ЯРМАРКАИ БАЙНАЛМИЛАЛИИ «SLOW FOOD». Захираҳои табиӣ ва экологии Тоҷикистон дар он муаррифӣ ва тарғиб шуданд
ДУШАНБЕ, 06.10.2022 /АМИТ «Ховар»/. Захираҳои табиӣ ва экологии Тоҷикистон дар ярмаркаи байналмилалии «SLOW FOOD» (ғизои солим), ки дар шаҳри Турини Италия баргузор гардид, муаррифӣ шуданд, иттилоъ додааст АМИТ «Ховар» бо истинод ба Кумитаи ҳифзи муҳити зисти назди Ҳукумати ҷумҳурӣ.
Дар доираи ярмарка барои тарғибу ташвиқи масъалаҳои экологӣ, сайёҳӣ ва истифодаи устувори захираҳои табиӣ зиёда аз 200 варақаҳои таблиғотӣ дар намоишгоҳ тақсим карда шуданд.
Дар ярмаркаи байналмилалии «SLOW FOOD» дар радифи сад кишвари дунё Тоҷикистонро мутахассиси ҳудудҳои табиии махсус муҳофизатшавандаи Кумитаи ҳифзи муҳити зисти назди Ҳукумати ҷумҳурӣ Қутбиддин Раҷабов намояндагӣ намуд.
Ҳадафи ярмаркаи байналмилалии «SLOW FOOD»- тарғиби ғизои солими аз лиҳози экологӣ тоза ва дар ин замина таҳкими дӯстии халқҳо ҷиҳати дастгирии сайёҳии экологӣ мебошад.
Дар ярмаркаи байналмилалии «SLOW FOOD» намояндагони сад давлати дунё дар гӯшаҳои махсус иқтидорҳои бою табиию экологии кишварҳояшонро ба маъраз гузоштанд.
Аз ҷониби Ҷумҳурии Тоҷикистон дар ярмаркаи байналмилалии «SLOW FOOD» мавзеъҳои сайёҳӣ, паркҳои миллӣ, ёдгориҳои табиӣ ва рекреатсионии Ҷумҳурии Тоҷикистон, аз ҷумла дараи Қаратоғ оид ба ҳифз ва истифодаи устувори намуди «Шоҳ-моҳӣ» — гулмоҳии амударёии нодире, ки ба Китоби сурхи Ҷумҳурии Тоҷикистон соли 2015 шомил шудааст, пешниҳод гардиданд.
Ин иқдом барои ҷалби ҳарчи бештари сайёҳон ба Ҷумҳурии Тоҷикистон мусоидат менамояд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Дар Хатлон вобаста ба амалиёти пешгирикунандаи «Маданияти шаҳрдорӣ» ҷаласа баргузор гардид
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
Дар Файзобод оид ба пешгирии қонунвайронкуниҳо дар самти истифодаи қувваи барқ вохӯрӣ доир гардид
Имрӯз дар Тоҷикистон ҳавои тағйирёбанда дар назар аст
Дар вилояти Хатлон иқдоми ҳизбии «Ҳеҷ кас ва ҳеҷ чиз фаромӯш нашудааст» баргузор гардид
Масъалаҳои ташаккул ва рушди иқтисодиёти «сабз» дар шароити саноатикунонӣ баррасӣ карда шуданд
