъии СААД табодули назар намуданд.
Дар кори ҷаласаи ҳамоҳангсозии раисони кумитаҳо (комиссияҳо) оид ба мудофиа ва амнияти парлумонҳои кишварҳои узви СААД дар назди Шӯрои Ассамблеяи парлумонии СААД намояндаи Маҷлиси Олии Ҷумҳурии Тоҷикистон дар қароргоҳи Ассамблеяи Байнипарлумонии давлатҳои аъзои Иттиҳоди Давлатҳои Мустақил Бахтовар Сафарзода иштирок ва суханронӣ намуд.
Дар фарҷом вакилони парлумон тарҳи нақшаи кори АБ СААД барои соли 2023-ро баррасӣ карданд.
Акс: МН МО ҶТ
Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Қирғизистон ба тасвиб расид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум доир шуд
Файзалӣ Идизода бо Раиси Маҷлиси аш — Шурои Шоҳигарии Арабистони Саудӣ вохӯрӣ намуд
Раиси Маҷлиси намояндагони Тоҷикистон бо муовини якуми Раиси Федератсияи палатаҳои тиҷоратии Шоҳигарии Арабистони Саудӣ вохӯрӣ намуд
Раиси Маҷлиси намояндагони Тоҷикистон бо Раиси Агентии рушди сармоягузории Шоҳигарии Арабистони Саудӣ вохӯрӣ намуд
Дар Донишгоҳи давлатии Хуҷанд вохӯрии вакилони Маҷлиси намояндагон бо устодону донишҷӯён доир гардид
Ба омӯзгорону донишҷӯёни Коллеҷи омӯзгории шаҳри Хуҷанд муҳтавои Паёми Президенти Тоҷикистон расонида шуд
Ба сокинони ноҳияҳои Шамсиддини Шоҳин, Муъминобод ва Ховалинг Паёми Президенти Тоҷикистон шарҳ дода шуд
Раиси Маҷлиси намояндагон Файзалӣ Идизода ба сокинони Рашт нуктаҳои асосии Паёми Президенти Тоҷикистонро шарҳ дод
Дар ноҳияи Шоҳмансури шаҳри Душанбе вохӯрии вакилон бо интихобкунандагон доир шуд
Дар ноҳияи Мастчоҳ вохӯрии вакили Маҷлиси намояндагон бо интихобкунандагон доир шуд
Мулоқоти вакилони Маҷлиси намояндагон бо интихобкунандагон оғоз гардид
