Ғолиби «Тӯби тиллоӣ»-2022. Карим Бензема бори аввал беҳтарин бозигари ҷаҳон эълон шуд

Октябрь 18, 2022 11:07

ДУШАНБЕ, 18.10.2022 /АМИТ «Ховар»/.  Шаби   17 октябр аз ҷониби маҷаллаи фаронсавии France Football маросими супурдани ҷоизаҳо барои мавсими гузаштаи футбол баргузор шуд.  Ҳамлагари  дастаи  футболи  «Реал Мадрид»-и  Испания  Карим Бензема ҳамчун беҳтарин бозингар ҷоизаи «Тӯби тиллоӣ» ба даст овард, хабар додааст хабарнигори АМИТ «Ховар».

Дар мавсими гузашта ҳамлагари фаронсавӣ дар 32 бозӣ дар Ла Лигаи Испания 27 гол зада, 12 партофти головар кардааст.

Мавриди зикр аст, ки  Карим  Бензема инчунин дар 12 вохӯрии Лигаи чемпионҳо 15 маротиба гол зада, ду маротиба ба шариконаш ассист кардааст.  Бисёре аз голҳои ӯ дар давраи плей-офф ва финали мусобиқа буданд.  Дар ҳайати дастаи  «Реал Мадрид» Карим Бензема қаҳрамони Испания шуд ва инчунин баъд аз пирӯзӣ бар дастаи футболи  «Ливерпул»-и Англия Ҷоми Лигаи чемпионҳоро гирифт.

Дар оғози мавсими ҷорӣ вақте ки дастааш дар бозӣ барои ин ҷом аз дастаи  «Айнтрахт»-и Олмон қавитар баромад, Карим  Бензема соҳиби Суперҷоми Аврупо шуд.  Карим Бензема дар бораи ҳамлагари дастаи футболи  «Манчестер Юнайтед»-и Англия  Криштиану Роналду баъди ба даст овардани «Тӯби тиллоӣ» изҳори назар карда, гуфт:  «Бо ӯ бозӣ кардан бароям шараф аст, вай беҳтарин бозингар аст. Рӯзе, ки ӯ рафт, майли беҳтар шуданам пайдо шуд.  Ман ҳавасмандӣ дорам, ки дар майдон бештар кор кунам».

Худи Криштиану Роналду дар овоздиҳӣ барои ҷоизаи «Тӯби тиллоӣ» дар ҷои 20-ум қарор гирифт.  Ҳамлагари португалӣ барандаи панҷкаратаи «Тӯби тиллоӣ» аст.

Карим Бензема пас аз Зинедин Зидан аввалин бозингари фаронсавист, ки ин ҷоизаи фахриро соҳиб шуд.

                                                                            АКС аз манбаъҳои боз

Октябрь 18, 2022 11:07

Хабарҳои дигари ин бахш

Варзишгарони тоҷик дар мусобиқаи байналмилалӣ дар Малайзия 3 медал ба даст оварданд
ҶОМИ КФО-2023/24. Замони баргузории бозии дастаҳои «Равшан»-и Тоҷикистон ва «Алтин Асир»-и Туркманистон муайян шуд
ЛИГАИ ЧЕМПИОНҲОИ ОСИЁ. Бозии дастаҳои футболи «Истиқлол» ва «Ал-Наср» мусовӣ анҷом ёфт
ЧЕМПИОНАТИ ҶАҲОН ОИД БА БОКС. Варзишгари тоҷик Фариноз Абдуллоева барандаи медали нуқра гардид
ЛИГАИ ЧЕМПИОНҲОИ ОСИЁ. Имрӯз дар шаҳри Душанбе бозии дастаҳои футболи «Истиқлол» ва «Ал-Наср» доир мешавад
ЛИГАИ ЧЕМПИОНҲОИ ОСИЁ. 4 декабр дар Варзишгоҳи марказии шаҳри Душанбе нишасти хабарии пеш аз бозии дастаҳои «Истиқлол» ва «Ал-Наср» доир мешавад
ЛИГАИ ЧЕМПИОНҲОИ ОСИЁ. Пагоҳ дар Душанбе бозии даври шашуми марҳилаи гурӯҳӣ байни дастаҳои «Истиқлол» ва «Ал-Наср» баргузор мешавад
5 декабр дар се минтақаи шаҳри Душанбе фан-зона барои тамошои бозии «Истиқлол» ва «Ал-Наср» ташкил мешавад
Паҳлавонони тоҷик аз Чемпионати ҷаҳон оид ба кураш бо 4 медали биринҷӣ ба Ватан баргаштанд
ЧЕМПИОНАТИ ТОҶИКИСТОН -2023. Дастаи футболи «Истиқлол»-и шаҳри Душанбе пеш аз муҳлат ғолиб гардид
Дар шаҳри Хуҷанд Мусобиқаи байналмилалӣ оид ба шиноварӣ баргузор гардид
Ҳарифони паҳлавонони шинохтаи тоҷик дар мусобиқаи Tokyo Grand Slam-2023 оид ба ҷудо муайян шуданд