Қоҳир Расулзода: «Тоҷикистон ва Россия барои ҳамкорӣ ва густариши тиҷорати мутақобила иқтидори бузург доранд»
ДУШАНБЕ, 09.11.2022 /АМИТ «Ховар»/. «Ҳамкории мо дорои хусусияти шарикии стратегӣ ва дастгирии мутақобила буда, минбаъд низ таҳти роҳбарии сарони давлатҳо – муҳтарам Эмомалӣ Раҳмон ва муҳтарам Владимир Путин ба таври комил рушд хоҳад кард. Мехоҳам таъкид намоям, ки Россия шарики асосии иқтисодии хориҷии Тоҷикистон миёни кишварҳои ИДМ ва хориҷи дур буд ва ҳаст. Дар ин бора маълумоти оморӣ дар бораи афзоиши гардиши мол гувоҳӣ медиҳад», — изҳор дошт Сарвазири Тоҷикистон Қоҳир Расулзода зимни ҷаласаи 18-уми Комиссияи байниҳукуматии Тоҷикистон ва Россия оид ба ҳамкории иқтисодӣ, иттилоъ медиҳад хабарнигори АМИТ «Ховар».
Қоҳир Расулзода гуфт, ки ду кишвар барои ҳамкорӣ ва густариши тиҷорати мутақобила иқтидори бузург доранд.
«Имрӯз мо ин масъаларо баррасӣ кардем, намояндагони вазорату идораҳо аз рӯи он кор карда истодаанд. Фикр мекунам, ки дар оянда низ мо ҳам аз ҷиҳати гардиши савдои хориҷӣ ва ҳам дар дигар бахшҳо, бахусус дар бахши саноат ҷараёни мусбат ва хуби рушд хоҳем дошт. Мо имкон доштем, ки ҳам дар доираи хосса ва ҳам дар доираи васеъ оид ба ҳамкории тиҷоратӣ-иқтисодӣ ва фарҳангию гуманитарӣ табодули афкор намуда, дурнамои рушди муносибатҳои Тоҷикистон ва Россияро баррасӣ намоем», — илова кард Сарвазири Тоҷикистон.
Тавре муовини сарвазири Федератсияи Россия Алексей Оверчук тазаккур дод, рӯзномаи ҷаласаи имрӯза бисёр васеъ ва ғанӣ буда, коршиносон ба муҳокимаи муфассал замина гузоштанд.
«Аксари супоришҳо пурра иҷро гардиданд. Барои Россия муносибатҳо бо Тоҷикистон аҳамияти хосса доранд. Тоҷикистон иттифоқчии боэътимоди Росия аст, мо дар якҷоягӣ аъзои якчанд иттиҳодҳо, созмонҳо, институтҳои молиявии муҳими байналмилалӣ, аз қабили ИДМ, СААД, СҲШ ва ғайра мебошем. Мо на танҳо масъалаҳои иқтисодӣ, балки масъалаҳои фарҳангиро низ баррасӣ кардем. Имрӯз иқтисодиёти Тоҷикистон низ нишондиҳандаҳои бисёр хуб дорад. Ва гардиши мутақобилаи мол миёни мо соли 2021 нисбат ба соли 2020 беш аз 44 дарсад афзоиш ёфта, дар 8 моҳи соли ҷорӣ низ афзоиши гардиши мол беш аз 22 дарсад ба қайд гирифта шудааст. Фикр мекунам, ки мо созишҳоро қатъиян риоя хоҳем кард, дар ин росто ба хотири афзоиши сармоягузорӣ барои фароҳам овардани ҷойҳои корӣ ва шароит ҷиҳати рушди иқтисод имконияти бисёр хуб фароҳам оварда мешаванд», — гуфт муовини сарвазири Федератсияи Россия.
Лайло ТОИРӢ,
Акрамхоҷа АКБАР,
Тоҳирҷон САИДОВ,
АМИТ «Ховар»
АКС: АМИТ «Ховар»
Дэвид Кэмерон: «Британия мехоҳад лоиҳаҳои бузурги гидроэнергетикии истеҳсолкунандаи энергияи сабзро дар Тоҷикистон дастгирӣ кунад»
Байни Душанбе ва Лондон парвозҳои мустақим ба роҳ монда мешаванд
Котиби давлатии Британияи Кабир оид ба корҳои хориҷӣ Дэвид Кэмерон ба Тоҷикистон ташриф овард
Тоҷикистон ва Ҷумҳурии Корея ҳамкории байни муассисаҳои таҳсилоти олии ду мамлакатро матраҳ намуданд
Намояндаи Тоҷикистон дар чорабинии сатҳи баланди Маҷмаи Умумии СММ оид ба нақлиёти устувор иштирок намуд
Президенти Ҷумҳурии Узбекистон бо Сарвазири Ҷумҳурии Тоҷикистон мулоқот намуд
Тоҷикистон бо Маркази байналмилалии савдо рақамикунонии соҳаҳои иқтисодӣ ва инноватсияро баррасӣ намуд
Ҳайати Тоҷикистон дар ҷаласаи ҳаштуми вазирони маорифи давлатҳои аъзои Созмони ҳамкории Шанхай иштирок намуд
Президенти Тоҷикистон: «Аҳднома оид ба ҳампаймонӣ муносибатҳои Тоҷикистону Узбекистонро ба сатҳи сифатан нав мебарорад»
Донишҷӯёни тоҷике, ки дар Русия таҳсил доранд, даъват шуданд, ки илм омӯзанд
Президенти Ҷумҳурии Узбекистон Шавкат Мирзиёев дар пояи муҷассамаи Исмоили Сомонӣ гулчанбар гузошт
Намояндаи Тоҷикистон дар машваратҳои ғайрирасмӣ дар сатҳи сафирон оид ба Саммити Оянда иштирок намуд
