Намояндаи Тоҷикистон директори нави Донишкадаи ҲИМОМ таъйин гардид
ДУШАНБЕ, 15.11.2022 /АМИТ «Ховар»/. Директори нави Донишкадаи ҳамкории иқтисодии минтақавии Осиёи Марказӣ Кабир Ҷӯразода таъйин гардид. Ба иҷрои вазифа ӯ рӯзи ҷумъа, 11 ноябр шурӯъ намуд. Дар ин бора АМИТ «Ховар» бо истинод ба сомонаи донишкада хабар медиҳад.
Ҷӯразода таҷрибаи зиёда аз 25-солаи кор дар соҳаи хизмати давлатӣ ва идоракунии молияи давлатӣ, ҳамкории иқтисодӣ ва ҳамгироии минтақавӣ, сиёсати иҷтимоии давлатӣ, банақшагирии стратегӣ, мониторинг ва арзёбӣ дорад. Ӯ дар таҳияи санадҳои барномавӣ, хулосаҳои таҳлилӣ ва ҳисобот таҷриба дорад.
Донишкадаи ҲИМОМ (Central Asia Regional Economic Cooperation, CAREC) ташкилоти байниҳукуматиест, ки ба пешбурди ҳамкории иқтисодӣ дар Осиёи Марказӣ ва Роҳи Абрешим тавассути илм ва омӯзиш бахшида шудааст. Қароргоҳи Донишкада дар Урумчӣ (ҶМЧ) ҷойгир аст.
Донишкадаи ҲИМОМ аз ҷониби ёздаҳ кишвари узви ҲИМОМ: Афғонистон, Озарбойҷон, Чин, Гурҷистон, Қазоқистон, Қирғизистон, Муғулистон, Покистон, Тоҷикистон, Туркманистон ва Узбекистон истифода ва идора карда мешавад.
МАЪЛУМОТНОМАИ АМИТ «Ховар»:
Кабир Ҷӯразода Донишгоҳи давлатии Тоҷикистонро аз рӯи ду ихтисос- яке «Муносибатҳои байналмилалӣ» ва дигаре «Сиёсатшиносӣ» хатм карда, инчунин курси такмили ихтисоси «Идораи давлатӣ»-ро дар Академияи хизмати давлатии назди президенти Россия хатм кардааст.
Ҳоло дар Донишгоҳи миллии Тоҷикистон болои рисолаи номзадии «Таъсири равандҳои ҳамгироии ҷаҳонӣ ва минтақавӣ ба рушди Тоҷикистон» кор мебарад.
Ҷӯразода то шомил шудан ба Донишкадаи ҲИМОМ мушовир дар бахши Ёрдамчии Президенти Тоҷикистон оид ба масъалаҳои иқтисодӣ, муовини Раиси Кумитаи кор бо ҷавонон, варзиш ва сайёҳӣ буд. Ӯ инчунин Ҳамоҳангсози миллии лоиҳаи Бонки ҷаҳонӣ «Ташаккули имконияти иҷтимоию иқтисодӣ барои ҷавонон дар Ҷумҳурии Тоҷикистон» буд.
Кабир Ҷӯразода оиладор ва соҳиби чор духтар аст.
Узви Шӯрои миллии суботи молиявии Тоҷикистон (2018-2022), Шӯрои нозирони «Тоҷиксодиротбонк» (2016-2020), Кумитаи иҷроияи Конфедератсияи бадминтони Осиё (2019-2023), Раиси Кумитаи Конфедератсияи бадминтони Осиё (2019-2023) ва Раиси Шӯрои ҷавонони СҲШ (2012). Ҳоло президенти Ташкилоти ҷамъиятии варзишии «Федератсияи бадминтони Тоҷикистон» мебошад.
АКС аз сомонаи ҲИМОМ
РАВАНДИ ОБИ ДУШАНБЕ. Сомонаи расмии Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028» фаъол гардид
Барои иштирок дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор» бақайдгирӣ оғоз ёфт
Дар Қоҳира ҳамкорӣ байни ширкатҳои Тоҷикистону Миср баррасӣ гардид
Дар Душанбе Ҷаласаи навбатии Шурои сарони ҳукуматҳо (сарвазирон)-и давлатҳои узви СҲШ доир мегардад
Сафири Тоҷикистон бо муовини якуми Раиси Бонки марказии Арабистони Саудӣ мулоқот намуд
Дар Душанбе бо иштироки намояндагони 27 давлат маъракаи ниҳолшинонӣ баргузор шуд
Сафири Тоҷикистон дар Ҷумҳурии Корея бо мудири иҷроияи AFoCO мулоқот намуд
Дар Боку тавсеаи ҳамкории Тоҷикистон ва Озарбойҷон дар соҳаи воситаҳои ахбори омма баррасӣ гардид
Дар Сафорати Ҷумҳурии Тоҷикистон дар Русия Рӯзи Модар таҷлил гардид
Сафири Тоҷикистон дар Амрико бо Директори иҷроияи ширкати Mooney Group мулоқот кард
Дар Қоҳира масъалаи таҳкими ҳамкории Тоҷикистону Миср баррасӣ шуд
Имконияти ҳамкорӣ байни Тоҷикистон ва ширкати NVIDIA дар соҳаи зеҳни сунъӣ баррасӣ гардид
