АМИТ «Ховар» барои саҳми арзанда гузоштан дар тарғиби соҳаи сайёҳӣ дар шаҳри Душанбе қадрдонӣ гардид
ДУШАНБЕ, 30.12.2022. /АМИТ «Ховар»/. Имрӯз дар «Кохи Суруш»-и пойтахт маросими ҷоизасупории Мақомоти иҷроияи ҳокимияти давлатии шаҳри Душанбе дар соҳаи сайёҳӣ доир гардид. Дар он АМИТ «Ховар» барои саҳми арзанда гузоштан дар тарғиби соҳаи сайёҳӣ ва инъикоси саривақтии имконияти рушди сайёҳӣ бо Ҷом ва «Сипоснома»-и Мақомоти иҷроияи ҳокимияти давлатии шаҳри Душанбе сарфароз гардонида шуд, иттилоъ медиҳад мухбири АМИТ «Ховар».
Дар маросим инчунин тамоми соҳибкорони ташаббускор, вазорату идораҳо, корхонаву муассисаҳо, ширкатҳои сайёҳӣ, тарабхонаву меҳмонхонаҳо, воситаҳои ахбори омма ва дигар ташкилоти ҷамъиятие, ки дар рушди соҳаи сайёҳӣ дар пойтахт саҳм гузошта, дар татбиқи нақшаву ибтикороти шаҳрдорӣ мусоидат намудаанд, аз ҷониби Мақомоти иҷрояи ҳокимияти давлатии шаҳри Душанбе бо ифтихорномаву сипоснома қадрдонӣ карда шуданд.
Дар маросми ҷоизасупорӣ намояндагони вазорату идораҳо, корхонаву муассиса, сохторҳои Мақомоти иҷроияи ҳокимияти давлатии шаҳри Душанбе, тарабхонаву меҳмонхонаҳо, бахши хусусӣ, ширкатҳои сайёҳӣ ва намояндагони ВАО иштирок варзиданд.
Муовини Раиси шаҳри Душанбе Дилшод Одиназода ҳамаи иштирокчиёнро бо фарорасии Соли нави мелодии 2023 табрик намуда, иброз дошт, ки “шаҳри Душанбе ҳамчун маркази тамаддуни муосири илму фарҳанги миллати куҳанбунёди тоҷик ва пойтахти давлати соҳибистиқлоли Тоҷикистон бо тарғиби арзишҳои наҷиби инсонпарварӣ, таҳаммулпазирӣ, сулҳу дӯстӣ ва фарҳанги баланди меҳмоннавозӣ ба ҷаҳониён муаррифӣ шуда, аз баракати соҳибистиқлолӣ ва самараи сиёсати созандаву бунёдгузори Асосгузори сулҳу ваҳдати миллӣ — Пешвои миллат, Президенти Чумҳурии Тоҷикистон муҳтарам Эмомалӣ Раҳмон ба шаҳри бузурги маънавиёт, илму маърифат ва имкониятҳои рушди устувор ноил гардидааст”.
Муовини якуми Раиси Кумитаи рушди сайёҳии назди Ҳукумати Ҷумҳурии Тоҷикистон Ҳабибулло Амирбекзода гуфт, ки бо шарофоти сиёсати Сарвари давлат ва иқдомҳои наҷибонаи Раиси шаҳри Душанбе пойтахт ба яке аз шаҳрҳои шинохта ва пешрафта табдил гардидааст
Мавсуф зикр намуд, ки баланд бардоштани сатҳу сифати хизматрасонӣ дар соҳаи сайёҳӣ, рушди ҳунарҳои мардумӣ, муаррифии таъриху фарҳанг ва имконияти ғании шаҳри Душанбе ба рушди ҷанбаъҳои гуногуни сайёҳӣ, бунёду беҳсозии инфрасохтори муосири соҳа, эҳёи ҳунарҳои мардумӣ, ҷалби занону ҷавонон ба касбомӯзӣ, муаррифии имконияти сайёҳӣ ва ҷалби шаҳрвандони хориҷӣ мусоидат менамояд.
Дар идома баҳри болидахотирии иштирокдорон аз ҷониби сарояндагони варзидаи кишвар барномаи рангини фарҳангӣ пешниҳод карда шуд.
Зарангези ЛАТИФ,
АМИТ «Ховар»
АКС: Дидор САЪДУЛЛОЕВ
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
Рустами Эмомалӣ бо сафари корӣ ба ноҳияи Дарвози Вилояти Мухтори Кӯҳистони Бадахшон ташриф оварданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор мегардад
Бо қарори Раиси шаҳри Душанбе Рӯзи Президент дар пойтахт дар сатҳи баланди ташкилӣ таҷлил мешавад
Бо мақсади тақвияти ҳамкорӣ дар соҳаи сайёҳӣ ҳайати шаҳри Душанбе ба Чин сафар намуд
Қарори Раиси шаҳри Душанбе оид ба омодагӣ ва таҷлили Рӯзи Конститутсияи Ҷумҳурии Тоҷикистон ба тасвиб расид
АЗ ВОДИИ РАШТ ТО ИСКАНДАРКӮЛ. Хатсайрҳои сайёҳии дохилӣ ба минтақаҳои сайёҳии Тоҷикистон анҷом ёфтанд
Марказҳои барқу гармидиҳии шаҳри Душанбе ба кор оғоз намуданд
Раиси шаҳри Душанбе Рустами Эмомалӣ оромгоҳи Мир Сайид Алии Ҳамадониро зиёрат намуданд
