Вазири рушди иқтисод ва савдои Тоҷикистон дар ҷаласаи навбатии Шӯрои иқтисодии ИДМ ширкат варзид
ДУШАНБЕ, 03.12.2022. /АМИТ «Ховар»/. 2 декабр ҷаласаи 96-уми Шӯрои иқтисодии Иттиҳоди Давлатҳои Мустақил дар шакли видеоконфронс баргузор гардид, ки дар он Вазири рушди иқтисод ва савдои Ҷумҳурии Тоҷикистон Завқӣ Завқизода иштирок намуд. Дар ин бора ба АМИТ «Ховар» дар Вазорати рушди иқтисод ва савдои кишвар хабар доданд.
Дар доираи ҷаласа масъалаҳои ҳамкорӣ дар самтҳои тиҷоратию иқтисодӣ, энергетика, молия, амнияти иттилоотӣ ва рақамикунонӣ муҳокима гардиданд.
Зикр шуд, ки айни замон зиёда аз 50 фоизи гардиши савдои хориҷии Тоҷикистон ба давлатҳои иштирокчии ИДМ рост меояд.
Дар ҷараёни ҷаласа вобаста ба масъалаҳои лоиҳаҳои Консепсияи рушди ҳамкории саноатии давлатҳои иштирокчии ИДМ ва Маҷмӯи тадбирҳо доир ба рушди равобитии саноатии давлатҳои иштирокчии ИДМ барои давраи то соли 2030, дар бораи иҷрои Нақшаи чорабиниҳо оид ба татбиқи марҳилаи якуми (солҳои 2021-2025) Стратегияи рушди иқтисодии ИДМ барои давраи то соли 2030, лоиҳаҳои Барномаи рушди инфрасохтори миллии ҳастаии давлатҳои иштирокчии ИДМ ва Нақшаи чорабиниҳо оид ба татбиқи он, лоиҳаи Ёддошти тафоҳум оид ба ҳамкории давлатҳои иштирокчии ИДМ дар соҳаи мубориза бар зидди қаллобӣ дар шабакаҳои телекоммуникатсионӣ ва дигар масъалаҳо қарорҳои дахлдор қабул карда шуданд.
АКС: Вазорати рушди иқтисод ва савдои Ҷумҳурии Тоҷикистон
Эмомалӣ Раҳмон: «Бунёди «Комбинати металлургии Тоҷик» рамзи иқтидори рӯзафзуни иқтисодии мамлакат аст»
Пешвои миллат Эмомалӣ Раҳмон соҳибкоронро ба сармоягузорӣ дар истеҳсолот ва коркарди ашёи хоми ватанӣ даъват намуданд
Эмомалӣ Раҳмон: ««Барномаи рушди металлургияи сиёҳ барои солҳои 2027–2035» таҳия карда шавад»
Эмомалӣ Раҳмон: «Тоҷикистон бояд аз кишвари истихроҷкунандаи маъдан ба истеҳсолкунандаи маҳсулоти металлӣ табдил ёбад»
Талаботи Тоҷикистон ба филизоти сиёҳ то соли 2035 ба беш аз 2,3 миллион тонна мерасад
Эмомалӣ Раҳмон: «Рушди металлургияи сиёҳ сармоягузорӣ ба ояндаи Тоҷикистон аст»
Дар шаш моҳи соли равон 691,1 миллион дона тухм ва 21,1 тонна гӯшти паранда истеҳсол гардидааст
Дар Душанбе ҷалби сармоя ва таъсиси корхонаҳои истеҳсолӣ баррасӣ шуд
Эмомалӣ Раҳмон: «Маҷмааи металлургии Тоҷикистон даҳҳо корхона ва ҳазорон ҷойи нави кор таъсис медиҳад»
Дар Тоҷикистон суръати интернети мобилӣ панҷ баробар афзоиш ёфтааст
