ИЛМ-ФУРӮҒИ МАЪРИФАТ. Дар Душанбе ин озмуни ҷумҳуриявӣ ҷамъбаст гардид

Ноябрь 26, 2022 13:05

ДУШАНБЕ, 26.11.2022. /АМИТ «Ховар»/. Дар Муассисаи давлатии «Театри давлатии академии опера ва балети ба номи С Айнӣ» Озмуни ҷумҳуриявии «Илм-фурӯғи маърифат» бо тантана ҷамъбаст гардида, ғолибон бо ҷоизаҳо сарфароз гардонида шуданд. Дар ин бора ба АМИТ «Ховар» дар Академияи миллии илмҳои Тоҷикистон иттилоъ доданд.

Даври чоруми озмун 21 ноябр дар Академияи миллии илмҳои Тоҷикистон оғоз шуда, тайи 4 рӯз дар бахшҳои гуногун дар муассисаҳои илмӣ ва донишгоҳҳои бонуфузи кишвар идома ёфт.

Дар маросими ҷамъбасти озмун муовини Сарвазири мамлакат Матлубахон Сатториён, Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Эмомалӣ Насриддинзода ва дигар шахсони масъул иштирок доштанд.


Мавриди зикр аст, ки озмуни мазкур бо сарпарастии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар партави Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф (2020-2040) соли дуюм аст, ки аз рӯйи 7 (ҳафт) номина миёни хонандагони муассисаҳои таҳсилоти миёнаи умумӣ ва донишҷӯёни донишгоҳу донишкадаҳо ва бо иловаи номинаи ихтироъкорӣ байни олимону муҳаққиқони синни гуногун баргузор мешавад.

Тибқи Низомномаи озмун, ба ҳар номина 2 ҷойи 3-юм, 2 ҷойи 2-юм ва 1 ҷойи якум пешбинӣ шуда, ба ғолибони ҷойҳои 3-юм понздаҳ (15000) ҳазор сомонӣ, ҷойҳои 2-юм бисту панҷ (25000) ҳазор сомонӣ ва ба ҷойи 1 сиву панҷ (35000) ҳазор сомонӣ туҳфаи пулӣ ва ҷому ифтихорномаҳо тақдим карда шуданд. Инчунин ба омӯзгорони хонандагони ғолиб ба маблағи даҳ (10000) ҳазор сомонӣ туҳфаҳои пулӣ тақдим гардиданд.


Дар номинаи «Химия»-и Озмуни ҷумҳуриявии «Илм – фурӯғи маърифат» хонандаи Муассисаи таълимии давлатии “Литсей барои хонандагони болаёқат”- шаҳри Хуҷанд Сарвиноз Рауфова ҷои 1, хонандаи Гимназияи №4-и ш. Душанбе Абдувоҳид Бобозода ҷои 1, хонандаи Муассисаи таҳсилоти миёнаи умумии №56 Хайрулло Саъдуллоев ҷои 2, хонандаи Литсейи №5-и шаҳри Исфара Мустафохӯҷа Эшонов ҷои 3 ва хонандаи Литсейи Ҳотам-П.В.-и шаҳри Душанбе Нуриддин Вализода ҷои 3-юмро ишғол намуданд.

Дар номинаи «Химия»-и Озмуни ҷумҳуриявии «Илм – фурӯғи маърифат» донишҷӯи Донишгоҳи давлатии технологии Тоҷикистон Насимҷон Шамсуддинов ҷои 1, донишҷӯи Донишгоҳи миллии Тоҷикистон Ҷумабой Қурбонов ҷои 2, донишҷӯи Донишгоҳи давлатии тиббии Тоҷикистон ба номи Абўалӣ ибни Сино Бобохон Ҳофизов ҷои 2, донишҷӯи Донишгоҳи миллии Тоҷикистон Меҳриддин Икромов ҷои 3, донишҷӯи Донишкадаи политехникии Донишгоҳи техникии Тоҷикистон ба номи академик М. Осимӣ дар шаҳри Хуҷанд Меҳрангез Зоҳирова ҷои 3-юмро соҳиб шуданд.


Дар номинаи «Биология»-и Озмуни ҷумҳуриявии «Илм – фурӯғи маърифат» хонандаи Мактаби президентӣ барои хонандагони болаёқати ноҳияи Данғара Фариза Акрамова ҷои 1, хонандаи Муассисаи таҳсилоти миёнаи умумии №48 ш. Душанбе Меҳрона Ғуломова ҷои 2, хонандаи Муассисаи таҳсилоти миёнаи умумии №4, н. Б. Ғафуров Муаттара Охунова ҷои 2, хонандаи Муассисаи таҳсилоти миёнаи умумии №63-и ш. Душанбе Умеда Фозилова ҷои 3 ва хонандаи Литсейи №3- шаҳри Душанбе Мунаввархон Валиев ҷои 3-юмро соҳиб гардиданд.

АКС: Академияи миллии илмҳои Тоҷикистон 

Ноябрь 26, 2022 13:05

Хабарҳои дигари ин бахш

Байни «Тоҷикфилм» ва «Сарез Сармоя» шартномаи ҳамкорӣ оид ба таҳияи филми мустанади «Сарез» имзо шуд
«ҲАР ОН КАС, КИ «ШОҲНОМА»-ХОНӢ КУНАД…». Дар Донишгоҳи давлатии Хуҷанд конференсияи байналмилалии илмӣ-амалӣ доир шуд
«Тоҷикфилм» ва Синамогурӯҳи «Ғарб» Ёддошти тафоҳум ба имзо расониданд
18 МАЙ-РӮЗИ БАЙНАЛМИЛАЛИИ ОСОРХОНАҲО. Онҳо ба мардум фароғати фарҳангӣ бахшида, бо таърих ва фарҳанги қадимӣ шинос менамоянд
ОСОРХОНА — ОИНАИ ТАЪРИХИ ХАЛҚ. Эҳдо ба Рӯзи байналмилалии осорхонаҳо
Ҳамкории Академияи миллии илмҳои Тоҷикистон бо муассисаҳои илмии Чин густариш меёбад
Дар Панҷакент Кӯшки суғдӣ кашф гардид
БАХШИДА БА РӮЗИ БАЙНАЛМИЛАЛИИ ОСОРХОНАҲО. Дар Осорхонаи миллии Тоҷикистон иқдоми байналмилалии «Шабе дар осорхона» доир мешавад
Оҳангсоз аз Эрон: «Шашмақомсароёни тоҷик хеле садои дилнишину оромбахш дошта, дар фосилаҳои садоии созҳои ин жанр бартарӣ доранд»
«ФУРӮҒИ СУБҲИ ДОНОӢ КИТОБ АСТ». Дар Норак даври шаҳрии озмуни ҷумҳуриявӣ оғоз шуд
Дар доираи Фестивал-симпозиуми байналмилалии «Шашмақом» дарси маҳорат бо услуби «устод – шогирд» доир шуд
150 номгӯй китоби бадеӣ, илмӣ ва таърихии нашриёти Тоҷикистон ба Намоишгоҳи байналмилалии «Китоби Теҳрон» пешниҳод гардид