ПИРЯХИ ФЕДЧЕНКО ВА ҲАЗОРОНИ ДИГАРРО ЧӢ ГУНА БОЯД НАҶОТ ДОД. Президенти Тоҷикистон Эмомалӣ Раҳмон роҳҳои муассирро номбар намуданд
ДУШАНБЕ, 08.11.2022 /АМИТ «Ховар»/. Тағйирёбии иқлим ба равандҳои иқтисодӣ, иҷтимоӣ ва экологии кишварҳо дар минтақаҳои гуногуни ҷаҳон таъсир мерасонад. Аз ин рӯ, ин масъалаи ҳассос бояд дар маркази таваҷҷуҳи ҷомеаи ҷаҳонӣ қарор дошта бошад. Дар ин бора Президенти Тоҷикистон Эмомалӣ Раҳмон дар ҳошияи Конфронси 27-уми ҷонибҳои Конвенсияи СММ оид ба тағйирёбии иқлим изҳор доштанд, менависад Агентии иттилоотии россиягии «Sputnik».
Сарвари Тоҷикистон иброз доштанд, ки намунаи возеҳи ин падидаро мо дар обшавии босуръати пиряхҳо дар сатҳи глобалӣ, аз ҷумла пиряхҳои Тоҷикистон, ки то 60 фоизи захираҳои оби Осиёи Марказиро ташкил медиҳанд, мушоҳида менамоем.
«Тайи чанд даҳсолаи охир аз 13 ҳазор пиряхи Тоҷикистон як ҳазораш пурра аз байн рафта, ҳаҷми пиряхи аз ҳама бузургтарин — Федченко — ба таври назаррас коҳиш ёфтааст», — иқтибос меорад суханони Президенти Тоҷикистонро агентии «Sputnik».
Сарвари давлат чунин меҳисобанд, ки обшавии босуръати пиряхҳо – сарчашмаи асосии оби тоза метавонад боиси оқибатҳои хеле манфӣ гардад. Ва ин ҳама дар пасманзари афзоиши истеъмоли об аз ҳисоби афзоиши аҳолӣ ва рушди иқтисодӣ сурат мегирад.
«Дар ин замина Тоҷикистон пешниҳод намуд, ки дар доираи Эътилофи обу иқлим соли 2025 Соли байналмилалии ҳифзи пиряхҳо эълон карда шавад»,-изҳор доштанд Эмомалӣ Раҳмон.
Президенти Тоҷикистон дубора барои таъсиси «Бунёди махсуси байналмилалии ҳифзи пиряхҳо» сухан гуфтанд. Ба назари Сарвари давлат, ин ташаббусҳо ба қабули чораҳои дастҷамъона ва татбиқи амалҳо оид ба ҳифзи пиряхҳо дар сатҳи ҷаҳонӣ такони нав мебахшанд.
АКС: Хадамоти матбуоти Президенти ҶТ/АМИТ «Ховар»
Нақши Президенти Тоҷикистон дар бунёди низоми муосири идоракунии давлатӣ назаррас аст
САҲМИ ПРЕЗИДЕНТИ ТОҶИКИСТОН ДАР ТАКМИЛИ ФОНДИ ОСОРХОНАИ МИЛЛӢ БУЗУРГ АСТ. Эҳдо ба Рӯзи Президент
Директори Агентии «Тоҷикстандарт»: Садоқат ба Президент, садоқат ба Ватан аст!
ПЕШВОИ РАЪИЯТПАРВАРИ МИЛЛАТ. Эҳдо ба Рӯзи Президенти Ҷумҳурии Тоҷикистон
ПАДИДАИ ПЕШВО ДАР ТОҶИКИСТОН-АКСИ САДОИ ТАЪРИХ БА НИЁЗҲОИ СИЁСИИ МИЛЛАТИ ТОҶИК. Ба Рӯзи Президенти Тоҷикистон бахшида мешавад
Эмомалӣ Раҳмон -таҳкимбахши Истиқлолияти давлатӣ ва Пешвои ваҳдатофар
Дар Осорхонаи миллӣ ба ифтихори Рӯзи Президент Рӯзи дарҳои кушод гузаронида мешавад
ҲАР РӮЗИ ФАЪОЛИЯТИ ЭМОМАЛӢ РАҲМОН ТАЪРИХСОЗИСТ. Андешаҳои академик Фарҳод Раҳимӣ бахшида ба Рӯзи Президенти Ҷумҳурии Тоҷикистон
Сарвари давлат: «Ҳар як фарди ҷомеа вазифадор аст, ки моҳияту аҳаммияти Конститутсияро ба фарзандони худ ҳанӯз аз хурдсолӣ фаҳмонад»
Эмомалӣ Раҳмон: «Маҳз ба шарофати Конститутсия ва амалӣ шудани меъёрҳои он дар Тоҷикистон фазои орому осуда муҳайё гардид»
Президенти Тоҷикистон: «Конститутсия соҳибистиқлолии халқи моро ба расмият дароварда, асосҳои бунёдии ҷомеа ва давлати навини тоҷиконро муайян намуд»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
