Байни «Шабакаҳои интиқоли барқ»-и Тоҷикистон ва «Маркази илмӣ-техникии системаи ягонаи энергетикӣ»-и Русия Созишномаи ҳамкорӣ ба имзо расид
ДУШАНБЕ, 03.04.2026 /АМИТ «Ховар»/. Байни Ҷамъияти саҳомии кушодаи «Шабакаҳои интиқоли барқ»-и Ҷумҳурии Тоҷикистон ва Ҷамъияти саҳомии «Маркази илмӣ-техникии системаи ягонаи энергетикӣ»-и Федератсияи Русия Созишномаи ҳамкорӣ ба имзо расид, иттилоъ медиҳад АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон.
Ин санад дар доираи Форуми байналмилалии электроэнергетикии Қазон – «ЭНЕРГОПРОМ», ки 2 апрел дар Қазон оғоз гардид, аз ҷониби муовини директори генералии Ҷамъияти саҳомии кушодаи «Шабакаҳои интиқоли барқ» -и Ҷумҳурии Тоҷикистон Баҳодур Усмонов ва директори генералии Ҷамъияти саҳомии «Маркази илмӣ-техникии системаи ягонаи энергетикӣ» -и Русия Руслан Измайлов ба имзо расонида шуд.
Самти ин санад ба таҳкими ҳамкории дарозмуддат ва рушди шарикии мутақобили судманд дар соҳаи электроэнергетика равона гардидааст.
Дар доираи созишнома ҷонибҳо густариши ҳамкориро дар самтҳои калидӣ, аз ҷумла рушди технологияҳои интиқоли идорашавандаи неруи барқи ҷараёни тағйирёбанда, аз ҷумла трансформаторҳои фазатағйирдиҳанда ва дастгоҳҳои ҷубронкунандаи тавоноии реактивӣ, рақамикунонии технологияҳои таҷҳизоти ҳимояи релеӣ ва идоракунии зиддисадамавӣ ва стандартизатсияи талаботи системавӣ ва технологӣ нисбат ба таҷҳизоти интиқоли неруи барқ, аз ҷумла трансформаторҳои фазатағйирдиҳанда, инчунин нисбат ба системаҳои идоракунӣ, танзим, ҳифз ва автоматика ба роҳ мемонанд.
АКС: Вазорати энергетика ва захираҳои оби Ҷумҳурии Тоҷикистон
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
Ҳаҷми умумии даромади буҷети давлатии Тоҷикистон 114,3 фоиз иҷро гардидааст
Ҳайати Тоҷикистон дар Форуми ҳамкорӣ ва рушди тиҷорати электронии Роҳи абрешим иштирок намуд
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
Дар Хадамоти зиддиинҳисорӣ оид ба танзими нархи молу маҳсулоти аз ҷиҳати иҷтимоӣ зарурӣ ҷаласаи Ситоди доимӣ доир шуд
Дар Неругоҳи барқи обии «Роғун» ҳамоиши техникӣ баргузор гардид
Роҳбарияти Бонки миллии Тоҷикистон ва намояндагони GGGI рушди маблағгузории устуворро баррасӣ намуданд
