Дар Озарбойҷон дар самти идоракунии захираҳои инсонӣ дар асоси меритрократия* дар асри 21 ҳамоиши минтақавӣ доир шуд

Декабрь 20, 2022 16:00

ДУШАНБЕ, 20.12.2022 /АМИТ «Ховар»/. Имрӯз дар шаҳри Бокуи Ҷумҳурии Озарбойҷон бо ташаббуси Шабакаи минтақавии соҳаи хизмати давлатии Остонаи Ҷумҳурии Қазоқистон дар мавзӯи «Идоракунии захираҳои инсонӣ дар асоси меритрократия дар асри 21» ҳамоиши минтақавӣ баргузор шуд, хабар доданд ба АМИТ «Ховар» дар Агентии хизмати давлатии назди Президенти Ҷумҳурии Тоҷикистон.

Ҳадафи баргузории ҳамоиш- муаррифӣ ва шиносоӣ бо натиҷаҳои таҳқиқоти арзёбии эҳтиёҷот дар самти идоракунии захираҳои инсонӣ дар асоси меритрокатия* дар асри 21, табодули таҷриба ва ҳалли инноватсионии масъалаҳои соҳаи хизмати давлатӣ ва идоракунии давлатӣ барои коршиносони мамлакатҳо мебошад.

Дар машварати омӯзишӣ аз Тоҷикистон муовини Директори Агентии хизмати давлатии назди Президенти Ҷумҳурии Тоҷикистон Дилноза Аҳмадзода ва намояндаи Академияи идоракунии давлатии назди Президенти Ҷумҳурии Тоҷикистон Фариза Эргашева иштирок дошта, вобаста ба ташаккули хизмати давлатӣ дар Ҷумҳурии Тоҷикистон, имконияти рушди захираҳои инсонӣ, таҳсил ва такмили ихтисоси хизматчиёни давлатӣ, татбиқи технологияҳои кадрӣ ва муносибатҳои байналмилалии Тоҷикистон дар рушди хизмати давлатӣ сухан намуданд.

Мавриди зикр аст, ки Шабакаи минтақавии соҳаи хизмати давлатии Остонаи Ҷумҳурии Қазоқистон 42 кишвар ва 25 ташкилоти байналмилалии аъзоро фаро гирифта, Ҷумҳурии Тоҷикистон низ ҳамчун муассис ва узви комилҳуқуқ бо ин шабака ҳамкорӣ дорад.

Хизматчиёни давлатии Ҷумҳурии Тоҷикистон бо даъвати он мунтазам барои омӯзиши кишварҳои пешрафта дар чорабиниҳои мухталифи сатҳи байналмилалӣ иштирок менамоянд.

__________________

*Меритрократия — ин калимаи юнонии қадим буда, маънояш «сазовори ҳокимӣ, идоракунӣ» мебошад. Он принсипи идоракуниест, ки мувофиқи он одамони қобилиятнок новобаста аз пайдоиши иҷтимоӣ ва сарвати молиявиашон бояд вазифаҳои  роҳбариро ишғол намоянд.

 АКС: Агентии хизмати давлатии назди Президенти Ҷумҳурии Тоҷикистон

Декабрь 20, 2022 16:00

Хабарҳои дигари ин бахш

Аҳлиддин Ибодуллозода: «Тарбияи насли нави ваҳдатофару ваҳдатсаро аз омӯзгорон – меъморони руҳи инсон вобаста аст»
«БЕҲТАРИН ОМӮЗГОР». Фотима Сайдализода дар Озмуни байналмилалии таҳқиқотӣ сазовори дипломи дараҷаи I гардид
Марҳалаи якуми озмуни довталабон барои дарёфти Стипендияи байналмилалии «Дурахшандагон» доир гардид
Байни Донишгоҳи давлатии Бохтар ва Донишгоҳи забонҳои хориҷии Сиани Чин Ёддошти тафоҳум ба имзо расид
Ҳамкорӣ байни муассисаҳои таҳсилоти олии Тоҷикистон ва Узбекистон таҳким меёбад
Дар шаҳри Хуҷанд ғолибони олипиадаҳо ва омӯзгорони беҳтарин қадршиносӣ шуданд
Донишгоҳи давлатии ҳуқуқ, бизнес ва сиёсати Тоҷикистон бо Донишгоҳи давлатии забонҳои хориҷии Сиани Чин лоиҳаҳои инноватсиониро амалӣ менамоянд
Устодони Донишгоҳи техникии Тоҷикистон дар Форуми табодули истеъдодҳои Осиёи Марказӣ иштирок доранд
«Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2026–2030» муҳокима гардид
Таҳти унвони «Эмомалӣ Раҳмон — қаҳрамони ваҳдати тоҷикон» дар Донишгоҳи давлатии омӯзгории Тоҷикистон ҳамоиш доир шуд
Маркази таълимии забони кореягии Донишгоҳи технологии Тоҷикистон мутахассисони забондонро омода менамояд
35-СОЛАГИИ ИСТИҚЛОЛИ ДАВЛАТӢ. Дар Бадахшон сохтмони 17 бинои муассисаи таълимӣ идома дорад