Дар Стокголм барандагони ҷоизаи нобелӣ мукофотонида шуданд
ДУШАНБЕ, 12.12.2022 /АМИТ «Ховар»/. Шоҳи Шветсия Карли 16 Густав рӯзи шанбеи 10 декабр дар Филармонияи Стокголм ҷоизаҳои Нобелро дар бахшҳои тиб, физика, кимиё, адабиёт ва иқтисод тақдим кард. 11 нафар барандаҳо аз дасти монарх диплом ва медалҳои тилло гирифтанд. Дар ин бора АМИТ «Ховар» бо истинод ба Еuronews хабар медиҳад.
Раиси раёсати Бунёди Нобел Карл Ҳенрик Ҳелдин зимни ифтитоҳи маросим ёдовар шуд, ки пандемияи COVID-19 ба баргузории маъмулии маросими ҷоизасупорӣ дар Стокголм дар солҳои 2020 ва 2021 монеъ шуд. «Азбаски пандемияи коронавирус барои баргузории ҷашнҳои мунтазам дар ду соли охир ба мо халал расонид, имсол мо аз дидани толори пур аз барандагони Ҷоизаи Нобел боз ҳам хушҳолем», — изҳор дошт ӯ.
Хелдин инчунин аз таъсисдиҳандаи мукофот ёдовар шуд. «Дар васиятномаи худ Алфред Нобел зикр кардааст, ки ҷоиза ба онҳое дода мешавад, ки новобаста аз миллаташ ба инсоният фоидаи бештар овардааст».
Дар саҳна инчунин дорандагони ҷоизаҳои солҳои 2020 ва 2021 ҳузур доштанд, зеро бар асари пандемия ҷоиза ба ғолибон дар хонаҳояшон тақдим гардида буд.
Пас аз супоридани мукофотҳо барандагон, меҳмонон, аъзои оилаи подшоҳӣ ва ҳукумат, намояндагони аҳли илм, тиҷорат ва фарҳанг ба зиёфати анъанавӣ ба бинои маъмурияти Стокголм равона шуданд.
Азиза ДАДАБОЕВА,
АМИТ «Ховар»
АКС аз манбаъҳои боз
ИСТИҚЛОЛИЯТ ВА РУШДИ МАОРИФ. Давоми 26 сол дар ноҳияи Восеъ 16 муассисаи нав бунёд карда шуд
Дар Хатлон 37 хатмкунанда соҳиби аттестати аълои универсалӣ ва равиявӣ гардид
«МАКТАБИ ПЕШСАФ — МАКТАБИ ШАРИК». Дар муассисаҳои таълимии вилояти Хатлон таҳти чунин унвон низоми нав амалӣ карда мешавад
Осори Робиаи Балхӣ ба 10 забони хориҷӣ тарҷума карда шуд
Сарвари давлат Эмомалӣ Раҳмон дар ноҳияи Файзобод бинои нави муассисаи таҳсилоти миёнаи умумии №11-ро мавриди истифода қарор доданд
ИСТИҚЛОЛИ ДАВЛАТӢ ВА РУШДИ ИЛМУ МАОРИФ ДАР ТОҶИКИСТОН. Таҳти чунин унвон конференсияи илмӣ-назариявӣ доир шуд
Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо Бонки Осиёии Рушд баррасӣ гардид
САНАИ САРНАВИШТСОЗИ МИЛЛАТ. Эҳдо ба 35–солагии Истиқлоли давлатии Тоҷикистон
Хонандагони Тоҷикистон дар Олимпиадаи байналмилалии муҳандисӣ-кайҳонӣ сазовори ҷойи дуюм шуданд
ИСТИҚЛОЛИЯТ ВА РУШДИ МАОРИФ. Барои рушди ин соҳа дар Бадахшон зиёда аз 422 миллион сомонӣ пешбинӣ шудааст
ИСТИҚЛОЛИЯТ ВА РУШДИ МАОРИФ. Ҳаҷми маблағгузории соҳаи маориф давоми 25 соли охир 224 баробар зиёд гардид
Дар Сеул оид ба сиёсати рушди сармояи инсонӣ дар соҳаи зеҳни сунъӣ форуми байналмилалӣ доир гардид
