ҲАДАФ — $1000000000. Мубодилаи мол миёни Тоҷикистон ва Узбекистон аз ним миллиард доллар гузашт
ДУШАНБЕ, 26.12.2022 /АМИТ «Ховар»/. Мубодилаи тиҷоратии дуҷониба миёни Тоҷикистон ва Узбекистон дар 11 моҳи соли 2022 ҳудуди 503 миллион долларро ташкил дод. Ин рақам дар муқоиса бо ҳамин давраи соли 2021 26,7% бештар аст, хабар медиҳад Агентии омори Тоҷикистон.
Тоҷикистон ба кишвари ҳамсоя асосан ашёи хом: алюминийи аввалия, қувваи барқ, нахи пахта, маъдан, семент, чарми хом, пилла, абрешими хом, инчунин матоъҳои гуногун, нӯшокиҳои спиртӣ, қолин ва ғайра содирот мекунад.
Аз Узбекистон маҳсулоти тайёри нассоҷӣ, гази табиӣ, нуриҳои минералӣ, пластмасса, пойафзол, маснуоти сафолӣ, металлҳои ранга, таҷҳизоти электрикӣ ва механикӣ ворид карда мешаванд.
Бархе аз расонаҳо бо такя ба агентии омори Узбекистон хабар медиҳанд, ки «Тоҷикистон миёни кишварҳое, ки саҳми зиёди содирот ба Узбекистонро доранд, дар ҷои шашум қарор дорад: дар 11 моҳи соли равон аз ҷумҳурии ҳамсоя ба маблағи беш аз 460 миллион доллар мол ворид кардааст».
Мубодилаи мол миёни Тоҷикистон ва Узбекистон баъди ба сари давлат омадани Шавкат Мирзиёев дар ҷумҳурии ҳамсоя беш аз 7 маротиба — аз каме бештар аз 70 миллион доллар дар соли 2016 то ба беш аз 500 миллион доллар дар соли 2022 афзоиш ёфт, менависад «АП».
Шаҳлои САДРИДДИН,
АМИТ «Ховар»
АКС: Хадамоти матбуоти Президенти ҶТ/АМИТ «Ховар»
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
Татбиқи лоиҳаҳои сармоягузорӣ дар самти энергияи барқароршаванда байни Тоҷикистон ва Ҳиндустон баррасӣ шуд
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
Роҳи мошингарди «Айнӣ – Кӯҳистони Мастчоҳ» навсозӣ мешавад
Лоиҳаи Барномаи нави саноатикунонии босуръати Тоҷикистон барои солҳои 2026-2030 таҳия мегардад
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
