Дар Кумитаи рушди сайёҳӣ бахшида ба Рӯзи Конститутсия ҳамоиш доир шуд
ДУШАНБЕ, 02.11.2022 /АМИТ «Ховар»/. Рушди сайёҳӣ дар дилхоҳ давлат ба таъмини заминаи меъёрӣ ва ҳуқуқӣ, бунёди таҳкурсии қонунгузорӣ вобастагӣ дорад. Кафолати баамалбарории фаъолияти сайёҳӣ дар моддаи 12 Конститутсияи Ҷумҳурии Тоҷикистон муқаррар карда шудааст. Ин матлабро имрӯз Раиси Кумитаи рушди сайёҳии назди Ҳукумати Ҷумҳурии Тоҷикистон Тоҷиддин Ҷӯразода зимни баргузории ҳамоиш бахшида ба 28-умин солгарди қабули Конститутсияи Ҷумҳурии Тоҷикистон баён намуд.
Тавре ба АМИТ «Ховар» дар маркази матбуоти Кумитаи рушди сайёҳии назди Ҳукумати Ҷумҳурии Тоҷикистон иттилоъ доданд, Тоҷиддин Ҷӯразода иброз дошт, ки «маҳз бо шарофати Конститутсия ҷаҳониён Тоҷикистонро чун субъекти комилҳуқуқи муносибатҳои байналмилалӣ, кишвари татбиқкунандаи сиёсати дарҳои кушода ва халқи Тоҷикистонро чун мардуми бунёдкору сулҳпарвар ва фарҳангию меҳмоннавоз шинохтанд».
Ҳамчунин дар ҷараёни ҳамоиш зикр шуд, ки дар Ҷумҳурии Тоҷикистон аз замони ба даст овардани Истиқлолияти давлатӣ то имрӯз маҷмўи санадҳо ва меъёрҳои гуногуни ҳуқуқӣ қабул карда шудаанд, ки бевосита ба рушди сайёҳӣ дар мамлакат мусоидат менамоянд.
Дар ҳамоиш ҳамчунин масъалаҳои ташкили дурусти кор ҷиҳати таъмини хизматрасонии сатҳи баланд ба мизоҷон, аз ҷумла дар меҳмонхонаҳо, ошхонаву тарабхонаҳо, фурудгоҳҳо, инфрасохтори сайёҳӣ, ҷалби ҳарчӣ бештари сайёҳон ба кишвар, таъмини ҳаракати бемамониати шаҳрвандон бо истифода аз нархҳои дастрас, ташкили хатсайрҳои нави парвози тайёраҳо ва ба талаботи сатҳи байналмилалӣ мутобиқ намудани хизматрасониҳо мавриди баррасӣ қарор дода шуданд.
АКС: Кумитаи рушди сайёҳии назди Ҳукумати ҶТ
Дар Кувайт зарфияти сайёҳии Тоҷикистон муаррифӣ гардид
Тоҷикистон ва Чин ҳамкориро дар самти сайёҳӣ тақвият мебахшанд
Тоҷикистон ва Куба ҳамкориро дар соҳаи сайёҳӣ густариш медиҳанд
Тоҷикистон ва вилояти Свердловск самтҳои асосии сайёҳиро муайян намуданд
Ширкатҳои сайёҳии Тоҷикистон ва вилояти Свердловск ҳамкориро тақвият медиҳанд
Тоҷикистон ва Русия ҳамкориро дар соҳаи сайёҳӣ тақвият мебахшанд
Дар Душанбе ҳамоиши ҷавонони соҳаи сайёҳӣ баргузор гардид
Намояндагони Тоҷикистон дар Ассамблеяи генералии Иттиҳоди донишгоҳҳои Авруосиё дар Истанбул иштирок намуданд
Ҳамкории Тоҷикистон ва Олмон дар соҳаи сайёҳӣ густариш меёбад
Нахустин маротиба имконоти сайёҳии Тоҷикистон дар Намоишгоҳи байналмилалии саёҳат, тиҷорат ва фарҳанг дар Амрико муаррифӣ гардид
Намояндаи Тоҷикистон дар Намоишгоҳи байналмилалии тиҷоратӣ ва фарҳангии Флорида иштирок намуд
941 ҳазор сайёҳони хориҷӣ мавзеъҳои зебоманзари Тоҷикистонро тамошо намуданд
