ДАР САФЕД-ДАРА «МАВСИМИ ЯХБАНДӢ» ФАРО РАСИД! Барои онҳое, ки мехоҳанд Соли навро ба таври ҳақиқӣ ҷашн гирифта, ин идро хотирмон сипарӣ намоянд
ДУШАНБЕ, 30.12.2022 /АМИТ «Ховар»/. Дар Сафед-Дара «мавсими яхбандӣ» фаро расид. Онҳое, ки тамошои мавзеъҳои зебову кӯҳҳои осмонбӯс ва манзараҳои нотакрор ва лижаю конкиро дӯст медоранд, акнун метавонанд аз ин манзараи нуқрафому дилкушои кишвар дидан намоянд. Дар ин бора ба АМИТ «Ховар» дар Маҷмааи лижаронию сайёҳии «Сафед-Дара» хабар доданд.
Садои форами мусиқӣ, бозиҳо рӯйи яхи шишагин, нӯшидани чойи гарму рухсораҳои гулгун — ин ҳамаро метавонед дар оғӯши табиати барфпӯши «Сафед-Дара» бубинед ва эҳсос намоед. Ва нафароне, ки мехоҳанд Соли навро ба таври ҳақиқӣ ҷашн гирифта, ин идро ба таври хотирмон сипарӣ намоянд, имкон доранд шоми 31 декабр соати 20:00 дар маҳфили «FIREWORKS PARTY» — «Шабнишинии Соли навӣ» иштирок намоянд.
Бояд зикр намуд, ки Маҷмааи лижаронию сайёҳии «Сафед — Дара» ба як мавзеи воқеан дилфиреби истироҳатию фароғатӣ ва машқу тамрингоҳи намудҳои гуногуни варзиши зимистона табдил ёфтааст. Он ягона мавзеи сайёҳии лижаронӣ дар мамлакат буда, дар километри 57-уми шаҳри Душанбе, дар баландии 2400 метр аз сатҳи баҳр ҷойгир шудааст. Маҷмаа дорои инфрасохтори зарурии замонавӣ буда, дар он барои баргузории мусобиқаҳои зимистона ва истироҳату фароғати меҳмонону сокинони мамлакат тамоми шароит муҳайёст.
Ҳамчунин онҳое, ки дӯстдори манзараи барфпушу яхбастааанд, имкон пайдо карданд бо автобус тавассути хатсайри мустақим, ки Ширкати «Asian Express» ба «Сафед-Дара» ба роҳ мондааст, худро ба он ҷо расонанд. Ҳаракати автобус ҳамарӯза аз соати 9:00 оғоз гардида, маблағи роҳ (рафту баргашт) 70 сомониро ташкил медиҳад. Нуқтаи раҳсипоршавӣ дар терминали мусофиркашонии Автовокзали Душанбе воқеъ мебошад.
АКС аз саҳифаи «Сафед-Дара» дар Facebook
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Ба гиромидошти Рӯзи Мавлоно дар Донишгоҳи байналмилалии сайёҳӣ ва соҳибкории Тоҷикистон ҳамоиши илмӣ-фарҳангӣ доир шуд
Донишгоҳи байналмилалии сайёҳӣ ва соҳибкории Тоҷикистон ҳамкориро бо Донишгоҳи давлатии Кутаиси тақвият медиҳад
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
Дар Донишгоҳи байналмилалии сайёҳӣ ва соҳибкории Тоҷикистон Шурои нави диссертатсионӣ муаррифӣ карда шуд
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Сокинону меҳмонони пойтахт тавассути хатсайри «City Tour» зебоиҳои Душанберо тамошо намуданд
27 СЕНТЯБР — РӮЗИ ҶАҲОНИИ САЙЁҲӢ. Воридшавии сайёҳони хориҷӣ ба Тоҷикистон дар ҳашт моҳ 34% афзоиш ёфтааст
«САЙРИ ДУШАНБЕ». Ба муносибати Рӯзи ҷаҳонии сайёҳӣ дар пойтахт хатсайри ройгон ташкил карда мешавад
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
