Қазоқистон бо вилояти Хатлони Тоҷикистон ҳамкории дарозмуддати кишоварзӣ ба роҳ мемонад
ДУШАНБЕ, 20.01.2023 /АМИТ «Ховар»/. Қазоқистон нақша дорад, ки ҳамкории дарозмуддати дуҷонибаро дар соҳаи кишоварзӣ бо вилояти Хатлони Тоҷикистон тақвият бахшида, содироти маҳсулот, аз ҷумла пиёзу сабзӣ ва карамро афзоиш диҳад. Ин матлаб 19 январ зимни мулоқоти иҷрокунандаи вазифаи Раиси вилояти Хатлон Давлаталӣ Саид бо Сафири Ҷумҳурии Қазоқистон дар Тоҷикистон Валихон Туреханов баён шуд. Дар ин бора ба АМИТ «Ховар» дар шуъбаи иттилоотию таҳлилии дастгоҳи Раиси вилояти Хатлон иттилоъ доданд.
Барои татбиқи ин ҳадаф соҳибкорони Қазоқистон омодаанд, ки 15 миллион доллари амрикоӣ пешпардохт намоянд. Дар ҳолати фаъолияти устувор ҳаҷми содироти ин навъи маҳсулот метавонад то 45-50 миллион доллар афзоиш ёбад.
Зикр шуд, ки вилояти Хатлон метавонад дар як сол то 500 ҳазор тонна пиёз истеҳсол кунад, дар ҳоле ки талаботи бозори истеъмолии давлати Қазоқистон ба ҳисоби миёна дар як моҳ аз 35 то 150 ҳазор тонна пиёзро дар бар мегирад.
Давлаталӣ Саид дар робита ба зиёд будани талабот ба ин навъи маҳсулот муовини якуми Раиси вилоят ва мутахассисони соҳаи кишоварзиро муваззаф намуд, ки бо истифода аз тамоми имконият майдони кишти пиёзро васеъ ва ҳаҷми истеҳсолотро афзун намоянд. Пиёзе, ки дар мамлакати мо истеҳсол мешавад, аз ҷиҳати экологӣ тоза буда, аз ҷиҳати сифат дар Осиёи Марказӣ яке аз беҳтарин маҳсулот маҳсуб мешавад.
«Соли 2021 гардиши мол миёни ду давлат 1 миллиарду 200 миллион долларро ташкил дода, тибқи пешбиниҳо, соли равон ин рақам ба якуним миллиард доллар расонида мешавад»,-гуфта манбаъ.
Зимни мулоқот вобаста ба парвариши лимӯ ва имконияти содироти он зикр шуд, ки ноҳияи Ҷайҳун яке аз маконҳои маъруфи лимӯпарварӣ буда, дар айни замон ҳосили лимӯ дар ин ноҳия фаровон аст ва онро метавонанд ба Қазоқистон содирот намоянд. Соҳибкорони Қазоқистон барои харидории ангури тоҷикӣ низ мароқ зоҳир мекунанд ва интизор меравад, ки ҳамкорӣ дар ин ҷода густариш ёбад.
Дар ҷараёни мулоқот ҷонибҳо ҷанбаҳои муҳими муносибатҳои иқтисодию тиҷоратӣ, аз ҷумла дар бахши кишоварзии ду кишварро баррасӣ намуданд.
АКС: шуъбаи иттилоотию таҳлилии дастгоҳи Раиси вилояти Хатлон
Вобаста ба истеҳсол ва истифодаи энергияи барқароршаванда дар иқтисодиёти «сабз» ҳамоиш доир шуд
НИШАСТИ МАТБУОТӢ. Палатаи савдо ва саноат иштироки соҳибкоронро дар 12 намоишгоҳи байналмилалӣ таъмин намуд
НИШАСТИ МАТБУОТӢ. Агентии хоҷагии ҷангал дар доираи Барномаи давлатии кабудизоркунӣ зиёда аз 102 ҳазор бех ниҳол шинонид
Муовини Сарвазири Тоҷикистон бо фаъолияти хоҷагиҳои кишоварзӣ, ҷамъоварии пахта ва ҷараёни кишти такрорӣ дар шаҳри Ҳисор шинос шуд
Ҳайати Тоҷикистон дар Машварати 10-уми вазирони кишоварзии Созмони ҳамкории Шанхай иштирок намуд
НАСБИ ПАНЕЛҲОИ ОФТОБӢ ДАР БИНОҲОИ НАВСОХТ ҲАТМӢ ГАРДИД. Истифодаи неруи Офтоб дар нақлиёти барқӣ низ муфид аст
Ҳамкории Тоҷикистону Узбекистон дар мубориза бо коррупсия тақвият меёбад
НИШАСТИ МАТБУОТӢ. Ҳаҷми истеҳсоли неруи барқ дар Тоҷикистон беш аз 8,9 миллиард кВт-соатро ташкил дод
Тоҷикистон ва Беларус густариши ҳамкории тиҷоратию иқтисодӣ ва кишоварзиро баррасӣ намуданд
200 нафар занони соҳибкор аз грантҳои Президенти Ҷумҳурии Тоҷикистон бархурдор мегарданд
Дар беш аз 500 гектар замини хоҷагиҳои ҷамоавӣ ва деҳқонии Тоҷикистон боғу токзори нав бунёд гардидааст
Фарҳод Раҳимӣ: «Иқдоми стратегии Президенти Тоҷикистон доир ба зеҳни сунъӣ дар сатҳи ҷаҳонӣ хеле саривақтӣ аст»
