Душанбе ва Исломобод бародаршаҳр шуданд

Декабрь 15, 2022 09:47

ДУШАНБЕ, 15.12.2022. /АМИТ «Ховар»/. Тавре қаблан хабар додем, 14 декабри соли 2022 дар доираи сафари расмии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Покистон Ёддошти тафоҳум дар бораи барқарор намудани муносибатҳои бародаршаҳрӣ байни шаҳрҳои Душанбе ва Исломобод ба имзо расид.

Ба иттилои корманди Мақомоти иҷроияи ҳокимияти давлатии шаҳри Душанбе Абдулмаҷид Ҳакимзода, аз ин пеш пойтахти Тоҷикистон бо шаҳри Лаҳори Покистон созишномаи бародаршаҳриро ба имзо расонида буд.

«Шумораи бародаршаҳрҳои Душанбе ба 21 то расид», — илова кард ӯ.

Ёдовар мешавем, ки 14 декабри соли 2022 сафари расмии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Покистон бо баргузории маросими истиқболи расмии меҳмони олимақом дар қароргоҳи Сарвазири Ҷумҳурии Исломии Покистон оғоз ёфт. Баъд аз фарҷоми музокироти сатҳи олӣ маросими имзои санадҳои нави ҳамкорӣ байни Тоҷикистон ва Покистон баргузор гардид.

Дар ҳузури Президенти Ҷумҳурии Тоҷикистон муҳтарам Эмомалӣ Раҳмон ва Сарвазири Ҷумҳурии Исломии Покистон муҳтарам Шаҳбоз Шариф як зумра санадҳои ҳамкорӣ ба имзо расиданд, ки Ёддошти тафоҳум дар бораи барқарор намудани муносибатҳои бародаршаҳрӣ байни шаҳрҳои Душанбе ва Исломобод аз ҷумлаи онҳо мебошад.

Хотиррасон мешавем, ки Душанбе — пойтахти Ҷумҳурии Тоҷикистон бо 21 шаҳри давлатҳои қитъаҳои Осиё, Аврупо, Америка ва Африқо дар асоси созишнома ва дигар санадҳои меъёрӣ-ҳуқуқӣ робитаҳои бародаршаҳрӣ истиқрор намудааст.

Соли равон шаҳри Душанбе ҳамчунин бо шаҳри Бокуи Ҷумҳурии Озарбойҷон робитаҳои бародаршаҳрӣ барқарор намуда буд. Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ зимни сафари расмӣ ба Ҷумҳурии Озарбойҷон (3-4 марти соли 2022) дар мулоқот бо роҳбари мақомоти иҷроияи шаҳри Боку Элдар Азизов ба Созишнома дар бораи барқарор намудани муносибатҳои бародаршаҳрӣ миёни шаҳри Душанбе ва шаҳри Боку имзо гузоштанд.

Ёдовар бояд шуд, ки шаҳри Душанбе то имрӯз бо шаҳрҳои зерини ҷаҳон робитаҳои бародаршаҳрӣ барқарор намудааст:

  1. САНЪО (Ҷумҳурии Яман)
  2. ЛУСАКА (Ҷумҳурии Замбия)
  3. МОНАСТИР (Ҷумҳурии Тунис)
  4. ЛАҲОР (Ҷумҳурии Исломии Покистон)
  5. КЛАГЕНФУРТ (Ҷумҳурии Австрия)
  6. БОУЛДЕР (Иёлоти Муттаҳидаи Амрико)
  7. РОЙТЛИНГЕН (Ҷумҳурии Федеративии Олмон)
  8. МАЗОРИ ШАРИФ (Ҷумҳурии Исломии Афғонистон)
  9. ТЕҲРОН (Ҷумҳурии Исломии Эрон)
  10. ШЕРОЗ (Ҷумҳурии Исломии Эрон)
  11. САНКТ-ПЕТЕРБУРГ (Федератсияи Россия)
  12. МИНСК (Ҷумҳурии Беларус)
  13. УРУМЧӢ (Ҷумҳурии Мардумии Чин )
  14. АНҚАРА (Ҷумҳурии Туркия)
  15. СЯМЭН (Ҷумҳурии Мардумии Чин)
  16. АШҚОБОД (Туркманистон)
  17. ЧИНДАО (Ҷумҳурии Мардумии Чин)
  18. ХАЙНАН (Ҷумҳурии Мардумии Чин)
  19. ОСТОНА (Ҷумҳурии Қазоқистон)
  20. БОКУ (Ҷумҳурии Озарбойҷон)
  21. ИСЛОМОБОД (Ҷумҳурии Исломии Покистон)

АКС: Хадамоти матбуоти Президенти Ҷумҳурии Тоҷикистон/АМИТ «Ховар»

Декабрь 15, 2022 09:47

Хабарҳои дигари ин бахш

Дар Душанбе Фестивали яхмос ва обҳои ташнагишикан баргузор мегардад
«ТОҶИКИСТОН ВАТАНИ АЗИЗИ МАН». Дар Душанбе даври шаҳрии озмуни ҷумҳуриявӣ оғоз шуд
ДУШАНБЕ — ШАҲРИ МУОСИР. Суратгузориш аз зебогиҳои пойтахти Тоҷикистон
«ҲУНАР ОМӮЗ…». Дар Душанбе даври шаҳрии озмуни ҷумҳуриявӣ ҷамъбаст гардид
«ҶОМИ РАИСИ ШАҲРИ ДУШАНБЕ». Дар пойтахт мусобиқаи кушод оид ба футболи хурд баргузор мешавад
«ЭКО ТАКСӢ». Дар Душанбе боз як ширкати мусофиркашонӣ ба фаъолият оғоз намуд
27-СОЛАГИИ РӮЗИ ВАҲДАТИ МИЛЛӢ. Қарори Раиси шаҳри Душанбе барои баргузории барномаҳои идона ба имзо расид
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси иҷлоси 78-уми Маҷмаи Умумии Созмони Милали Муттаҳид Деннис Фрэнсис мулоқот намуданд
«ҲУНАР ОМӮЗ…». Дар шаҳри Душанбе даври дуюми озмуни ҷумҳуриявӣ баргузор мегардад
То 1 сентябри соли 2025 ҷамъиятҳои хизматрасонии нақлиётии мусофиркашонии Душанбе пурра ба низоми нақлиёти барқӣ мегузаранд
Дар Душанбе Рӯзи ҷаҳонии ҳифзи муҳити зист таҷлил карда шуд
«КОХИ НАВРӮЗ»-МУЪҶИЗАИ МУОСИРИ САЙЁҲӢ. Ва ё шоҳкории даврони истиқлол, ки бо иқдоми Президенти Тоҷикистон бунёд шудааст