Ҳайати Федератсияи байналмилалии дзюдо ба Душанбе омад

Январь 11, 2023 08:35

ДУШАНБЕ, 11.01.2023 /АМИТ «Ховар»/. 10 январ дар шаҳри Душанбе мулоқоти намояндагони Федератсияи дзюдои Тоҷикистон (ФДТ) ва ҳайати баландпояи Федератсияи байналмилалии дзюдо (IJF) баргузор гардид. Дар ин бора ба АМИТ «Ховар» дар  Федератсияи дзюдои кишвар хабар доданд.

Дар мулоқот муовини аввали президенти Федератсияи дзюдои Тоҷикистон Эргаш Маҳмадбеков ва роҳбари ҳайатаи Федератсияи байналмилалии дзюдо Владимир Барта ҳамкории ду ниҳоди варзиширо дар самти тақвият бахшидани корҳо дар амалисозии иқдомҳои нави ФДТ баррасӣ намуданд.

Роҳбари ҳайати меҳмонон паёми табрикотии президенти Федератсияи байналмилалии дзюдо Мариус Визерро ба президенти Федератсияи дзюдои Тоҷикистон Исмоил Маҳмадзоир барои интихоб шудан ба ин вазифа расонид.

Ёдовар мешавем, ки имсол дар пойтахти Тоҷикистон бори аввал дар таърих мусобиқаи сатҳи ҷаҳонӣ — Гран-при оид ба дзюдо, ки дар он наздик ба 300 нафар варзишгарон аз зиёда аз 30 кишвари ҷаҳон барои дарёфти имтиёзҳои олимпӣ мубораза хоҳанд бурд, баргузор мегардад.

Мусобиқа, ки «Grand Prix Dushanbe-2023» ном гирифтааст, 2 июни соли 2023 оғоз шуда, ду рӯз давом мекунад.

Қаблан бо ташаббус ва дастгирии Раиси шаҳри Душанбе муҳтарам Рустами Эмомалӣ дар ҳамкорӣ бо Федератсияи байналмилалии дзюдо оид ба баргузор намудани мусобиқаи «Grand Prix Dushanbe» барои солҳои 2023-2026 дар пойтахт тавофуқ ба даст омад.

Чанде пеш созишномаи лахлдор дар шаҳри Абузабӣ миёни Федератсияи байналмилалии дзюдо ва Федератсияи дзюдои Тоҷикистон ба имзо расид.

Сипас ҷонибҳо зикр карданд, ки дзюдо яке аз навъҳои варзиши рушдёфта дар Тоҷикистон маҳсуб мешавад ва Душанбе талош меварзад, то мусобиқа дар сатҳи баланди ташкилӣ баргузор шавад.

Бояд гуфт, ки Гран-при оид ба дзюдо («Grand Prix») ҳар мавсим дар доираи мусобиқаҳои ҷаҳонӣ баргузор мешавад. Дар баъзе мусобиқаҳо варзишгарон метавонанд барои рейтинги олимпӣ имтиёз ба даст оранд.

Дар охири мусобиқа ҳар як ғолиб соҳиби 1800 имтиёз мегардад. Ин шумораи имтиёзҳо бораи ба даст овардани роҳҳат ба бозиҳои Олимпии Париж-2024 кумак хоҳанд кард.

АКС: Федератсияи дзюдои Тоҷикистон

Январь 11, 2023 08:35

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад