16 НОЯБР – РӮЗИ ПРЕЗИДЕНТИ ТОҶИКИСТОН. Қадру манзалати ин мансаб аз сидқан дӯст доштани ватану миллат ба хотири рушду таҳкими давлат аст
ДУШАНБЕ, 16.11.2022 /АМИТ «Ховар»/. Рӯзи Президенти Ҷумҳурии Тоҷикистон на ҳамчун мавҷудияти мансаби олии давлатӣ дар давлат, балки пеш аз ҳама, арҷгузорӣ ба шахсияти барҷастаи таърихи навини миллати мост, ки бо меҳнату заҳматҳои шабонарӯзӣ моҳияти сиёсӣ, иҷтимоӣ, ҳуқуқӣ ва фарҳангии ин мансаби давлатиро ба мо нишон доданд. Ин нуктаро муовини Раиси Суди конститутсионии Ҷумҳурии Тоҷикистон Карим Каримзода бахшида ба Рӯзи Президенти Ҷумҳурии Тоҷикистон изҳор дошт.
Ба гуфтаи К. Каримзода, қадру манзалати ин мансаб аз сидқан дӯст доштани ватану давлат, қаҳрамонӣ ва ҷоннисориҳо ба хотири рушду таҳкими давлат ва миллат мебошад, ки ин амалҳо аз ҷониби Президенти Ҷумҳурии Тоҷикистон муҳтарам Эмомалӣ Раҳмон борҳо собит гардидаанд. «Ҳамин аст, ки меҳнати фидокорона, худшиносӣ, худогоҳӣ ва ҳувияти баланди миллии Президенти мо сабаби ба дараҷаи Асосгузори сулҳу ваҳдати миллӣ — Пешвои миллат сарфароз гардидани ин шахсияти таърихии сатҳи ҷаҳонӣ гардиданд. Пешвои миллати мо ин мансаби олии давлатиро ба мактаби давлатдорӣ, тарбияи насли нави сиёсии давлат, ҳифзи манфиатҳои миллӣ, баланд бардоштани эътибори байналмилалии Ҷумҳурии Тоҷикистон мубаддал намуданд»,-зикр намуд ӯ.
Бояд иброз намуд, ки мансаби Президенти Ҷумҳурии Тоҷикистон имрӯз барои ҳар шаҳрванди Тоҷикистон рамзи пойдориву бардавомии давлати соҳибистиқлоли Тоҷикистон, кафили рушди босубот ва устувории ҷомеаи Тоҷикистон, сулҳу ваҳдати саросарии миллӣ, ободии ватану диёр, шукрона аз даврони соҳибистиқлолӣ, тақвият бахшидан ба фаъолияти бузурги созандагиву бунёдкорӣ ва ҳифзи арзишҳои таърихӣ ва фарҳангии миллати мо мебошад.
Тавре Карим Каримзода изҳор медорад, ҳаёти сиёсию иқтисодӣ, иҷтимоӣ ва ҷараёни минбаъдаи давлату давлатсозӣ дурустии роҳи пешгирифтаи давлат ва Ҳукумати Ҷумҳурии Тоҷикистон, алалхусус саҳми Пешвои миллат ва муносибати халқи кишварро барои ба лексикони сиёсиву ҳуқуқӣ ворид намудани мансаби Президенти Ҷумҳурии Тоҷикистон, тақвияти идоракунии самаранок ва сохтмони давлатӣ, рушди тамоми институтҳои ҷомеаи демократӣ, боло рафтани эътибори давлат ва нақшу манзалати инсон ва шаҳрванд баръало собит намуд.
«Нахуст эътимоди халқ ва баъдан эътимоди дигар қувваҳои сиёсии мамлакат ба ин институти давлатдорӣ қавӣ гардида, дар мамлакат фазои ором ва суботи бардавоми сиёсӣ, иқтисодию иҷтимоӣ ва фарҳанги волои ташкили ҳокимияти давлатӣ ва иштирок дар идоракунии давлат рӯйи кор омад. Халқ зери ливои Президенти Ҷумҳурии Тоҷикистон муттаҳид гардида, давлат зери роҳбарии Президент барои бунёди ҷомеаи адолатпарвар ва давлати иҷтимоӣ, инчунин фаъолияти созандагию бунёдкорӣ имконият ва шароити воқеӣ пайдо намуд»,-афзуд мавсуф.
Шаҳлои САДРИДДИН,
АМИТ «Ховар»,
АКС: АМИТ «Ховар»
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
