ФУТЗАЛ. «Истиқлол» ва «Соро Компания» барои Суперлигаи Тоҷикистон рақобат мекунанд

ДУШАНБЕ, 18.11.2022 /АМИТ «Ховар» «Ховар»/. Пагоҳ,  соати 18:00  дастаҳои  футзали  «Истиқлол»-и шаҳри  Душанбе   ва  «Соро Компания»-и шаҳри Душанбе  бозии сеюми худро дар доираи рақобатҳои даври ниҳоии Суперлигаи Тоҷикистон-2022  оид ба футзал  баргузор мекунанд, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.

Бозии  дастаҳои  футзали  «Истиқлол»-и шаҳри Душанбе   ва  «Соро Компания»-и шаҳри Душанбе    дар  Маҷмааи варзишии Кохи олимпии   пойтахт доир мегардад.

Ёдовар мешавем, ки силсилабозиҳои марҳилаи ниҳоии Суперлига се пирӯзиро дар бар мегиранд. Дар айни замон дар силсилабозиҳо  дастаи футзали  «Соро Компания»-и шаҳри Душанбе  бо ҳисоби 2 бар 0 пешсаф мебошад. Дар сурати муваффақияти навбатӣ  дастаи  «Соро Компания» маротибаи чорум Чемпиони  Тоҷикистон мешавад. Дар ду бозии гузаштаи марҳилаи ниҳоии Суперлига  шогирдони Пайрав Воҳидов ин ҳарифи пурқуввати хешро  бо ҳисобҳои 3:2 ва 5:4 мағлуб намуда буданд.

                                                                                                                 Акс: ФФТ