БОРИ АВВАЛ ДАР ТАЪРИХИ МОЛИЯ. Биржаи Москва ба муомилот бо пули миллии Тоҷикистон — сомонӣ шурӯъ кард
ДУШАНБЕ, 03.11.2022 /АМИТ «Ховар»/. Бори аввал аз 31 октябри соли равон Биржаи Москва ба муомилот бо пули миллии Тоҷикистон- сомонӣ шуруъ кард, ки ин ҷанбаи муҳими рушди тиҷорат ва сармоягузории ду давлат маҳсуб мешавад. Дар ин бора расонаҳои хабарии русии ИТАР ТАСС, Интерфакс, Спутник ва www.moex.com иттилоъ додаанд.
Тавре қаблан таҳлилгарон иброз доштанд, беш аз 57 дарсади ҳисоббаробаркуниҳо дар савдои мутақобила бо асъори миллии Россия ва Тоҷикистон анҷом дода мешавад. Ҳоло ҷуфти рубл ва сомонӣ дар майдони бузургтарини холдингии биржаи Россия ба муомилот шурӯъ намудаанд, ки ин ба имконияти рушд додани ҳамкории молиявӣ ва гардиши мол дар ҷумҳурӣ равона карда мешавад.
Биржаи Москва яке аз биржаҳои калонтарини ҷаҳон ба ҳисоб рафта, аз ҷониби он ба муомилот баровардани пули миллии сомонӣ нишони муваффақияти нави иқтисоди Тоҷикистон дониста мешавад. Биржа чунин мешуморад, ки чунин тадбирҳо имкони табдили мустақимро барои бонкҳо, брокерҳо ва мизоҷони онҳо, инчунин иштирокчиёни фаъолияти иқтисодии хориҷӣ васеъ мекунанд. «Мубодилаи асъор бо ҷуфтҳои нави асъор унсури муҳими зерсохторӣ барои рушди ҳисоббаробаркуниҳо бо асъори миллӣ миёни Россияву Тоҷикистон аст», — гуфта шудааст дар гузориши нашрнамудаи сомонаи Биржа.
Ҷиҳати ба муомилот бо пули миллии сомонӣ шурӯъ кардани Биржаи Москва коршиноси масоили молиявӣ Абдукарим Қурбонов чунин иброз дошт, ки шомил гардидани сомонии тоҷик ба Биржаи Москва ва бо ҷуфти рубли русӣ хариду фурӯш кардани он фоли нек аст. Мавсуф зикр намуд, ки дар сурати амалӣ гардидани ин иқдом аз ҷониби намояндагони тиҷоратии ин ду давлат ҳам Тоҷикистон ва ҳам Россия бо воҳидҳои пулии худ дар он ҷо таклифу пешниҳодҳоро ба роҳ монда, амалиёти худро иҷро мекунанд. Ин имконият қаблан дар Биржаи Москва вуҷуд надошт.
«Ин аз он шаҳодат медиҳад ки иқтисоди миллӣ боз ҳам ба мувафақияти нав ноил ва асъори миллии Тоҷикистон ба бозорҳои нав ба нав роҳ ёфта истодааст. Ин муносибатҳои иқтисодӣ ва мубодилавиро миёни доираҳои тиҷоратии ҳам Тоҷикистон, ҳам Россия ва дигар давлатҳо хеле осон мегардонад»,-изҳор дошт А.Қурбонов.
АКС: www.moex.com
Парвозҳои мустақим дар самти Машҳад – Душанбе – Машҳад оғоз гардид
Тоҷикистон ва Ҷопон дар соҳаи мониторинги пиряхҳо, газҳои гулхонаӣ ва сифати ҳаво Ёддошти тафоҳум ба имзо расониданд
Байни Палатаи савдо ва саноати Тоҷикистон ва вилояти Қазвини Эрон Ёддошти тафоҳуми ҳамкорӣ ба имзо расид
Неругоҳи барқи обии «Тоҷикистон» дар 7 сол 30 миллион кВт-соат неруи барқ истеҳсол намудааст
ҚУРБИ АСЪОР: 1 рубли русӣ аз 0.1147 то 0.1140сомонӣ муқаррар шудааст
Дар ноҳияи Деваштич шудгори заминҳо оғоз гардид
Оид ба ҳамкории Тоҷикистон ва Иттиҳоди Аврупо дар рушди энергетикаи устувор намоиши аксҳо доир шуд
Дар Тоҷикистон беш аз 611 гектар замин шудгор карда мешавад
Дар Хатлон беш аз 30 ҳазор зан ба фаъолияти соҳибкорӣ машғул аст
Дар Душанбе масъалаҳои марбут ба тавоноӣ барои мувозинати низоми энергетикӣ баррасӣ карда шуд
Лоиҳаи Кодекси экологии Ҷумҳурии Тоҷикистон таҳия гардид
Кумитаи бехатарии озуқаворӣ оид ба солимии ҳайвонот конференсияи байналмилалӣ баргузор намуд
