БО ПЕШВОИ МИЛЛАТЕМ! Бахшида ба Рӯзи Парчами давлатӣ дар ноҳияҳои водии Рашт роҳпаймоӣ доир гардид
САНГВОР, 24.11.2022 /АМИТ «Ховар»/. Субҳи имрӯз дар маркази ноҳияҳои Сангвору Нуробод ва Лахшу Рашту Тоҷикобод ба ифтихори Рӯзи Парчами давлатии Ҷумҳурии Тоҷикистон роҳпаймоӣ баргузор гардид. Дар ин ҷамъомадҳои бошукӯҳ қариб 4 ҳазор нафар сокинон, бо шумули кормандони идораву муассисаҳо, собиқадорони меҳнат ва хонандагону донишҷӯён иштирок намуда, бо парчамҳои хурду бузург, аксҳои Пешвои миллат ва қаҳрамонони Тоҷикистон роҳҳои марказии ноҳияҳоро тай намуданд, иттилоъ медиҳад мухбири минтақавии АМИТ «Ховар» Субҳониддини Маҳмуд.
Дар ҳамоишҳои идона аҳли адабу фарҳанг ва ҷавонон оид ба нақши Парчами давлатӣ дар таҳкими давлатдории тоҷикон, ифтихор аз арзишҳои миллати куҳанбунёд ва тарбияи насли наврас дар рӯҳияи хештаншиносӣ сухан гуфта, садоқати бепоёни худро ба Пешвои муаззами миллат изҳор карданд. Онҳо таҳти шиорҳои «Бо Пешвои миллатем!», «Пайравони Пешвои миллатем!» ва «Парчамат бодо парафшон, Тоҷикистони азиз!» шеърҳо қироат намуданд. Овозхонону мутрибони дастаҳои ҳунарии ин ноҳияҳо табъи ҳозиринро бо суруду оҳангҳои дилнишини ватандӯстӣ шод гардониданд.
Дар ҳамоишҳои идона зикр шуд, ки Парчами миллӣ ҳамчун рамзи давлатдорӣ маънои самимона дӯст доштани Ватани маҳбуб- Тоҷикистон, арҷ гузоштан ба муқаддасоти он ва эҳтиром ба ҳар ваҷаб замину ҳар қатра оби зулоли онро дорад. Пос доштани муқаддасоти миллӣ ва ифтихор аз он вазифаи ҷонии ҳар фарди тоҷик ба шумор меравад, зеро зиндагӣ дар зери ливои ваҳдату сулҳу субот ва парафшонии парчами давлати соҳибистиқлол барои миллати тоҷик бахту иқболи баланд аст.
Мардуми сарбаланди мо дар партави сиёсати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо рӯҳияи баланди ифтихор аз ватандорӣ ҷашни яке аз рамзҳои муқаддаси милливу давлатӣ- Рӯзи Парчами давлатии Ҷумҳурии Тоҷикистонро истиқбол мегирад. Бояд гуфт, ки Парчами давлатӣ нишони муқаддас, рамзи ҳувият, ифтихору нанг ва шарафи мамлакат арзёбӣ гардида, мавқеи сиёсӣ ва таърихиву фарҳангии кишварро дар сатҳи ҷаҳонӣ инъикос менамояд.
АКС: АМИТ «Ховар»
«ОЛИҲАИ МЕҲР». Маҷмуа ба мақоми занони фаъоли тоҷик дар рушди ҷомеа бахшида шудааст
«Анор» сокинони Душанберо хушҳол намуд
Дар вилояти Суғд бо собиқадорони меҳнат вохӯрӣ баргузор шуд
ДАРАХТ БИШНОН! Дар шоҳроҳи Душанбе — Варзоб беш аз 500 бех ниҳоли санавбар шинонида шуд
Имрӯз дар ноҳияҳои кӯҳии Тоҷикистон барф меборад
Дар академияи зимистонаи «Ҳаво» масъалаҳои мутобиқшавӣ ба тағйирёбии иқлим баррасӣ шуданд
Дар шаҳри Ҳисор ба маъюбон аробачаи маъюбӣ дастрас карда шуд
Дар Душанбе дастовардҳои рушди соҳибкорӣ ва сармоягузорӣ баррасӣ гардиданд
Имрӯз дар Душанбе борон пешгӯӣ мешавад
Вобаста ба хатари терроризм ба низоми давлатдории муосир дар Вазорати мудофиаи Тоҷикистон ҳамоиш доир шуд
Дар Душанбе ҷаласаи сайёри Шурои ҷамъиятии Ҷумҳурии Тоҷикистон баргузор шуд
Имрӯз дар Тоҷикистон ҳаво тағйирёбанда шуда, борону барф меборад
