ШОРЕҲОН ОМОДААНД! Сокинони Тоҷикистон Чемпионати ҷаҳонии футбол-2022-ро ба таври мустақим тамошо мекунанд
ДУШАНБЕ, 15.11.2022 /АМИТ «Ховар»/. Тоҷикистон ҳуқуқи телевизионии пахши бозиҳои Чемпионати ҷаҳонии футболро, ки аз 20 ноябр то 18 декабри соли 2022 дар Қатар баргузор мешавад, ба даст овард, хабар медиҳад АМИТ «Ховар».
Дӯстдорони футболи Тоҷикистон метавонанд бозиҳои чемпионатро тавассути шабакаҳои телевизионии «Варзиш» ва «Футбол» мустақим тамошо кунанд. Бозиҳоро бо забони тоҷикӣ ҳайати рӯзноманигорони варзиш иборат аз панҷ нафар: Аловиддин Бӯриев (сармуҳаррири Идораи гузоришҳо ва пахши мустақим), Гулрӯз Ғуломов, Бобо Холмуродзода, Парвиз Маҳмадамин, Меҳровари Кишвар ва Фаридун Шарифзода шарҳ медиҳанд.
Ёдовар мешавем, ки чемпионати XXII ҷаҳон дар 8 варзишгоҳи 5 шаҳри Қатар баргузор мешавад. Шабакаҳои «Варзиш» ва «Футбол» барои мухлисони футбол пеш аз оғози бозиҳо барномаҳои махсуси варзишӣ омода мекунанд. Барномаҳо давоми як моҳ мустақим пахш мешаванд. Гурӯҳи наворбардории ин шабакаҳо нақша дорад, ки аз варзишгоҳҳои Қатар робитаи мустақим ба роҳ монад.
Пайрав ҚОСИМ,
АМИТ «Ховар»
ДАР АКС: (аз чап ба рост): Гулрӯз Ғуломов, Бобо Холмуродзода, Аловиддин Бӯриев, Парвиз Маҳмадамин, Меҳровари Кишвар, Фаридун Шарифзода. Акс ТВ «Варзиш»
Иштирокдорони Бозиҳои 20-уми Осиёӣ—2026-ро дар Фурудгоҳи байналмилалии Душанбе истиқбол гирифтанд
Дастаи мунтахаби Тоҷикистон дар бозии дӯстона бар тими миллии Чин пирӯз шуд
Имрӯз дастаи мунтахаби Тоҷикистон оид ба футбол бо дастаи мунтахаби Чин бозии дӯстона анҷом медиҳад
ҶОМИ ОСИЁ-2027. Дастаи мунтахаби духтаронаи Тоҷикистон (U-17) бо тими Урдун мусовӣ бозӣ кард
Дар Сафорати Тоҷикистон дар Салтанати Умон бо дастаи мунтахаби олимпии футболи Тоҷикистон вохӯрӣ доир шуд
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
