Дар боғҳои Хатлон Сирки Узбекистон ҳунарнамоӣ мекунад
ДУШАНБЕ, 08.12.2022 /АМИТ «Ховар»/. Аз 5 то 15 декабр дар шаҳри Бохтар- дар маркази маъмурии вилояти Хатлон Сирки Узбекистон «Вуадил Чанор» бо сафари ҳунарӣ баромад мекунад. Дилхоҳ хоҳишманд метавонад сиркбозонро тамошо кунад, зеро онҳо дар ҷойҳои ҷамъиятӣ ройгон ҳунарнамоӣ хоҳанд кард.
Сафари ҳунарии сиркбозони узбек то моҳи феврали соли 2023 идома меёбад. Баъд аз шаҳри Бохтар онҳо дар дигар шаҳру ноҳияҳои вилояти Хатлон ҳунарнамоӣ мекунанд.
Ҳунармандон дар ҷойҳои ҷамъиятӣ ва боғҳо баромад мекунанд. Барномаи сирк аз ҳунарнамоии дорбозон, масхарабозон, ҳуққабозон, варзиши вазнин ва чашмбандӣ иборат аст.
Тавре ба АМИТ «Ховар» дар Вазорати фарҳанги Тоҷикистон хабар доданд, тобистони соли равон ҳунармандони Сирки Узбекистон дар шаҳру навоҳии вилояти Суғд сафари ҳунарӣ карда буданд. Пас аз вилояти Хатлон сафарҳо дар ноҳияҳои тобеи ҷумҳурӣ ва Душанбе ба нақша гирифта шудаанд.
Тавре дар Вазорати фарҳанги Ҷумҳурии Тоҷикистон иттилоъ доданд, намоиши Сирки Узбекистон дар доираи ҳамкории фарҳангӣ ва башардӯстонаи ду кишвар баргузор мешавад. Мувофиқи созишномаҳо, намояндагони Сирки Узбекистон барномаи худро дар қаламрави Тоҷикистон давоми соли ояндаи 2023 пурра намоиш хоҳанд дод.
Тавре қаблан АМИТ «Ховар» хабар дода буд, Вазорати фарҳанги Ҷумҳурии Тоҷикистон бо Сирки Узбекистон ба мӯҳлати як сол созишномаи ҳамкорӣ ба имзо расонидааст. Тибқи ин санад, намояндагони Сирки Узбекистон барномаи ҳунарии худро дар Тоҷикистон тайи як сол намоиш медиҳанд.
Азиза ДАДАБОЕВА,
АМИТ «Ховар»
АКС аз манбаъҳои боз
Дар Теҳрон «Шаби устод Айнӣ ва «Ёддоштҳо»-и ӯ» баргузор шуд
Дар Тоҷикистон беш аз 3000 ёдгории таърихию фарҳангӣ мавҷуд аст
Ҷаласаи Шурои ҳукуматӣ оид ба рушди кинематографияи миллӣ баргузор гардид
Дар Душанбе сохтмони яке аз иншооти зеботарин дар Осиёи Марказӣ -Театри миллӣ идома дорад
Барандагони Ҷоизаи байнидавлатии «Ситораҳои Иттиҳод»-ҷоизаи асосии башардӯстонаи ИДМ эълон шуданд
Аз Ҳисор 58 нафар ба даври минтақавии озмуни «Тоҷикистон-Ватани азизи ман» роҳхат гирифтанд
Ба ифтихори 115-солагии Шоири халқии Тоҷикистон Боқӣ Раҳимзода дар Осорхонаи миллӣ намоиш ташкил мешавад
«РОҒУН-КОХИ НУР». Дар Осорхонаи миллии Тоҷикистон намоиши асарҳои рассомон ифтитоҳ ёфт
Муовини аввали Президенти Ҷумҳурии Исломии Эрон бо таъриху тамаддуни тоҷикон шинос гардид
Дар доираи Фестивал-озмуни «Парасту» се намоиш манзури тамошобинон гардонида мешавад
Ба Осорхонаи миллии Тоҷикистон туҳфаҳои нодир тақдим карда шуданд
ҚАҲРАМОНИ ТОҶИКИСТОН. Асарҳои офаридаи Садриддин Айнӣ шаҳодатномаи миллатанд
