Дар Тоҷикистон намояндагии КВД федералии «Хадамоти шиноснома ва раводид»-и Россия ифтитоҳ меёбад
ДУШАНБЕ, 21.12.2022 /АМИТ «Ховар»/. Дар Тоҷикистон намояндагии Корхонаи воҳиди давлатии федералии «Хадамоти шиноснома ва раводид»-и Вазорати корҳои дохилии Федератсияи Россия ифтитоҳ мегардад. Ин матлаб 20 декабр дар Вазорати меҳнат, муҳоҷират ва шуғли аҳолии мамлакат зимни ҷаласаи сеюми Гурӯҳи кории Тоҷикистон ва Россия баён гардид. Дар ин бора ба АМИТ «Ховар» дар маркази матбуоти вазорат иттилоъ доданд.
Дар ҷараёни ҷаласа масъалаҳои супоридани имтиҳони забони русӣ, таърих ва қонунгузории Федератсияи Россия ва гузаронидани муоинаи тиббӣ дар қаламрави Ҷумҳурии Тоҷикистон мавриди баррасӣ қарор гирифтанд.
Дар кори ҷаласа муовини Вазири меҳнат, муҳоҷират ва шуғли аҳолии Ҷумҳурии Тоҷикистон Шаҳноза Нодирӣ, муовини сардори Хадамоти федералии меҳнат ва шуғли аҳолии Федератсияи Россия Денис Василев ва дигар масъулон иштирок намуданд.
Бояд гуфт, ки ҷаласаи мазкур доир ба татбиқи Созишнома миёни Ҳукумати Ҷумҳурии Тоҷикистон ва Ҳукумати Федератсияи Россия оид ба ҷалби муташаккили шаҳрвандони Тоҷикистон ба фаъолияти меҳнатии муваққатӣ дар қаламрави Россия аз 17 апрели соли 2019 баргузор гардид.
Ҷонибҳо зимни мулоқот имкони ҷалби кадрҳоро бо мақсади қонеъ гардонидани талаботи имрӯзаи бозори меҳнати Россия ва ташкили пойгоҳи таълимӣ барои омода намудани муҳоҷирони меҳнатӣ аз рӯи ихтисосҳои стандартҳои давлатии таҳсилоти ибтидоии касбии Федератсияи Россия мавриди таҳлил қарор доданд.
Гуфта шуд, ки муовини сардори Хадамоти федералии меҳнат ва шуғли аҳолии Федератсияи Россия Денис Василев бо сафари корӣ дар Тоҷикистон қарор дошта, дар назар аст, ки аз муассисаҳои таълимии Вазорати меҳнат, муҳоҷират ва шуғли аҳолии Ҷумҳурии Тоҷикистон дидан намояд.
АКС: Вазорати меҳнат, муҳоҷират ва шуғли аҳолии ҶТ
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
