Бузургтарин дастоварди Иҷлосияи XVI Шӯрои Олӣ — барқарории сулҳ ва ваҳдати миллӣ дар Тоҷикистон аст
ДУШАНБЕ, 12.11.2022 /АМИТ «Ховар»/. «Анҷумани саодати миллат»- таҳти чунин унвон дар шаҳри Гулистони вилояти Суғд бахшида ба 30-солагии Иҷлосияи 16-уми Шӯрои Олии Ҷумҳурии Тоҷикистон Конференсияи илмӣ-амалӣ баргузор шуд, хабар доданд ба АМИТ «Ховар» дар Мақомоти иҷроияи ҳокимияти давлатии шаҳри Гулистон.
Раиси шаҳри Гулистон Раъно Ҳошимзода зикр намуд, ки дарвоқеъ, Иҷлосияи XVI Шӯрои Олии Ҷумҳурии Тоҷикистон барои таҳкими ҳокимияти давлатӣ, ташаккули истиқлолияти миллӣ ва таъйин намудани самти ҷараёни инкишофи ҷомеа дар солҳои баъдӣ, инчунин пайгирӣ намудани принсипҳои талаботи бунёди ҷомеаи демократӣ, дунявӣ ва ҳуқуқбунёду ягонаасос заминаи воқеӣ ба вуҷуд овард.
Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир ба аҳамияти ин санади тақдирсоз иброз намудаанд, ки «Иҷлосияи XVI Шӯрои Олии Ҷумҳурии Тоҷикистон рӯйдоди воқеан таърихӣ мебошад, зеро маҳз дар ҳамин иҷлосия тақдири ояндаи давлати миллии тоҷикон тарҳрезӣ гардид».
Дар конференсия иштирокчии бевоситаи Иҷлосияи 16-уми Шӯрои Олии Ҷумҳурии Тоҷикистон Муродҷон Тоҳиров, доктори илмҳои таърих, профессор Ваҳҳоб Набизода, доктори илмҳои филологӣ, профессор Нуралӣ Нурзод ва номзади илмҳои таърих, дотсент Рустам Юлдошев доир ба таърих ва раванди баргузорӣ, арзиш ва муҳимияти ин рӯйдоди бузурги таърихӣ сухан намуданд.
Зикр гардид, ки дар замони буҳрони сохторҳои ҳокимияти давлатӣ иҷлосия якчанд санадҳои ҳуқуқӣ қабул кард, ки онҳо ба фаъол намудан ва таҳким додани сохтори ҳокимияти давлатӣ асос гузоштанд. Ҳамаи қарору қонунҳо ҳамчун иқдомоти пай дар пайи роҳбарияти сиёсии ҷумҳурӣ, ки дар иҷлосия интихоб гардид, имкон доданд, ки мамлакат ба сӯи пойдорӣ, таҳкими ҳокимияти давлатӣ ва истиқлолияти миллӣ қадам гузошта, мардум ба бунёдкориву созандагӣ машғул шавад.
Бузургтарин дастоварди мо пас аз Иҷлосияи таърихӣ, бешубҳа, барқарор кардани сулҳи комил ва ваҳдати миллӣ дар Тоҷикистон аст.
Иштирокдорони конференсия бори дигар бо таърихи баргузории Иҷлосияи 16-уми Шӯрои Олии Ҷумҳурии Тоҷикистон ва нақши он дар барқарории сулҳу ваҳдати комил ва таҳкими Истиқлолияти давлатӣ шинос гардиданд.
АКС: Мақомоти иҷроияи ҳокимияти давлатии шаҳри Гулистон
Бахшида ба Рӯзи Конститутсия бо иштироки судяҳо конфронси ҷумҳуриявии илмӣ-амалӣ баргузор гардид
«КОНСТИТУТСИЯ- ШОҲСУТУНИ ДАВЛАТИ ОБОДИ МО». Таҳти ин унвон дар Кумитаи хоҷагии манзилию коммуналӣ ҳамоиш доир гардид
Ҳаракати навбатии пиряхи Деҳдал мушоҳида гардид
Дар Академияи миллии илмҳо бахшида ба 31-солагии Конститутсия конференсияи илмию амалӣ баргузор шуд
Музаффар Ашуриён: «Конститутсияи Тоҷикистон санади тақдирсоз ва муайянкунандаи сарнавишти халқу миллати мо мебошад»
Дар пойтахт Симпозиуми байналмилалии «Саҳми Абӯалӣ ибни Сино дар рушди илм, фалсафа ва тамаддуни ҷаҳонӣ» идома дорад
Доир ба нақши Конститутсия дар рушди давлатдории миллӣ ҳамоиш баргузор гардид
Моҳи ноябр Тоҷикистонро чӣ гуна ҳаво интизор аст?
Ҳуҷраи кории аввалин президенти Академияи фанҳои Тоҷикистон Садриддин Айнӣ навсозӣ гардид
Дар Душанбе Форуми ёздаҳуми миллӣ оид ба волоияти қонун оғоз гардид
Симпозиуми байналмилалӣ таҳти унвони «Саҳми Абуалӣ ибни Сино дар рушди илм, фалсафа ва тамаддуни ҷаҳонӣ» оғоз гардид
Дар вилояти Свердловски Федератсияи Русия дар мавзуи рушди саноатикунонии Тоҷикистон вохӯрӣ доир шуд
